NUG Nih Kum Khat Chung Ralhrang Thihzat Le Hriamtuarzat Cazin A Khawn Mi Cathanh A Chuah
Mipi dohthlennak kum khat karah a thi mi SAC ralhrang ralkap minung ( 13062) an um cang i, hliam a tuar mi (4280) an umnak kong NUG nih kum khat chung SAC ralhrang pawl thihzat le hliam tuar zah cathanh a chuah. Kum 2021 june thla thawk in, kum 2022 April (25) tianbg caa, cazin a laak mi a si.
NUG hmun himtu vuanci zong nih ” PDF ralkap lei in kumkhat chungah aa tlak mi raltuknak an hmuhton mi , raktuknak lei thiamnak lei zong an thangcho tuk cang. Raltuk colcanghnak lei in an thangcho tuk cang i, an ral cu fakpiin kahdohnak thazaang an ngei cang tiah ka zumh. PDF pawl an riantuannak, an thzaang an chuahnak ruangah ni kaht khat ah cun SAC ralhrang he biatak tein zuamcawk kho mi an si,
PDF an thinlung put ruangah SAC ralhrang pawl an thinlung an i thenthak thluahmah cang hna. A tu caan ah ral tu dinhnak pek loin mipi PDF hna sinah an khuk an i bil tiang kahdoh hna caan a phan cang.” tiah PDF kumkhat tlinnak ah NUG vuanci U Yee Mon nih a chim.
NUG cozah lei nih PDF kumkhat a tlin tiangah Mipi Hmunhimtu ralkap tatyin, ralkap phu (257) tatyin cu dirkhawh a si cang i, Pengkulh hrambung mipi hmunhimtu phu (pah Kah Phah) pawl cu pengkulh (250) dir khawh a si tiah theih a si. Cu pinah Tualchung um hrambunh a si mi Mipi hmunhimtu ralkap phu (400) leng cu drih khawh a si tiah NUG vuanci zung nih cathanh a chuah.
Relchap, Chin ramkulh, Mindat peng, Mindat-Matupi lam cungah SAC ralkap le CDF-mindat jarlak ah May 4 zaanlei ah kahdohnak a chuak i SAC ralkap 5 an thi, tampi nih hliamhma an tuar tiah CDF-Mibdat nih a thanh. Mindat-Matupi lamcung, zaanlei sml 3:00pm hrawng in sml 5:00pm tiang kahdohnak a fak tiah CDF-Mindat thawngthanhnak lei rianngeitu Salai Ha Om nih DVB ah a chim. “SAC ralkap 200 hrawng a phormi mawṭaw 73 cu kan kah hna.
A naih tein kan bawh hna. An mah lei in 5 an thi i tampi nih hliamhma an tuar. Kahdohnak lioah nikhua a chia tuk i kan kirtak hna. Kanmah lei ah SAC ralkap nih thazang tampi in kahdohnak a tuah hi a voithumnak a si cang. A voikhatnak kahdohnak an rak thok lioah Mindat-Matupi lam cungah a ummi khuate vialte an thlok dih caah khuami hna himnak hmun le ralzaam camp ah an zaam dih. Khuate a zaammi zat le minung cazin bel a fiang in kan thei lo” tiah DVB ah a chim.
SAC nih hramhram in uknak a lak hnu kumkhat leng chungah thawngzamh lei rian a ṭuanmi 143 nak tlawm lo tlaih an tong i thawngzamh rianṭuannak zung 11 hrawng license phih an tong tiah Institute for Strategy and Policy Myanmar (ISP Myanmar) nih a thanh. May 3 ah a tla mi World Press Freedom Day ah ISP Myanmar an report chungah Myanmar ram thawngzamh lei rianṭuantu pawl cu a luancia kum 30 chungah tol bal a si lomi hremnak cu SAC chan ah tuar a si tiah a langhter.
Tlaihkhih a tongmi thawngzamh lei rianṭuantu 143 chung in 82 thlah ṭhan an si cang nain a taangmi 58 cu a tutiang hren an si rih ko tiah a langhter. SAC ralkap nih hramhram in uknak a lak hnu ah thawngzamh lei rianṭuantu 3 an thi cang tiah ISP Myanmar nih a chim. Tlaihding in Warrant chuah a tongmi zong an um i a luancia 2022 January 1 in April 21 chungah thawngzamh lei rianṭuantu 34 nak tlawm lo an tlaih hna tiah ISP Myanmar nih a langhter.
Leave a Reply