Kawl Titoih Puai Ni Ah May Pung Peng AA Le SAC Ralhrang Karah Kahdohnak A Chuak
Rakhine ram, May Pung peng kulh Wat Khawng khuate pawngah SAC ralhrang le AA karah kaphnih in kahdohnak a chuak tiah khuami nih an chim. April ni 13 zinglei sang ah May Pung khua he meng 5 hrawng aa hlatnak May Pung-Min Pia motor lam pawngah a um mi Wat Khawng khuate pawng-tlang lei kap siikhan pawngah SAC ralhrang le AA karah kaphnih in kahdohnak a chuah nak kong cu khuami hna sin in theih a si.
SAC ralhrang lei nih May Pung pengkulh Wat Khawng khuate pawngah a luan cia mi April ni 10 hrawngah ralkap thazaang 30 hrawng nih um hmun an khur i AA lei nih an valuh hnawh hna i an kah hna caah kaphnih kahdohnak a chuak tiah May Pung pengkulh vuanci hlun U Phe Tan nih Western News ah a chim.
PDF Kalay Camp Latu SAC Ralkap le Tualchung Mipi Ralkap Kar Kahdohnak A Fak, Sagaing ramtthen , Kalaymyo peng Pyidawtha khuachung ah SAC ralkap le Tualchung mipi ralkap kar nihin April 13 zinglei suimilam 10:30 in chunhnu suimilam 1:00 tiang kahdohnak a chuak tiah theih a si. SAC ralkap hnih Kalay-PDF battalion -3 camp cu nizaan April 12 ah an lak i hriamthil tamngai zong an lakchih pin camp ummi riahbuk pawl mei in an khangh hna.
SAC ralkap lehrulhnak ah tualchung mipi ralkap nih SAC ralkap cu an kah hna, kahdohnak chungah hriamngan thawng voi 40 leng kan theih tiah kahdoh a chuahnak hmunhma pawng ah a ummi khuami nih an chim. Nihin April 13 ni kahdohnak ah SAC ralkap lei minung thazaang 100 hrawng an si, kahdoh a chuahnak hmunhma pawng ummi khua 6 in mipi hna cu a humhimnak hmun ah an zaam hna tiah theih a si.
Pharusu Peng Kahdohnak Ah SAC Ralkap 8 An Thi, Hriamthil Zeimawzat An Lak, Kayin ramkulh, Pharuso(ဖရူဆို) peng Makharaw(မာခရော်) khua le Lawcekhu(လောကျေခူ) khuathar kar nizaan April 12 zaanlei suimilam 4:00 hrawngah SAC ralkap hna cu KNDF phufonh nih an kah hna i SAC ralkap nih an i citmi private motor pakhat, ke 10 ngei motor pakhat le motor dang pakhat an rawk i SAC ralkap 8 an thi, hliamtuar zong an um tiah KNDF battalion 15 nih thanh.
SAC ralkap hna cu Pharusu (ဖရူဆို) khuachung ummi no.14 raltuk a cawngmi an si i, Makharaw(မာခရော်) khua le Lawcekhu (လောကျေခူ) khuakar hleidonh serding in an kallio ah KNDF battalion 15 le mizapi vengtu ralkap phufonh nih an kah hna hi a si.
SAC ralkap nih an i tlaihmi MA2 meithal zuun 1, 60mm bomb lung 2, kuanfang hna le raltuknak ah hmanmi thilri zeimawzat cu lakpiak an si, cu kahdohnak ah cun mizapi vengtu ralkap phu lei in minung pakhat hliam a tuar i a hliamhma kong ah thinphan ding a umlo tiah KNDF battalion 15 sin in theih a si.
ChaungOo le Pakokko Ah SAC Ralkap Le Pyisawtee Pawl Kahdoh An Tong, Sagaing ramthen ChawngOo peng Kinmontaw(ကင်မွန်းတော်) khua ah umhmun khuarmi SAC ralkap le pyusawthi minung thazaang 20 hrawng le ChawngOo PDF kar April 11, zinglei ah kahdohnak a chuak. April 12 zinglei ah Kinmontaw(ကင်မွန်းတော်) khua cu SAC ralkap lei nih hriamngan in an kah hna. Cun ChawngOo-Pakokko lam thennak hmun ah a umkal mi khualtlawng mipi hna sin ah phaisa a haltu SAC ralkap hna cu mizapi vengtu ralkap phu nih bomb an puahhnawh hnna.
Magway ramthen Pakokko Myotit lei motor lampi ah umhmun khuarmi SAC ralkap hna cu tualchung hriamtlai phufonh nih bomb in an cheh hna i SAC ralkap minung 3 hliam an tuar tiah theuh asi. April 13, zinglei suimilam 2:00 hrawng Myotit lam ah SAC ralkap, pyusawthi phufonh le mizapi vengtu ralkap phufonh kar kahdohnak a chuak pyusawthi 3 an thi i 2 nih hliam an tuar. Cu kahdohnak cu Southern YSO PDF, PAKOKKU NORTH PDF, KING COBRA PDF phufonh nih tuahmi a si cathanh an chuah.
Leave a Reply