People Defense Force Hna Police Sakhan An Kahdoh Ralhrang Minung 40 Deng An Nunnak A Liam
=================
Sagaing ramkhen , Shwebo peng kulh Htanhsi, Kanthuma police sakhan cu tuhi ah zingkaa PDF phu fonh hna nih an kahdoh caah mah sakhan chungah a um ralhrang hna cu minung 40 hrawng an nuunak a liam tiah Taze People’s Defence Force nih cathanh a chuah.
” Sakhan ah aum mi ralhrang 60 chungah 7 hrawng lawng an tang. A tang mi cu an zapi ngawt in an thi. A thi mi hi 40 hrawng an si lai. Mah kahdoh nak si suimilam 4:25 in 5:30 tiang a si. PDF phu fonh hna nih kan doh” tiah Taze People’s Defence Force minung pakhat nih a chim.
Mah sakhan kahdohnak ah mipi hmunhim tu ralkap lei inminung pakhat nih hliam a tuar i a dang cu ka him ko tiah Taze People’s Defence Force in minung pakhat nih a chim.
Laknak- Khit Thit Media
Relchap, Kaw Lin Ah Khuami Pahnih Le PDF (4) An Thah, Sagaing ramthen Kaw Lin peng chung Pha Lay khua ah SAC ralhrang ralkap hna nih Febuary 8 zinglei sml 6:00 ah kahdohnak tuah in an rak luhhnawh caah khuami pahnih le PDF (4) an thah pinah minung umnak inn (2) mei an khangh tiah theih a si.
Thazaang 100 lengkai a ummi SAC ralhrang ralkap hna nih khua chungah an rak luh tikah biahalnak zeihmanh tuah loin minung umnak ah meithal an kah colh tiah himnak a herh caah min langhter a duhlotu pakhat nih The 74 Media nih a chim.
“Khuami pahnih le PDF (4) nunnak a liam i, minung umnak inn (2) zong an khangh. Kahdohnak zong a um lo i, khua chung an luh lecangka in meithal in an kah colh. Biahalnak an tuah lo, mi tlaih zong an hmang lo, an hmuhmi paoh cu an kah” tiah a chim.
Cu ralhrang rual cu Febuary 6 ah khan Kaw Lin khuapi in ke in a rak rami an si i, Febuary 8 zingka ah Pha Lay khua in an chuak i, Shew Bo, Myit Gyi Na khua leikap ah pehzulh in an kal tiah amah nih a chim.
SAC ralhrang nih Kaw Lin khuapi chungah kahdohnak tuah in an rak luh caah Kyaukh Pin Tha khuami le pawngkam khua mipi hna cu Kaw Lin, Shew Bo, Myit Gyi Na motor lampi ah motor, cycle hna hmangin himnak hmunah an zaam tiah theih a si.
Kaw Lin peng chung Pha Lay khua cu inn 600 lengkai, minung 3000 lengkai umnak khua a si i, Febuary (zongah himnak hmunah an zaam pah cang tiah theih a si. Sagaing ramthen chungah SAC ralhrang le PDF karlak ah kahdohnak a fak ngaingai i,
Kaw Lin peng chungah January 27 ah khan SAC ralhrang nih hriamngan hmangin an kah caah Kaw Lin peng Kan Lay Gyi khua chung inn pakhat cungah tla in a puak tiah theih a si.
Leave a Reply