Breaking News, Min Aung Hliang Nih Uknak A Lak Nak A Ruang A Phuan

Tangkaa Ngeih Lo Ruang Ah Ka Mithmai A Bit Ruangah Uknak Ka Lak Mi A Si Tiah Min Aung Hlaing Nih A Ti

SAC Ralhrang Min Aung Hlaing nih Tangkaa ngeih lo cun mithmai a bit ruang ah uknak ka lak mi a si tiah a ti. Pehzulh in nawl a chuah peng mi SAC Ralhrang Min Aung Hlaing nih Nay Pyi Daw tonbiaruah nak ah chawlehnak a that lo nak kong zong a chim tiah theih a si.

SAC Ralhrang nih Uknak an lak hnu ah ramdang chawleh nak company hna nih pehzulh in Myanmar ram cu an chuah tak lio pi ah cun uknak ka Lak mi hi  ” Tangkaa phaisa ngeih lo cun ka mithmai a bi” tiah SAC ralhrang Min Aung Hliang nih a chim.

A mah nih rian a pek mi vuanci pawl hmai ah cun zah thei lo taktak bak in a chim. ” Chawlehnak a that lo ah cun tangkaa ngeih a si lo ka mithmai a bi” tiah Nay Pyi Daw ah biaruahnak an ngeih mi ah  chim.

SAC ralhrang nih mipi nawl ngeihnak a hrawh ruangah nitlak lei ram hna nih Chawlehnak phihkhamnak le SAC ralhrang nih uknak alak caah Myanmar ram chungah Chawlehnak a ningcang lo ruangah Sweden hram bunh H&M,

Spain hram bunh Inditex le British hram bunh Primark tibantukin; Vawlei cung minthang hnipuan chuah nak company telin company 20 leng hna nih SAC ralhrang cozah a si caan ah pehzulh in Myanmar ram an chuah tak tiah kan theih.

Ref; Thutakabar

 

Relchap, Rakhine Ralkap ANC/AA Telhin Unau Phufonh Pathun Hna Nih SAC Ralhrang Sakhan An Lak

Karen ram Myawaddy pengkulh Phalung khuate leng, 1500 yards aa hlat nak  Bayakung ah a um mi Ramri hngak BGF pawl nih sakhan ah an hman mi hriamnam ngan chiah nak sakhan cu Rakhine ralkap ANC/AA le Karen ralkap KNU/KNLA tatyinn 27, tetkhwe 2 le PDF phu fonh hna nih an lak tiah Western News nih a langh ter .

Nizan February ni 15 suilmilam pa 4:00 hrawng ah SAC fralhrang sakhan cu an lak a si i SAC ralhrang pawl i 12o mm Singpiang zuun khat, 60 mmm singpiang zuunkhat,  pehtlai nak seh pakhat tel in Bag 20 le Ralbawi nih hman mi phone zong an lak piak hna i SAC ralhrang zong tampi an nunnak a liam tiah tuni February ni 17 ah Rakhine ralkap thawngzamh pakhat nih a langhter.

” SAC ralhrang nih an sakhan an samh thluahmah. Sakhan pawngkam hrawng zong ah sakhan thianhhlimh nak hna an tuah. Cu kaa ah cun kahdohnak a chuak. An mah lei nih hriamnam ngan in an kan kah nak zong hmuh a si. Kan lak piak mi hna sakhan hi SAC ralhrang nih kaelaak sakhan ah an hman mi hriamnam ngan chiah nak sakhan a si” tiah Rakhine rakbawi Bohmugyi Min Htun nih Western News ah a chim.

Mah kahdohnak chungah SAC ralhrang nih hriamnam ngan in an kah hna i cunglei vanlawng zong in a bomh hna tiah thawng kan theih. Phaluu khuate le Laykekaw khuapi thar pawng kam ah kahdohnak pehzulhin a chuak peng i ralkap thazaang achap mi SAC ralhrang pawl cu phihkham dingin kan doh hna tiah Rakhine ralkap nih thawng an zamh nak ah an tial chih.

Ref; Western News

Rakhine Ralkap ANC/AA Telhin Unau Phufonh Pathun Hna Nih SAC Ralhrang Sakhan An Lak

Karen ram Myawaddy pengkulh Phalung khuate leng, 1500 yards aa hlat nak  Bayakung ah a um mi Ramri hngak BGF pawl nih sakhan ah an hman mi hriamnam ngan chiah nak sakhan cu Rakhine ralkap ANC/AA le Karen ralkap KNU/KNLA tatyinn 27, tetkhwe 2 le PDF phu fonh hna nih an lak tiah Western News nih a langh ter .

Nizan February ni 15 suilmilam pa 4:00 hrawng ah SAC fralhrang sakhan cu an lak a si i SAC ralhrang pawl i 12o mm Singpiang zuun khat, 60 mmm singpiang zuunkhat,  pehtlai nak seh pakhat tel in Bag 20 le Ralbawi nih hman mi phone zong an lak piak hna i SAC ralhrang zong tampi an nunnak a liam tiah tuni February ni 17 ah Rakhine ralkap thawngzamh pakhat nih a langhter.

” SAC ralhrang nih an sakhan an samh thluahmah. Sakhan pawngkam hrawng zong ah sakhan thianhhlimh nak hna an tuah. Cu kaa ah cun kahdohnak a chuak. An mah lei nih hriamnam ngan in an kan kah nak zong hmuh a si. Kan lak piak mi hna sakhan hi SAC ralhrang nih kaelaak sakhan ah an hman mi hriamnam ngan chiah nak sakhan a si” tiah Rakhine rakbawi Bohmugyi Min Htun nih Western News ah a chim.

Mah kahdohnak chungah SAC ralhrang nih hriamnam ngan in an kah hna i cunglei vanlawng zong in a bomh hna tiah thawng kan theih. Phaluu khuate le Laykekaw khuapi thar pawng kam ah kahdohnak pehzulhin a chuak peng i ralkap thazaang achap mi SAC ralhrang pawl cu phihkham dingin kan doh hna tiah Rakhine ralkap nih thawng an zamh nak ah an tial chih.

Ref; Western News

Be the first to comment

Leave a Reply

Your email address will not be published.


*