Kawlram chungah Covid Zawtnak A Karh Tuk
===============
Kawlram chungh nikhat chung ah covid aa chawnh mi minung 280 hrawng an hmuh hna. Myanmar rampi chungah covid in azaw mi nikhat chung lawng bak ah minung 280 an hmuh hna.
kawram chungah covid in a zaw thar mi minung 278 an si i zawtnak aa chawnh mi hi minung 535,532 an si cang tiah ralhrang lei ngamdamnak zung nih January ni 31 ah cathanh achuak.
News Dang, Kani Ah Ralhrang Ralkap Tilawng Pawl Cu Vawithum Bak Kah An Tong, Ralhrang (30) Nak Tam An Thi , Sagaing ramthen Kani peng chung Kin khua pawngah umnak sakhan tuahtu ralhrang tilawngpawl cu People Defense Force fonhmi phu nih January 31 ah kulh hnawh in an kahdoh hna caah ralhrang (30) nak tam an thi tah People’s Defense Force (Kani) nih an langhter.
Cu ralhrang ralkap tilawngpawl cu Ma Hu Ya Na Ga Kani Peolpe Defense Force Battalion, M and K The Boys phu le anmah lei mipi vengtu ralkap telh in an hawile phu he i fonh hratin an kah tiah theih a si. Cu bantukin ralhrang ralkap tilawngpawl kahdoh an ton ruangah Pha Let Khun (2) bak an rawh caah ralhrang ralkap (30) nak tam an thihnak a si tiah People’s Denfese Force (Kani) nih cathanh a chuah.
Cu ralhrang ralkap tilawngpawl cu Brigate 101 phu an si i, January 29 ah Kani peng chung Kin khuami minung (6) cu an tlaih hna hnuah January 31 ni ah kum 58 minung mipa ruak pakhat lawng an hmuh hna i, a dang mipa (4) le nu (1) hna cu nihin ni tiang an tlau tiah cathanh an chuahmi ahcun an langhter. Credit: The Federal Times
A Dang Relchih: Khuami pakhat a min ah Mr Min Yan Aung tiah theihmi cu nihin ah ralhraang pawl hriamnam ngan he khuachung an kah caah a kheen i a nunnak a liam tiah theih a si. Hi thil a cannak hi Chin State, Kanpetlet, 31 January 2022 ah a si.
Chinland Defence Force Kanpatlet le ralhraang karlak kahdohnak zong tuzing suimilam 6:00 AM in 8:00 AM tiang hrawng a chuak, Kahdohnak a chuahnak hmun hi cacawnnak zung pawng hrawng le hruaitu deuh umnak zung hrawng ah a si cu hna cu ralhraang pawl nih hmunhma an khuarnak a si. Hi kahdohnak ah ralhraang lei in minung 3 hrawng cu an thi lai tiah zumh a si. Chinland Defence Force zong tluang tein an hmunhma ah an kir kho tiah theih a si.
Cu hnu tlawmpal ahcun ralhraang pawl nih khuachung ah hriamnam ngan he an kah thluahmah colh cu ah cun khuami pakhat Mr Min Yang Aung, Ministry of Planning and Finance zong ah rian a rak ttuanmi, cu a kheen caah a nunnak a liam tiah thawng theih ning a si. Amah hi Civil Disobedience Movement zong Kanpetlet khua ah a tuah vemi a si.
Myanmar ram chung ah ralhrang nih uknak an lak kum 1 atlin ni American president Biden cathanh
========
Biden nih ” A luancia mi kumkhat ah khan kawl relkap ralhrang hna nih Kawlram mipi hna nih saduhthah mi Democracy cu phihkham in, Kawlram acozah cu phih in hramhram in ralhrang hna nih uknak a lak. Mah in khan thawk in ralhrang phu hna nih,
Hngakchia pawl telhin Khuami, ram mi mipi cung ah relcawk a si lo mi fahnak harnak, fakpi in a pek hna, chim khawh rel khawh lo tiang in atuahto hna. Minung 1,5000 renglo athah hna hlei ah minung thawng renglo a tlaih hna phun ning loin dan fak piin a pek hna.
Ramchung ah mipi thleidannak zong fak piin achuah ter chinchin lengmang. Hramhram in uknak ala tu phu ralhrang hna le ahnu zulh tu pawl hna nih an mah nih an ser mi dithmun ah miaknak lak ding hmuh ding lawng an i zuam i hramhram in uknak laknak cu Myanmar rampi chungah,
A ngan mi, afak mi sifah an tlai lo an tam chinchin i ramchung daihnak zalonak zong a dawnkhan tu a si. Myanmar ram chung ah millions in aum mi mipi pawl cu nun khamh nak an herh tuk ko nain hramhram in uknak ala tu hna nih minung bomhchan tu lei cu,
Phihkham in bomhnak ape tu cozah riantuantu zong akham hna. Hi atuah sernak pawl hi kan mah lei zong nih kan cohlang khawh lo i uknak laknak le mipi pawl dawnkhan tu a si caah tuanvo angei tu hna nih tuanvo laknak caah ASEAN telin kan mah lei kan mah lei phu pawl, Mahamaih pawl he hmunkhat tein naihniamte he tuanvo kan lak ko.
Ralhrang hna nih atu an zulh mi lam hi hnu lei ah an kir pi lai i Daw Aung San Suu Gyi le U Win Myit telhin adang Democray aduh mi hruaitu phu pawl, thawngzamhtu pawl, Ramchung phudirh hruaitu pawl, hi dohtlennak ah acolcangh mi pawl le Ramdang mi pawl tibantukin phungning loin tlaih mi pawl cu athlah tthan hna lai.
Minung bomhchanhnak pekmi phu pawl le cozah riantuan tu pawl cu phihlhamnak um loin bomhchanh khawh nak a pek tthan hna lai. Ralhrang hna nih Kawlram Democracy phakterh khawh nak hnga ding caah aa pehtlaimi an za piin fak piin khat le khat tonbiaruaknak arannak in tuah a herh.
Ralhrang hna nih Kawlram Democracy au-aan pawl cu ka phihkham rih ko lai tiah ati a siah cun ralhrang le ralhrang acohlang tu pawl cu dan fak ppin pek dingah pehzulh in tuanvo kan lak rih ko lai. Myanmar mipi pawl hna nih zaanghlei an chuah nak cu philh zawrter aumlonak kong cu theihter kan duh hna.
Nan ram chungah Democracy le adikmi nawl upadi cu lakkhawh ding le hnu lei ah kir lo dingin zuamnak zaanghlei nan chuah mi cu nan nih pawl cu kan mah lei zong nih pehzulh in thazaang kan i pek peng ko hna lai i ka i cohlang ko hna lai” tiah a ti.
Leave a Reply