Breaking News; Kan Thlantlang peng ah hruaitu nih felfai tein kum 4 chung a hruai lai!!

CDF-Thantlang Control Area Ah Avoi 2nk Khuabawi Tonpumhnak An Tuah
=============
Chinland Defence Force CDF-Thantlang Control Area, khua 51 ah zatlang uknak cu November 27-28,2021 ah khan rak thok a si.

Zatlang uknak ahhin fimcawnnak, lam le sul, biaceihnak, police, ngandamnak lei le khuabawi hna hi biapi in kalpi an si. Khuabawi pawl hi kum 1 ah term 1 ṭuan dingin mahle khuami cio i mipi hna nih lungtling tein thim an si bantukin 2022-2023 chung khuabawi tuan ding zong khuami cio nih thim than an si.

Thim tharmi khuabawi hna he i tonpumhnak cu 2022, November 29 le 30 ah tlamtling tein kan tuah khawh tiah Public Administration Thantlang nih an thanh. Crd-The Chin Post

Relchap, Arakan Army (AA) Nih Mipi Facang Zun An Bawmh Hna, Sikpar [November] 26 ah SAC le AA kar caan karlak kahdohnak an ngol hnu in AA nih mipi facang zun an bawmhnak hna hmanthlak cu Dipa 1 ah an tar langh. Facang zunding a taang rihmi zong mipi pawl he hmunkhat te ah i bawm in kan ṭuan riah lai tiah an thanh.

MOU in Thailand ah phungning tein rianṭuan ding in a kalmi Myanmar mi 3 cu an i tinhnak hmun an phanhlan lam tanṭim ah an motor aa leh i an nunnak a liam tiah theih a si. Nunnak liammi 3 hna lak i pakhat cu Shan ramkulh, Pinlaung peng, Htiyun khua ah ummi Khun Han Aung (kum 19) a si i a dang minung pa 2 hi a rianṭuan hawi an si tiah theih a si.

Ramchung buainak le har ton ruang ah le rianṭuan ding um lo caah ram leeng chuakmi mino an karh chin. MOU system in November 29 ah Pa Khun Han Aung telh in Myanmar mi minung 45 hna cu khualtlawnnak bus in an kal i lam canceo an phanh ah hi thil an ton hi a si tiah thawng theih a si. Minung pa 3 an nunnak a liam i a dang anmah he a kal ṭi mi hna zong hma an pu hna tiah theih a si.

Mandalay ramthen,Mattaya peng chung ah SAC hna Thilri thuh nawh in a rakphor mi mitor cu Natsoe Vawlei lei dolettu phu nih an tlaihkhawh tiah theih a si. Thawngthli theih ruang ah Mattaya peng MyaungOo khua le Kyatpyin khuakar um, Ngauhpyun khuapawng i an rak khalh mi motor cu nizan november 30 ziing Sml 7:00 ah check a si i,

SAC hna ta kuanfang hna le hmatpungtin hna hmuh a si caah motor a khal tu cu chekhlat nak kan neih lio tiah Natsoe phu nih cun an chim.

Cu pin ah nizan chun sml 12:30 hrawng ah SAC ralkap hna cu MyauhOo hlei cung ah motor a nganmi (4) motor hme pakhat hna he an ra i Natsoe phu nih lunghnih a phir mi padeta mine puahhnawhnak an ngeih hna caah SAC lei (2) an thih leng ah (25) hliam an si tiah anchim.

Cu hnu ah Taungkan khua lei ah kee in ral a ser tu SAC ralkap (12) cu chunhnu sml 3:00 hrawng ah mine puahhnawh an si i,ralhrang ( thi in (4) hliamhma he an zaam nak Natsoe phu nih an chimnak cu theihchih a si.

Natsoe vawlei lei dolettu phu hna nih hin nizan nikhat chung ah mine puahhnawhnak voi hnih an ngeih leng ah ralhrang thilphor thauhpuh motor an tlaih i SAC ralhrang (10) nak tam thi in (20) reng lo hliamhma an put nak theih a si.

Pu Alfred Vanchhawng hi thawngthlah lei ah lunglut ngaimi a si, kum 2004 ah khan Doordarshan Aizawl , Regional News Unit ah News Stringer in a tuan, Mizoram Journalists Association General Headquarter ah kum 2009 ah member sinak in a lut, kum 2014 in a nunnak liam tiang MJA General Headquarter Executive Member a si,

Mizoram Tennis Association ah Executive Member a si hlei ah Mizoram Sport Climbing Association Executive Member a si, Zotrek Adventure Club zong ah Senior Adviser a si fawn.

Pu Alfred Vanchhawng hi thawngpang thlahlei ah le adventure sports lei ah a lunglut ngaimi a si, Mizoram ah sulhnu tha ngai ngeimi a si. Caan zeimaw chung Cancer zawtnak in zohkhenh a si hnu nihin chun suimilaam 12:15 PM ah Aizawl Civil Hospital ah a nunnak a liam. Pu Alfred Vanchhawng nih a nupi le a fale pahnih a kaltak hna.

Tutan Dohthlennak caah Chin National Defence Force (CNDF) nih fund kawlnak caah Concert a tuah lai, Zoh man lak a um lai lo nain na sian tawk tein dohthlennak caah bawm chung ah na thun khawh. Ahmun:MI Futsal (Zuangtui), Acaan:2022, Dipa 3 (chun slm 12:00).

Tuitum Dothlen nak hrang’ CNDF cun’ Sum(paisa) hawlnak dingah Concert atuah ding’ Zoh man cu’ mah le siang tawkin bawmsung ah tlak asi ding. Zoh cio dingah Chin mipi kan zaten sawm kan si. A hmun: MI Futsal( Zuangtui), A tik cu: December 3, 2022 (12:00 PM).

Demoso Peng Ralhrang Nih Hmunhma Khuar In An Uknak Hna Cu Mipi Ralkap Nih An Lak Khawh Ṭhan Cang, Karenni(Kayah) ramṭhen Demoso peng Konethar khua chung i hmunkhuar mi ralhrang hna kuttang ah a ummi hmumhma cu KRU nih an lak khawh ṭhan cang tiah nihin Dipa(2) ah thawng thanhnak an tuah.

Mipi ralkap a simi KNDF, KA, KGZ le PDF phukomh ralkap hna zong nih Thaysule(သေးဆူလဲ) khua ah hmunkhuar mi ralhrang hna cu an kah hna i cuka hmunhma cu an lak khawh ṭhan tiah theih a si. Demoso peng Konethar khua hmunhma an thinhhliamh lio ah ralhrang hna i an riahcaw, zenkuan hna le an thilri pawl zong an lak hna tiah theih a si. Kahdohnak a fak chin kho mi a si caah hriamnam le zenkuan bawmh ding in KRU nih bawmh a hal.

Be the first to comment

Leave a Reply

Your email address will not be published.


*