Nihin May 26,zing suimilam 8:00 AM hrawngah Shan ramkulh,Namatu peng Mancian khua pawngah SSPP,TNLA i bawm in RCSS karah i kahnak a chuak tiah theih a si.
Khuami pakhat nih” Mancian ah inn a kangmi sak than dingin kan kal,khua kan phan rih lo,i kahnak a chuak,Yeoo,Panlu,Mancian mah khua pawngah i kahnak a chuak” tiah a chim.
Hriamngan,hriamhme in an i kap nain khuachung hnorsuan mi a um lo tiah a chimchap.
Hi hna i kahnak ruangah February thla in May 26 tiang Namatu,Tipaw,Coihmeh,Nawngcho pengah ralzaam thongruk leng an um cang. Cred : The Chin Post
Relchap : NUG MoHR cathan: Ngakchia 73 tluk an thi cang
Kawl Ralkap nih ngakchia, kum 18 tang 73 an thah cang hna. Hihi Feb. 15 in May 15 karlak ah an thahmi hna an si tiah NUG i Ministry of Human Rights nih May 26 ah a thanh.
Nihin tiang ah, AAPP cathanh ning in a thi mi zapi hi 815 an si, tlaihkhih a tong mi hi 4271 an si cang. Cun, an tlaih ding ah cachuah (warrant) mi hi 1802 an si.
The Chinland Post
Leave a Reply