BREAKING NEWS, Kawlram Kan Fa Le Nau Hna Caah Thawngpang Ttha Kho Taktak Bak Kan Theih E

Mizo National Front (MNF) Le Mizo Mipi Kan Unau Hna Sinah Lomhbia Chim Philh Hna Hlah

Kawlram Mino Tanghra Ongmi Nih India Ramchung Mizoram University Ah Sianginn Kai Khawh A Si Cang!Vawlei cung ram dihlak ah nu lei he pehtlai in special reward a cotu Mara nu Rev. Maiki le professor K. Robin hna nih India ramchung Mizoram University ah tuanvo ngeitu hna he tonnak an ngei hna i, Kawlram mino tanghra ongmi hna nih sianghleirun an kai khawh nakhnga tonbiaruahnak an ngeihmi cu an hlawh a tling.

 

Kawlram siang ngakchia hna nih cuka university ah MA,Msc, Ph.D engineering le subject dangdang zong an cawn khawh cang lai.
Tanghra a ong cangmi hna nih plus-2 (XI-XII) cawn loin thla (6) chung cawnnak an ngei lai i, thla 6 chung an dih hnuin anmah duhmi subject an cawn khawh cang lai tiah theih a si.
Hi kong he pehtlaiin Pehchap ka duh mi cu, A hmasa bik ka palh nak um cun nan kan theihthiamnak lai nawl kan duh hna,
A taktak ah cun hi bantuk in Myanmar mi ralzaam an kan daw i an kan kilveng tu  cu hna hi a biak in Zoramthanga te party Mizo party a si mi Mizo National Front (MNF) hi an si. A biak in Myanmar ram chungah kan unau an si tiin Chin (Lai) an kan daw khun tu an si. Zopramthanga hi kan Miphun hoi ralzaam caah tiin Kawlram mipi huatu SAC ralhrang lei tang Modi a tu le tu in an kan ton piak i, ca zongin a kua tu a si.
An tuanbia kan vun zoh tikah an nih hi Mizo miphun Party an si i, Laldeng chan lio in hram bunh cia a si rak si ti uh sih law kan palh lai lo i, Laldeng a hnu zulh tu an si. A tak ah India ram chung pumpi thimnak tuah tthan hnga ding Kum 2022 thimnak ah Chinmi (Laimi) hna nih thazaang kan pek hnga ding cu MNF hi an si.
MNF hi Chin dohthlennak a tuah tu a si mi CNF,CNA he zong theihhngalhnak a ngei mi an si , A caan caan ah cun ton nak angeih lengmang mi an si. A ruang bik cu Unau kan sinak a tlau nak hnga ding caah timhlamh nak ngeih  asi, Cu ruang ah MNF hi thazaang pek in thlacaam bomh cio ko hna usih.
A Ra lai mi India rampi thimnak zongah MNF hi thazaang pe cio hna u sih. A bik in Chin ramzaam hibantuk an kan conghlomh i sianginn kai khawhnak an kan pek caah lomhbia chim cio hna usih.

Chinram Hriamtlai CNDF Nih Rih Lampi Gate An Hngak I An On Cang

CNDF nih Mizoram le Chin ramri Rihkhuadar gate an on tiah theih a si. Gate an onnak caan a sau pah cang zarh 3 hrawng a si cang tiah theih a si.
Mizoram lei nih cun gate an ong lo nain Myanmr ram lei gate tu cu CNDF nih an on ko tiah theih a si.

SAC ralhrang nih April thla dih hlan ah Chinram dihlak lak i control an i tim tiah thawngpang a thang mi cu a dih taktak ko rua

May be an image of standing

SAC ralhrang nih April thla dih hlan ah Chinram dihlak lak i control an i tim tiah thawngpang a thang mi cu a dih taktak ko rua. Cu hlan nak fak in Chinram raltuknak Operation tuah hi an i tim tiah kan mi thiam tampi nih an rak chim. A tu cu an i timh mi cu tuah taktak dawh an si. A ruang cu nizaan tihni kha a voi hnihnak chinram ah tam taktak in ralhrang raltu ding an van kuat hna. cu caah April thla dih hlan ah Chinram hi lak taktak an kan timh ko rua.

May be an image of standing

Min Aung hlan nih a palh mi cu Chinram hriamtlai hna hi zeitluk in dah an thawng i an kan tei timi ruat lem loin , cu tik ah kan lak khawh lai, nan lak lai tiah ralkap cu an van kuat cuahmah hna. Kan ram cia ah a kan fuh lengmang tu Min Aung Hlaing ralhrang hi ngaihthiam awk hrimhrim an tha ti lo.Chin mipi nih kan tuar ve ko lai nain tutan cu an ruak he an kir dih lai. Kan miphun ralkap Pathian nih him tein kilveng hram hna seh. Kan tei hrimhrim hna lai.

May be an image of standing

 Ramdang He Ral Kan Ngei Lo, Hoikom Lawng Kan Si Tiah SAC Ralhrang Nih Mipi A Lemsawi

Ramleng ram hna he pehtlainak ah ral kan ngei lo , hoikom kan si hna tiah Zaw Min Htun nih a chim. A tak hmanh ah  Ramleng he chawnhbiak pehtlaihnak ah ral kan si hmanhah hoitha siding in kan i zuam tiah ramleng he chawnhpiak pehtlaihnak ah SAC ralhrang thawngzamh ah Zaw Min Htun nih a chim.

Myanmar ram nih a hman mi, rampumpi chawnhbiaknak ah ral kan ngei lo, hoikom kan si hna tiziong in Zaw Min Htun nih a chim chap. Ramleng bomhnak kan herh timi hi a dik ko nain rampi a thazaang cu ram chung lawngah a um timi cu zumh a si caah, Ramchung thazaang athawnh deuh nak hnga ding caah SAC ralhrang lei nih ramchung chawlehnak cu kan thawnter deuh lai tiah Zaw Min Htun nih a chim.

Mah leng ah ramchung in a chuak mi thazaang pek loin ramleng chuak thazaang pek a si zongah chawlehnak thazaang dernak a um caah ram chungin a chuak mi cu thazaang kan pek lai ti zong in Zaw Min Htun nih a chim.  Cun tlangcungmi hna zong ramleng hmunhimnak thazaang zong kan serti hna la tizong in Zaw Min Htun nih a chim.

Be the first to comment

Leave a Reply

Your email address will not be published.


*