SAC Ralhrang Nih Mindat Peng Vanlawng In A Kah
==============================
Chat khuate pawngkam July ni 2, tuni zaan lei sang ah SAC ralhrang nih vawlawng in an kah tiah The Mindat Post nih a langhter. Mipi minung pa 2 an nunnak a liam ii mi tampi hliam an tuarnak kong cu Mindat khuapi mipi hna sinin theih a si. Khuate ah a um mi mipi pawl cu tihphan ruangah ramlaak ah an zaam dih tiah theih a si.
SAC ralhrang nih vanlawngin kahdoh ruangah khuami mipi a thimi le hliamtruar tampi an um khawh nak kong zong The Mindat Post nih a langhter. A donghnak bik theihmi thawngpang ningah Chiat khuate sianginn cacawnnak le Biakinn hna cu SAC ralhrang nih timhlamh in vawnlawngin bomb an thlak tiah theih a si. Crd- The Mindat Post
The Chin Post nih cun, ” Chin ramkulh, Mindat peng, Chat khua le a pawngkam khuate hna ah SAC ralkap nih vanlawng 2 in nihin Juluy 2 zinglei Sml 11 :00 hrawngah bomb an t lhlak i tualchung mi 2 an thi i hliam a tuarmi zong an um tiah Mindat peng thawngzamh nih an thanh. Nizan zongah Mindat in khuate lei ah hriamngan in an kah ruang ah kum 13 ngakchia pa pakhat a nunnak a liam i inn hna kang tiah an langhter. SAC ralkap nih Vanlawng in bomb an thlak hlan deuh ah hlathlai na tush ah an rak zuang. Bomb an thlak mi cu khuachung Sianginn chung hna ah an tla i a puak tiah Chin Defence Force – Mindat information nih a langhter.
AAPP nih July 1, tiang cathanh a chuah ning ah Myanmar ramchung huapin SAC ralkap nih nawlngeihnak a laak ni 516 chung ah sualnak ngei lo minung 2053 thah an si cang, tiah theih a si. Tlaihkhih a tongmi dihlak hi 14,427 an si i, an thlah than mi hna 3044 an si.
SAC ralkap nih mi nunnak a laak mi hna chung ah Yagon in nunnak a liam mi tambik an si.
Myanmar ram pumpi huap July 1 nikhat chung kahdohnak ah SAC ralkap 80 an thi. PDF Pahnih an nunnak a liam ve tiah Khit Thit Media nih a langhter. Khit Thit Media nih cazin a khawmhsuat ning ah ,Sagaing ramthen, KanhBaLu ah 3, Myiang ah 5, MyinMu ah 15, MinKin ah 5, BanMoh ah 30, Mon ramkulh Yee ah 3, Magwe ramthen, Myiang ah 5, Shan- Kayah ramri, PheKone ah 7, Tanintharyi ramthen, Palaw ah 10, Kayin ramkulh LayKeKaw ah 2 tiin an dihlak 80 an thi. Sagaing ramthen, MinKin ah 1, Kayin ramkulh LayKeKaw ah 1 tiin an dih lak PDF Pahnih an nunnak a liam ve.
Shan ramkulh MoKo khua June 30 ah kahdohnak a chuak i SAC ralkap lei in minung 3 an thi tiah MNDAA chungtel a si mi pakhat nih a chim. MNDAA i a biapi mi hmunhma pakhat asi mi Maankaa khua pawng i June 30 zanlei sangah suimilam pakhat leng an i kap tiah an chim.
Hi kahdohnak ah hin SAC ralkap lei in minung pathum an thi. Kanmah lei in minung pahnih hliam hme an tuar ”tiah MNDAA nih an chim. June thla ni 16 lio zongah Muse peng um mi MNDAA battalion cu SAC ralkap nih an rak kah i lamtan in kan rak kah ve hna. Hi lio kahdohnak ah SAC ralkap lei in a thi mi zong an um kho men “tiah an chim.
Yesagyo peng um khuate hna meiduah in hrawh dingah a rak ra mi SAC ralkap hna cu lamtan in kahdoh an tong i SAC ralkap 5 an thi tiah mizapi vengtu ralkap Yesagyo peng nih an thanh. Nihin July 2 zing Sml 10:00 hrawngah mizapi vengtu ralkap – Yesakyo peng, mizapi vengtu ralkap – Myiang peng, mizapi vengtu ralkap Salingyi peng( Salingyi Special Task Force ) phukomh 3 hna le Yesagyo peng BiBa nichuah khua ah mei an duah hnu in a rak chuak mi,
SAC ralkap hna rallam hna cu BiBa nitlak an phak ah Suimilam cheuchung an i kap tiah an chim. ” SAC ralkap ralkap thazaang 70 hrawng an si. Rallam 2 in an i then i khuate hna cu mei an duah. Nihin cu mizapi vengtu ralkap phu hna kan i bawm i kan kah hna ” tiah kahdohnak ah a tel mi BO Cross nih a chim.
Sagaing ramthen, Monywa lampi, MyinMu peng, GuiPinDaw le Bu Min Kyi karlak ah SAC ralkap 50 hrawng an i cit mi ke 12 mawtaw cu mizapi vengtu ralkap hna nih July 1 zing Sml 7:50 ah bomb puah in an doh i SAC ralkap 15 an thi. Cu SAC ralkap hna an i citmi mawtaw ke 12 ngei cu MyinMu khuapi dothlennak tuahtu phu – CRF, Myiang peng mizapi vwngtu ralkap le Security phu – CDSOM, CDSOM i Tomi Fiter phu , CDOM i chaklei 007 phu,
Sagaing pengkomh Battalion 1 Tat- Khuai 2 in tat- khuai 3 – MUA, Black Eagle Myinmu Lyin Yoon Nat Phu, CRA ChaungU dothennak phu, MPTF mizapi vengtu ralkap phu hna nih bomb 2, Rokaan voi 3 in a kah i bomb lung 10 fonh in an puahhnawh hna hnu ah an kahdoh mi a si. SAC ralkap an ruak le aa hliammi hna cu a hnu mawtaw ah a ra mi SAC ralkap hna nih mawtaw cungah an tan i Myinmu lei ah ah kal.
Mon ramkulh, KyaikHtu(ကျိုက်ထို) peng AngKaBu(အင်္ဂဘို) khua pawng ah SAC ralkap hriamnam, zen-kuan le datsi phortu motor panga cu KNLA ṭangṭi phu le ThaTone pengkomh PDF Battalion 3 nih nihin July 2 zing sml 8:49 hrawng ah an kah i, motor pahnih a kaang, tiah ThaTone pengkomh PDF Battalion 3 nih cathanh an chuah.
“Nihin zing ah KyaikHtu peng AngKaBu khua ah SAC ralkap motor 5 cu, bomb in kan puah. A thimi an um le um lo kan thei rih lo. A pahnihnak motor nih hriamnam a phorh, a hnu bik motor nih datsi a phorh,” tiah KNLA Battalion 1 nih an langhter.
Hriamnam le datsi phormi motor cu atu lio kahdohnak a zualnak KNU Brigade 6 hmunram UKaRitHta camp ah,
A kal ding a si, tiah ThaTone PDF Battalion 3 nih an chim. Kahdohnak ah motor pahnih a kaang. Zing sml 10:40 hrawng ah SAC ralkap nih, kahdohnak a chuahnak hmun pawngkam cu hriamngan in an kah thluahmah. KNLA ṭangṭi phu lei in a thimi le aa hliammi an um lo, tiah theih a si.
NUG runvennak zung nih UKaRitHta camp an lak khawh lo caah KNDO, KNU le PDF cu a mawhchiat hna, tiah NUG logo in June 30 ah cathanh deu an chuahmi cu ralkap Lobby nih social media(Facebook၊Telegram) ah an langhter. “An cathanh ah KNDO, KNU le PDF in ralkap a za in an thi tiah an langhter mi cu mizapi le PDF an thinlung zornak le thachiat ternak ah an hmanmi a si. NUG runvennak zung nih a chuahmi a si lo,” tiah NUG thawng fianternak phu chungtel pakhat nih a chim.
“A hlan cathanh kan chuahmi an i laak i, mizapi sinah lih le hrokhrol in cathanh an chuah. Kannih cu kan Facebook Page in cathanh kan chuahmi cu kan langhter zungzal. Cu lawng ah a dikmi cathanh a si i mizapi nih an zumh,” tiah a chimchap.
KNDO le PDF ṭangṭi phu hna cu Thailand tangka nuai 1 kan bawmh hna. Asinain UKaRitHta camp kahdohnak ah KNDO le PDF a za in an thi, 200 leng hliamhma an pu tiah ralkap Lobby hna nih cathanh deu an chuahmi cu lih le hrokhrol a si. A thi mi cheukhat le hliamhma pu mi hna cu NUG nih kan thlopbul ko hna, tiah NUG thawng fianternak phu chungtel pakhat nih a chim.
Leave a Reply