Breaking News; Kan pasaltha hna nih tuanbia thar an tial!!

Ni 5 Chung Kahdohnak Ah SAC Ralhrang 30 Leng An Thi-CNDF Cathanh!! (Tuanbia thar tial bantuk a si ko hih, Sikpar Ni 19 kahdohnak thawngpang ah Kan Chin ramkulh, Falam pengah Ralhrang thimi an tam bik, ti a si ko hih)
===========
Cu cathanh chungah an langhter mi cu , ” kum 2022, Sikpar ni (15), Zing slm 5:30 ah CNO/CNDF nih Tibual SAC ralhrang sakhan cu hriamnam ngan, Drone, hriamnam hme he kan kahdoh hna ii SAC ralhrang lei nih hriamnam ngan in voi (3) lehrulhnak an kan tuah than ii slm 3:00 chung kap hnih in kahdohnak fak a chuak.

SAC ralhrang cu fak tuk in phomh an si caah zing lei slm 9:00 hrawngah Jet Fighters in voi (3) bomb an kan thlak. Zaan lei suimilam 6:00 ah a voi 4nak Jet Fighters in an kan kahdoh. A voi 2nak bomb an thlak ah an mah lei Sakhan paawng ah a tla ii inn pa 2 a kaang. A nikhatnak kahdohnak ah SAC ralhrang lei in minung pa 8 an thi. Kan mah CNO/CNDF lei in minung pa 2 nih hliam fak lo an tuar. ZFU/PDF-Zoland, CDM-Siyin le CJDC phufonh hna nih an kan bomh.

Sikpar ni 16, Zing lei ah voikhat, Zing lei slm 02:00 hrawngah voikhat kap hnih in kahdohnak fak piin a chuak ii SAC ralhrang lei an fah tuk caah zaan lei slm 2:55 ah MI-35 Helicopter in minutes 20 chung an kan kah. A voi 2nak kahdohnak ah SAC ralhrang minung pa 5 an thi ii hliamtuar tampi an um. Kan mah CNO/CNDF lei in kan him.

Cu pinah Kalay Myo lei zongah CNDF Tatmaha (1), Tatyin (3) le CDF-KKG phufonh nih SAC ralhrang an va kahdoh hna ii SAC ralhrang lei in minung pa 1 a thih pinah minung pa 1 nih hliamfak a tuar, ti zongin cathanh ah an langhter. Cun Sikpar ni 17, Zing lei slm 9:30 le zaan lei sml 2:00 ah hriamnam ngan he kah hnih in kahdohnak a chuak ii zaan lei slm 3:45 ah SAC ralhrang nih MI-35 Helicopter minutes 45 chung kahdohnak an tuah than.

Cu ni zaan lei ah MEDF nih Drone in bomb tampi he an kan bomh. A voi 3nak kahdohnak ah SAC ralhrang lei in minung pa 6 an thi ii hliamtuar tampi an um ii kan mah CNO/CNDF lei in minung pa 1 nih hliamfak lo a tuar. Sikpar ni 18, zing lei ah CNDF nih SAC ralhrang sakhan cu an kahdoh than ii SAC ralhrang lei nih hriamnam ngan hamng in kahdohnak an tuah than tiah theih a si.

A voi 4nak kahdohnak ah SAC ralhrang minung pa 4 an thi ii CNO/CNDF in minung pa 1 cu 60 MM nih a khen sual caah hliamfak lo a tuar, tiah theih a si. Sikpar ni 19 zing lei slm 5:00 thawk in Tibual sakhan cu laak dingah CNDF nih an kahdoh hmasa hna ii SAC ralhrang lei nih Jet Figter pa (2), Helicopter pa (5) he zing lei slm 10:00 in zaan lei slm 1:00 leng tiang CNDF cu an kah hna, tiah theih a si. Cu kahdohnak ahcun CDF-Lautu nih an bomh hna, tiah theih a si.

SAC ralhrang lei nih Tibual sakhan ah ralkap thazaang an chap ii hliamtuar mi le a thi mi pawl cu Kalay Myo Siizung ah an va khuat hna, tiah theih a si. CNDF nih Tibual sakhan pawng um Bualte khuate ah an kah than hna ii, Cu kahdohnak cu Slm 1:00 leng chung a rau ii SAC ralhrang lei in a tlawmbik minung pa 6 an thi. Cu ni Slm 6:30 hrawngah SAC ralhrang nih Bualte khua inn an khangh piak hna, ti zongin cathanh ahcun an langhter.

Cu ni 5 chung kahdohnak ahcun CNO/CNDF nih Drone in voi 300 leng bomb an thlak hnawh hna ii SAC ralhrang lei in minung 30 leng an thih pinah a thi mi chung in ralbawi deuh zong an i tel, Ti zong in cathanh ahcun an langhter.

SAC Ralkap Sakhan Cu KNDF Nih Sniper In An Kahdoh Hna Caah SAC Ralkap 5 An Thi, Karenni ramkulh Hparuso le Demoso peng ah ummi SAC ralkap sakhan hna cu KNDF nih sniper hmang in an kahdoh hna caah SAC ralkap 5 an thi tiah theih a si. Nizaan November 18, chunhnu suimilam 1:00 hrawng ah Hparuso khah-mah-yiah 428 in SAC ralkap hna cu Karenni ralkap KNDF battalion 4 nih sniper hmang in an va kahdoh hna i SAC ralkap 3 an thi tiah KNDF/ battalion 4 nih nihin November 19 ah cathanh an chuah.

Cun November 17, ah Demoso peng ni tlaklei ah ummi Sinmataung SAC ralkap sakhan cu KNDF battalion 7, battalion 1 le battalion 9 phuthum fonh nih an kalhnawh hna i an va kah hna caah kaphnih kar kahdohnak caan tlawmpal a chuak i SAC ralkap minung 2 an thi tiah KNDF battalion 7 nih fehternak an tuah tiah theih a si.

C Ronaldo Ca Ah ManU Ah Kirnak Lam A Um Ti Lo, “C. Ranaldo nih biahalnak ah ManU kong thangchiatnak le sualphawtnak a chim mi cu hnatlaknak kan tuahmi phung a buar a si, cucaah Manchester United nih hnatlaknak min kan thutmi hrawhding in biachahnak kan ngei cang” tiah thawng thanh a si nak kong media tampi nih an langhter hna.

C.Ronaldo cu FIFA World Cup a dih hnu zong ah ManU ah kirnak ding lam a um tilo tiah theih a si. An hnatlaknak min an thutmi hrawh a si ah cun C.Ronaldo caah Pound nuai 16 hrawng a sung ding asi.

Kalaymyo Seikkanthar bazar ah siikhan piahnak in a kir lei ah pa pahnih nih a ṭhi le a phaisa bawm an chuh i an tlik tak.A ngeitu nu nih an hnulei in cycle in a pah hna i pawngkam nih an bawmh hna i mifir pahnih cu an tlaih khawh hna tiah Zalen nih a langhter.
Sikpar 18 zinglei sml 10:00 hrawng ah nu pahnih cu cycle an i phirh i an kal lio ah a hnulei a ṭhumi (kum 60 hrawng ) tarnu a ṭhi le phaisa bawm cu pa pahnih nih an chuh i an tlik tak hna.

Cycle mawngtu nu nih pa pahnih an i citmi cycle cu a dawi hna i an hnulei in a pah hna caah cycle pahnih in an tlu. Minu nih pawngkam bawmh a hal hna i mifir pahnih cu an tlaih khawh ṭhan hna tiah theih a si. Mifir pa pahnih cu Kalaymyo Aungthitsar sang ah a ummi an si tiah theih a si. Cycle in a pahtu hna nu cu a ke aa khawn caah sii thlop ding in timhtuah a si tiah theih a si.

SAC Ralkap Sakhan Cu KNDF Nih Sniper In An Kahdoh Hna Caah SAC Ralkap 5 An Thi, Karenni ramkulh Hparuso le Demoso peng ah ummi SAC ralkap sakhan hna cu KNDF nih sniper hmang in an kahdoh hna caah SAC ralkap 5 an thi tiah theih a si. Nizaan November 18, chunhnu suimilam 1:00 hrawng ah Hparuso khah-mah-yiah 428 in SAC ralkap hna cu Karenni ralkap KNDF battalion 4 nih sniper hmang in an va kahdoh hna i SAC ralkap 3 an thi tiah KNDF/ battalion 4 nih nihin November 19 ah cathanh an chuah.

Cun November 17, ah Demoso peng ni tlaklei ah ummi Sinmataung SAC ralkap sakhan cu KNDF battalion 7, battalion 1 le battalion 9 phuthum fonh nih an kalhnawh hna i an va kah hna caah kaphnih kar kahdohnak caan tlawmpal a chuak i SAC ralkap minung 2 an thi tiah KNDF battalion 7 nih fehternak an tuah tiah theih a si.

Myanmar ram mipi nih MMA ah kan i zohchun mi Aung La N Sang cu ONE 163, November 19 ah aa langh i, Japan minthang Yushin Okami he Middleweight ah an i phomh. Caan sau an i tlai manh lo, Aung La nih Okami cu round 1; minute 1 nak chung ah TKO in a tei. Teinak a hmuh hnu i biahalnak tawi an ngeih lioah Aung La nih cun,

an training pi hawi Anthony Johnson thihnak ah a ngaihchiatnak kong a chim i, Johnson hmanthlak thlir buin Singapore Indoor Stadium mipi hmai ah upatnak a pek. Myanmar mipi hna ca ah thlacamnak a ngeih zungzal kong le mipi sin forhfialnak bia zong a chim.

Aung La nih “Ka duh bik mi cu Middleweight sui taisawm laak ṭhan a si” tiah a rak chim tawn nain ONE Widdleweight sui taisawm ngeitu (champion) Reinier De Ridder cu vawihnih a tei lo pinah Russian paṭhawng Bigdash cu tukum June thla ah khan a rak tei lo caah caanṭha hmuh dawh a si rih lo. Sinain tutan teinak a hmuh ahhin naite i ONE Championship nih minsen an thutpi mi Roberto Soldić cu a zuamcawh.

Croation MMA celh thiam Roberto Soldić hi Europe lei ah cun a minthang ngai mi a si i, Champion taisawm zong panga(5) a ngei cang. Welterweight, Middleweight le Light Heavyweight ah teinak a hmu tawn mi a si. Roberto Soldić hi kumthar(2023) ah cun aa celh kho cang lai tiah ruah a si i, Aung La nih ONE Championship ah a rak don ahcun a ra lai mi One Championship puai vialte lak ah kan i ngaih bik mi puai a si hrim lai.

Camp Victoria Cu SAC Ralkap Helicopter Nih A Vel! CNF/A Headquarter Camp Victoria cu nihin November 19 zinglei suimilam 10:30 hrawng ah SAC ralkap Helicopter nih a vel i a vel dih hnu ah a kir ṭhan, tiah theih a si. Falam peng Tibual camp a kaptu tualchung hriamtlai hna zong SAC ralkap nih Jet Fighter in bomb voi 6 a thlak hna, tiah theih a si.

Tayatchaung Peng Ah Vanlawng Khalh Cawnnak Ah An Hmanmi Vanlawng Pakhat A Tla, A Thimi An Umlo, Taningtharyi ramṭhen, Tayatchaung peng ah nihin November 19, zinglei ah SAC ralkap nih vanlawng khalh cawnnak ah an hmanmi vanlawng pakhat a tla, asinain vanlawng khaltu le a hnuzultu bel a thi mi an um lo tiah tualchung mi hna nih an chim.

Nihin, November 19 zinglei suimilam 10:00 ah Htawai pengkomh Tayatchaung peng Kyauizat(ကျွဲဇပ်) khua le Chaungwapin(ချောင်း ၀ ပြင်) khua kar ah vanlawng pakhat leikuang lak ah a tla, a tlami vanlawng cu cawnnak ah hmanmi vanlawng phun a si tiah theih a si.

Be the first to comment

Leave a Reply

Your email address will not be published.


*