Phung ning loin chawleh, Chawhrawl A Tuahtu An Kan Tlaih Piaktu Cu Laksawng Peek Nan Si Lai Tiah SAC Ralhrang Nih Cathanh An Chuah
==============================
Phung ning loin chawleh, Chawhrawl a tuah mi le misual pawl khihkham, tlaih khawh nak hnga ding caah a tlai kho tu le thawngpang a pee tu cu zatuak in laksawng peek nan si lai tiah SAC ralhrang nih cathanh an chuah. Phung ning loin chawleh, Chawhrawl a tuah mi phihlkham, tlaih khawhnak caah an kan kham piaktu, an kan tliah piak tu le thawngpang an kan pee tu cu zatuak un laksawng peek nan si tiah state kip le ramthen kip ah pehtlainak phone number he cathanh an chuah tiah theih a si.
Phung ning loin thilkuar, zuartu pawl kong le Phung ning loin chawleh, Chawhrawl a tuah mi kong he pehtlaiin tlaihmi le kham mi thilri cungah hmuhmi phaisa chungin tlaihpiaktu 30% le thawngpang peetu cu 20% zatuak in laksawng peek nan si lai tiah mah cathanh ah cun an laghter chih.
Ko Jimmy Te An Thah Hnu Ah American Lungput le Policy Aa Thlen Hnga Maw? Pau Dohthlennak ah Hlan American Policy: Democracy ah kir uh: Nuhrin Covo um cikcek seh. Pi Suu Ci le MAH Tawn ter in, bia an i ruah hnu ah, aa tel ding mi vialte I tel dih in, PEACE tuah, 2023 tuah in, Hlan NLD cozah bantuk sersiam kha asi. Humanitarian timi mi harsat bawmhnak in Kawlram mipi chanchuah kha aa timh bik mi asi. UN nih American nawl aa cawng ve I Fund raising an tuah.
Zarkhat ah American Dollar 820 million a hmuh colh. Tu hi cu a tam pi lai tiah zumh asi. Federal Democracy, Ralhrang le Anasin vialte cihmih, 2008 phunghrampi thah tbk hna hi American policy ah aum lo. Ukraine Bantukin American le a Hawikom ram hna nih bawmh ding kha rak I ruahchan ngai asi. NUG Special Envoy nih tampi promise a rak kan pek ruang zong ah asi. Ukraine tlukin tampi bawmh cu kan I ruahchan mi cu a si ve lo. Ukraine a bawmh mi 1/10 an kan bawmh ah Ralhrang le an Luzik MAH kan thluk hrimhrim ko.
Phihkarhnak, thanhca, kan Ngaichiat, kawlram mipi he ka um ko, tbk lawng in American cu aum. Biatak tein le luphum in Paucan Dohthlennak ah a cawlcang lo. Aphung men tein kan ṭanhpi hna ati mi ko khi a lawh. Kaa Theory in a kal. American a holh lo tuk tikah le biatak tein a cawlcang lo tikah, a Hawikom ram vialte an kan dai thlang can. Vawleipi cu American nih aholh I a cawlcang lawngah eibar achuak. TEINAK zong hmuh asi. American lo a dang holh mi hi cu KEICHIA an si.
Paucan Dohthlennak ah ASEAN policy hi biachahnak 5 lawng kha asi tawn. ASEAN le American cu Meeting an tuah ṭi tawn. American forhfial nak in Pi Suu Kyi le MAH i tawn ding cu ASEAN nih aa timh cang. Humanitarian bawmhnak zong Kawlram um le NGOs le CSOs hna nih ṭuan loin ASEAN nih ṭuan awk ah American nih a hnatlak pi. INGOs, NGOs, SCOs vialte nih ASEAN nih Humanitarian a ṭuan ding cu an duh lo. ASEAN le SAC ṭuan ṭi asi lai caah, mipi le mi sifak sin aphan lai lo. Apoi bik mi cu: Kawlram cu Sipuazi a tla cikcek caah: mipi thahnak caah hriamnam a thli tein (NGO bawmhnak in) a cawk sual lai tiah an au hnawh zungzal hna.
American nih a hnatlakpi hna caah, UN le Ramdang ahohmanh nih an holh ngam tilo. Zeitintiah, UN ah dollar tambik a hlut tu cu American thotho asi caah asi. American nih an fial bangin ASEAN Palai, Prak Sokkhonn, Cambodia Ramdang Vuanci nih Pi Suu Kyi he I tawn awk kha, a papek bik mi Policy asi cang. Nain nai te kawlram ara ah MAH te nih Suu Ci he an tawn ter hna lo. Misual asimi, thongthlak mi, tazacuai lio mi hna le Ralhrang asimi hna he ka tawn ter khawh hna lo, Kawlram Upadi nih aduh lo Bantukin, Ramdang mi Palai caah himnak aum lo an ti.
Ko Jimmy te Democracy cawlcang tu Phu (4) an thah mi cu UN, EU, ASEAN, American, UK, Japan, Australia nih ṭhatlo lak in an mawtchiat colh. G7 cu nih mawhchiat nak thanh can an chuah colh. G7 timi Vawleipi ram rumbik 7 asimi Canada, France, Australia, Germany, Italy, Japan, UK le American ansi. G7 ramdang Vuanci hna meeting in thanhca an chuah mi asi. EU Palai hna thanh ca he kemh in an chuah. Malaysia Ramdang Vuanci Saiphulla Abdulla nih ASEAN meeting ah kan sawm ding an si ti lo tiah (Ko Jimmy te an thah hna Thaizing ah) ati ve.
Kawlram Un Special Envoy Ms. Neoleen Hezer he, Malaysia ah, Jimmy te an thah hna, Thaizing ah, Mipi le Vawleipi ah Mipi he tawnnak an tuah mi ah a chimh mi asi. Ms. Neoleen zong nih SAC cu a mawhchiat ve hna. Khuaruahhar asimi cu: Amah MAH Bantukin ralhrang asi mi, Cambodia kum 30 deng amah lawngin, Ralhrang sining in auk cang mi, Mr. Husen nih, kan tlauh len ko buin, Ko Jimmy te na thah hna cu na palh bak ko tiah ṭhatlo lakin MAH cu a mawhchiat len ve.
Mr. Ned Price, American Embassy, Biachimhnak nawl ngeih tu nih Kawlram dantat nak hi a hmual fak ter dueh a herh cang. Kaakip in dantat nak le Phihkarhnak cu ka tuah lai, MAH hremhnak hi tharchuah a herh ati. MAH nih mipi cung ah a tuahto mi ralhrang sining hi a tamtuk cang, ngawl ter a herh cang. Cihmihnak, Crimes Against Humanity timi le War Crimes Against timi Raldohnak in Ralhrang sinak timi: miphun pi vialte Thahnawn timhnak le thah cuahmah nak: A bupi in mi thahnak; Ramchung in an ṭhawl hna:
Innlo chuaktak ding in hramhram in an tuah hna: hramhram in an tlaih hna, an hrem hna; saram bangin an hrem that hna: nu paohpaoh an tlaihhrem hna: Kumtling ngakchia tleirawl tete le tarnu tiang in an tlaihhrem hna, Chia ṭha cung ah ralhrang sinak: Ningcang loin an chiaṭha ah an mualpho hna, an zoh an langhhna: tbk in nawl an buar nak hi cazin lak cawk le khawm suat cawk an si ti lo
Mr. Ned Price nih a chimh rih mi cu: Ralhrang cawlcangh nih an karh cuahmah:
Ṭihung Tuksapur Thahnawn nak phuntling an karh cuahmah: Kawlram kong ah I zukphir khawh asi ti lo, A theih lo Bantukin um awk asi ti lo. I hngilh ter ding asi tilo. MAH he pehtlaih ding asi ti hrim lo. Hriamnam zong kawlram zuar ti lo ding kan sawm hna. Rallokap he Sipuazi tuah ṭi ding asi ti lo. Misual le Damiah an si Bantukin, Misual le Damiah bang chawnbiak a herh I, lehrulh a herh cang. Miṭha Bantukin in MAH kan chawnh biak zungzal mi hi kan palh mi asi. MAH le SAC dantat a azizut nak hi kan tharchuak a herh cang.
Kan hman kel Policy kan thlen lo ahcun, Kawlram mipi a thah dih cang hna lai. Kawlram ah aum mi Ameircan mipi zong fimkhur le ralrin tein, timhcia tein um zungzal awk ah biacahnak a ngei. Kawlram um Philippines nih Kanmah tu hi aa ralrin bik ding kan si tiah an ti ve. Kawlram ah rianṭuanmi Philippines 701 (70%) 27 July 2022 ah an ram ah a kuat cang hna. MAH nih phaisa phalh in Ko Jimmy le Phio Zeyar te inn an va den caah buainak hi a zual khunnak asi.
Ralhrang nih ramdang mi cu mah ti hin an thah ve lai an phang caah asi. Kawlram kong ah American nih Policy an thlen ahcun: Paucaan Dohthlennak hi kan tei tuan ve lai. Ukraine Bantukin tampi an kan bawmh khawh lo zong biatak tein chimhrel ve seh. Ukraine cu USD 54 billion a bawmh cang. Russia le USA le ahawikom hna raldohnak bantuk asi cang.
US army pumpak nih a doh lo nain, Hriamnam vialte cu American nih bawmhmi lawng te asi. Phaisa tampi in a bawmh rih hna. Kan nih cu Hriamnam kan cawk piak seh, MAH le ralhrang thluk ding in, Ukraine an bawmh mi nakin let 100o tlawm deuh in an kan bawmh hmanh ah MAH kan TEI bak. Federal Democracy kha American nih aa hmaithlak I achimhrel ve nak lai USA cozah he I tawn aherh ve.
Federal, Anaasin vialte cihmih, 2008 phunghrampi hrawk ti lei in USA Policy aa merh nak hgna, NUG nih Ṭuanvo nan ngei. Hriamnam semrel lo tein hmang awk kan ngeih ve cang nak hnga, USA nih an kan bawmh nak lai chimhrel le tawnbiaruah a herh hrinhran ko. Hlanlio a policy ning in American nih an kal rih ahcun: Kawlram ah Federal asi khawh lai lo. Hlanlio cozah bantuk kha a hung si lai, Federal caah Tlangcung mi cu Harmegadon Raldoh asi rih ko lai.
Spokesperson Ned Price: We strongly condemn the Burmese military’s executions of pro-democracy activists and elected leaders. We call on the regime to cease executions, release all those unjustly detained, and restore Burma’s path to democracy. Crd-Zingtincuai Cinzah
Leave a Reply