Breaking News; Mipi nih kan theih duh lo bik mi kahdohnak thawngpang chia!!

Yezakyu peng ah SAC he ni-4 chung i kahdoh a si
=================
Mague ramthen,Yezakyu peng ah SAC he ni -4 chung kahdohnak ngeih a si i,ralhrang lei a thi mi le aihliam mi an um,PDF ralkap (2) nih ramle mi phun caah an nunnak an pek tiah khuate hmunram lei Comando (M.R.G.F) phu nih an thanh.

2022 Dec-21 ni zing ah Yezakyu peng Thanpinchaung le Yuataaye khua i thazaang (100) hrawng he ral a ser mi SAC rual le PDF kar ah kahdohnak a chuah hi a si.

Hi SAC rual hi M.R.G.F ၊ Pakokku comando tatkhuai -1 le Urban Underground Defense Force (UURF) unau phu thum hna nih tangtii in Sml -3 chung an doh hna tiah theih a si.

Cu pin ah Tetaw khua pawng um mipi inn a cawklet tu SAC hna cu Dec-18 ni in 20 ni tiang MRGF 1/2 hna he tiah Yezakyu peng PDF hna le Myaing myo-ne PDF / Pakokku peng PDF phu hna nih hriamngan hriamhme kemh in andohhna nak theih a si. Cu i kahdohnak chung ah ralhrang lei an fak i, PDF ralkap (2) nih an nunnak an pek tiah theih cu a si.

Mague ramthen ,Thanpinchaung khua cu nihin Dec-21 zan Sml 7:30 in SAC nih luh hnawh in mei in ankhangh caah khuami an dihlak an zam tiah theih a si.

Nihin zing lei Yezakyu peng Thanpinchaung khua pawng i PDF tangrual phu he an i kahdohnak ah a thi mi an tam caah khuachung cu luhhnawh in mipi inn hna cu an tuahkel bantuk theu in an khangh tiah kan theih .

SSPP nih Tingni peng ah rithai sii a hmang tu hna cu an luhhnawh hna , Shan ram,thlang lei um Tingni peng chung i rithai sii an zuarnak le an hmannak hmun cu SSPP nih luhhnawh in tlaih an si nak SSPP/SSA nih ni hin ah an thanh.

SSPP/SSA myo-ne ukchukye reng a ngei tu hna le Mino phu komh inTingni peng SeUu uksuh um rithaisii hmunpi cu Dec- 20 ni ah khan thianhlimh a si tiah an thanh.

Sii zuartu hna nih hin zing Sml 6 :30 in zan Sml 7:00 tiah SeUu uksuh Manmai khua pawng ah market ban tuk in an zuar cu a si i, SSPP nih thianhhlimhnak an tuah nak ah a zuar tu relchih in minung (11) tlaih an si tiah an thanh.

Rithai sii zuar nak le hman nak ca i hman mi thlam hna cu mei in khanghdih a si i, tlaih a tong mi hna lak ah sersiam le thlopbul awk a tha mi cu zohkhenh an si lai. Hremtlak a si mi cu hrem an si lai caah chekhlat nak ngeih an si lai tiah theih a si.

American ralkap hlun Trainers pawl he Special Force Cawnnak CNDF nih an tuah, 2022 December 20 – Sagaing ramthen, Kalay peng chung ah American ralkap Trainers pawl he Special Force cawnnak an tuah tiah CNDF Vakok nih December 12 ah a thanh.

Trainers pawl caan an ngaih lo tuk ruang le CNDF Vakok budgets ruang ah a cawngtu tlawmte le caan tawite chung lawng an tuah khawh tiah theih a si. Crd-The Chinland Post

SAC nih nizan Dec-19 ni ah Kalay peng chung khua hna cu daithlang in hriamngan an ankahthlah ruang ah ai rawk mi thil hna le PDF(Kalay) tuan vo ngei tu hna nih sii ai i thlopnak caah an bawmh mi hna hmanthlak hna cu PDF Kalay nih zapi hmuh khawhding in an phozar.

Kalaymyo myota sang ah lunghrinh mi cycle pakhat chek nak kan ngeih mi ah Zin Min Aung cu PDF a si caah kan tlaih tiah ralhrang thawngzamnak nih an pho zar mi hmuh a si than .

Hi thil hi nizan Dec- 19 ni chun Sml 12:30 hrawng ah ai cang mi a si tiah theih a si.A poi tuk. Kayin ram,Kawhkaride peng Kawhnuai khua ah SAC le KNLA၊ PDF tangti phu hna kar ah kahdohnak a fak ko tiah thlang lei ralhmun tawngzam nak nih nihin Dec-20 ah an pho zar nak in theih a si.

Dec-19,2022 ni chunhnu thawk in SAC ralser mi hna le KNLA၊ PDF aibawm mi hna kar ah kahdohnak fak a chuah hi a si i,SAC lei a thimi le ai hliammi an um tiah theih a si.

SAC nih hriamngan pehzulh in a hman ruang ah a pawngkam khuami zong hmunhimnak fuk in an zam . Kahdohnak chung ah ralhrang hriamngan hmanmi nih PDF ralkap(2) a hliamhna i an nunnak caah thinphan um dirhmun cu an sihraw lo tiah theih chih a si.

Kahdohnak fak a um liopi a si caah Kawhkaride – Myawady Asian lampi cu phihkhar rih a si tiah kan theih. Thailand ram, Prakat Khiri Khan pengkomh Thailand rili ah ti ralkap 100 leng an i citmi tilawng pakhat cu, December 18 zanlei ah a pil i ralkap 28 cu ti cungah an vuan rih ko, tiah theih a si.

Thailand ti ralkap tilawng cu December 18 zan sml 11:00 hrawngah Prakat Khiri Khan pengkomh Bansaphan rili in tilam meng 20 hrawng aa hlatnak ah thlichia a hran ruangah a pil, tiah ramkip thawngzamhnak nih an thanh.

Thailand ralkap 78 an khamh khawh hna i cu chungah ralkap 3 cu an hliamhma a fak ngaingai, tiah theih a si. Thailand ti ralkap tilawng Suko chungah ralkap 106 nih rili ah ralven dingin an i thawh i, thlichia a hran ruangah tilawng a pilnak hi a si, tiah theih a si.

Thlichia nih tilawng a den i electric khan chungah ti tam tuk a luh caah mei a mit dih. Seh zong rian an ṭuan khawh ti lo caah tilawng cu khattelei ah a tlu i a pil beh, tiah an langhter.

Tilawng a pilmi cu Thailand ti ralkap hna nih ralkap tilawng 3, Helicopter 2 le mi khamhnak tilawng in zan khuadei kan chanhchuah hna, tiah Thailand ti ralkap nih cathanh an chuah. American ser kum 38 a si cangmi Thailand ti ralkap tilawng cu pe 76.82 meter a sau i, 9.55 meter a kaumi a si, tiah theih a si.

Mon ramkulh, Mudone(မုဒုံ) peng Kamawet(ကမာဝက်) khua cu nihin December 20 zinglei ah mei kanghnak a chuak i inn 13 a ciam, tiah tualchung mi hna sinin theih a si.

Zinglei sml 1:00 hrawngah Kamawet khua nitlaklei Shan Suh sang ah inn a kaang i, meithat phu, mi bawmchantu phu le tualchung mi hna i bawm in inn kaang cu an phalh i sml 2:30 hrawngah an phalh khawh, tiah theih a si.

Zei ruang ah dah inn a kangh ti cu hngalh a si lo i hliamhma pumi le a thimi an um le um lo an hlathlai cuahmah. A kaang mi zat zong fiang deuh in an hlatlai cuahmah, tiah theih a si.

TNLA an umnak Namhsan peng Konetha khua ah SAC nih vawlei lei, vanlei he fak pi in kahdohnak a tuah i cu kahdohnak hi NUG, PDF, CRPH hna he lawng aa pehtlai i TNLA he a cang mi kahdohnak hi a chuak sual mi a si tiah SAC nih a thanh.

Helicopter, Jet vanlawng 10 leng hmang in vanlei kahdohnak voi 50 nak tlawm lo a tuah ko nain a sung deuh mi SAC ralkap pawl nih Konetha kahdohnak chung in hriam kan lak khawh tiah a thanh chap.

Khuami hna nih a thli te in thawng an kan pek caah hriam a rak phor mi PDF pawl cu Namhsan peng Konetha khua pawng ah SAC ralkap nih an kham manh hna tiah SAC nih a thanh hi a si.

Shan ram, Hopong peng, Sawtaw khua pawng ah Type -81 phun hriam zuun 499, kuanbawm 498 le adang thilri pawl kan tlaih tiah SAC nih a thanh.

Pinlon khua Sanin khuate in Lawksawk khua lei ah a kal mi ke 6 ngei mawṭaw pakhat cu an zumh lo ruang ah an dirter nain a zaam caah SAC chungtel pawl nih an dawi i an tlaih tiah a thanh.

An mawṭaw cu Sawtaw khua pawng ah an chiah tak i an minung cu an zaam manh tiah a thanh. Atu an tlaih mi hriam pawl hi PDF caah an phorh mi a si tiah a thanh.

Atu an tlaihnak hi SAC kuttang Pa-O mipi ralkap (ပြည်သူ့စစ်) pawl nih an tlaihnak hmunhma a si i atu le atu hriam an tlaih tawnnak hmunhma a si.

Cuka hmunhma i tlangcung hriamtlai phu pawl he aa naihniam mi pakhat nih an tlaih mi hriam pawl hi MNDAA sin in a ra mi a si lai tiah a ruahdamh. Hopong peng ah hriam zuun 500 hrawng kan tlaih tiah SAC nih a thanh.

Chin ramkulh, Paletwa peng ah December 10 thawk in Paletwa-Kyaukdaw ti lam cu SAC nih a awn ko nain thil phorhnak nawl ri a khiah tiah theih a si. SAC ralkap le AA karlak ah kahdohnak a chuah ṭhan hnu July thawk in Rakhine in Paletwa kalnak ti lam, vawlei lam cu an rak phih.

“Atu cu ti lam an kan awn piak cang ko nain facang, chiti phorhnak nawl ri a khiah. A check zong an kan check. Facang zong tun 10, tun 20 hrawng phorh a ngah lo. Minung 1 nih tun 1 lawng phorh a ngah ” tiah Paletwa khuami pakhat nih Mizzima ah a chim.

Paletwa-Kyaukdaw ti lam an kan awn piak ko nain check le lam thluan a rauh caah vawlei lam an kan awn piak a hau, vawlei lam cun sml 1 hrawng lawng kan rau i ti lam cun sml 8 hrawng kan rau tiah a chim chap. Kyaukdaw-Paletwa ti lam awn piak a si caah thil man a ṭum ngai tiah thawng theih a si.

Sagaing ramthen, Kalay peng chung ah American ralkap Trainers pawl he Special Force cawnnak an tuah tiah CNDF Vakok nih December 12 ah a thanh. Trainers pawl caan an ngaih lo tuk ruang le CNDF Vakok budgets ruang ah a cawngtu tlawmte le caan tawite chung lawng an tuah khawh tiah theih a si.

SAC nih vanlei in kahdohnak a tuah ruang ah Sagaing ramṭhen, Yinmapin peng, Yinbaungdai khua December 16 zinglei ah a puak rih lo mi hriamngan an tongh ruang ah hngakchia 2 an nunnak a liam tiah khuami hna nih RFA ah an chim.

A nunnak a liam mi hna hi kum 5 hngakchia Mg Htet Bone Naing le thla 7 lawng a si rih mi Mg Hein Thura Kyaw hna an si tiah a chim.
Vanlei in kahdohnak an tuah lio ah a taang i a puak rih lo mi hriamngan an tongh i a puah caah an nunnak a liam hi a si tiah khuami 1 nih RFA ah a chim.

Yinbaungdai khua cu SAC ralkap nih August 11-14 tiang vanlei le vawlei lei in fonh in fak pi in kahdohnak a tuah i cu lio ah kum 10-85 kar mipi 19 an nunnak a liam.

RFA nih a khawmhsuat mi cazin ning ah October 1 in November 30 tiang thla 2 chung ah SAC i vanlei, vawlei lei, hriamngan kah ruang le Bomrap buah ruang ah mipi 105 an nunnak a liam cang i 263 an i hliam. A nunnak chung ah hngakchia 15 an i tel i hliam a tuar mi hngakchia 47 an i tel.

Be the first to comment

Leave a Reply

Your email address will not be published.


*