BREAKING NEWS, Kalaymyo Ah Thil A Cang Mi

Kalaymyo Ah PDF Kalay Nih SAC Ralhrang Ralkap An Kah, Ralhrang Pakhat A Thi!

Kalaymyo Taung Phi Lar sangah motorcycle (3) in a kalmi SAC ralhrang ralkap (6) hna cu nihin March 22 zinglei sml 7:45 ah PDF Kalay nih an kah i, SAC ralhrang ralkap (1) a thi colh tiah Kalay PDF nih cathanh an chuah.
Taung Phi Lar motor lampi cungah Tahan leikap in Taung Tha leikap ah motorcycle (3) in a kalmi SAC ralhrang ralkap (6) hna cu ramri kong tawlrelnak zung, innchung kongkau tuaktan ning cawnnak sianginn pawng an rak phak lioah zinglei sml 7:45 ah PDF Kalay phu nih timhcia tein an rak bawh hna i, minute 3 chung cawl loin an kah hna hnuah him tein an i zukphiak kho.
Kahdohnak ahcun Min Aung Hlaing kuttang ah a ummi ralhrang pakhat cu a hmun ah a thi colh i, a dang (2) nih fak tukin hliam an tuar. Cuticun Min Aung Hlaing kuttang ah a ummi ralhrang nih pawngkam ah meithal an puah ruangah pawngkam ah a ummi minung pakhat cu a ke ah kuanfang nih a hliam tiah theih a si.

Ukraine Ram Donbas Ah Hngakchia Minung 2000 Leng Russia Ralkap Hna Nih An I Kal Pi Hna

Donbas ah hngakchia pawl cu Russia ralkap hna nih an tlaih hna tiah Ukraine nih March hla ni 22 ah a chim. Ukraine Ramkhel vuanci zung i langhter ning ah cun Donbas ah hngakchia minung 2389 cu phungning loin Russia ralkap hna nih Russia ram ah an kuat hna tiah theih a si.

2014 Russia le Ukraine kahdohnak a chuah hnu ah Ukraine ram ah a um mi Donbas cu Russia nih a herh mi  Ukraine in chuah a duh mi an si. Cun Donetsk and Luhanz hna zong luannak a hmu mi an si nak kong cu Putin nih a chim hnu ah mah hna khua hna cu a tu ah bitak tein buaipi mi an si.

Mah ka hmun cu Russia uknak tangah an um mi Putin nih sakhan sernak nawl zong a pek hna tiah theih a si. Russia nih Ukraine  kahdohnak chungah Russia ahmutinh cu hngakchia pawl hi an ti tiah theih  a si. A luancia mi chung ah khan hngakchia pawl an i dor nak hmun Theater zung cu Russia nih hriamnam ngan in a kah tiah Ukraine nih a rak chim. Nain Russia nih Ukraine hi ka doh mi  si loin Special Operations ka tuah mi a si tiah a chim i,

Russia nih Khuami le rammi pawl hmuitinh in ka do hna lo tiah a chim. A sinain Kyiv khuapi ah a um mi thilcawknak centre pakhat ah hriamnam an thuh caah Dungci in ka kah tiah a rak ti.  Mariupol khuapi cu nan thlah a si ah cun mah khuapi ah a um mi khuami pawl cu an himnak hmun ah thialnak nawl kan pek hna lai tiah a ti ko nain Ukraine nih a duh lo tiah theih a si.

Hramhram Le Ningcanglo Sual Rakthlak Tuahnak Cu Ngol Dingin Cambodia Le Japan Prime Minister Nih An Nawl!

Japan Prime Minister nih Cambodia ah nihnih chung a tlawnnak ah ramhnih pehtlaihnak, Kawlram le Ukraine konglam zong an i ruahrel hnu March 20 ah ramhnih i fonhin thawngpang fianternak an chuahmi ahcun Kawlram kong he pehtlai in a cunglei bantukin cathanh an chuah.
Cupinah hriamnam a ngahnak lampi hna zong ngol ding, remdaihnak a chuah khawh nakhnga ramkhel buainak kong he pehtlai in aa telmi paoh he lungsau thinfual in rdaihnak kawl ding, ramkhel ruangah tlaih a tongtu hna cu thlah than ding, democracy phung sersiam than dingin siseh ramchung buainak a daih cang nakhnga halnak le nawlnak an tuah tiah theih a si.
Yangon ah a ummi ramkhel kong capar tialtu nih prime minister pahnih halmi le nawlnak cu cohlan ding a si nain a takin tuahserhmi a um lo caah zeihmanh thatnak a chuahpi lai lo tiah a chim. Nawlnak le halnak an tuahmi cu embassy chim lo a dang zeihmanh a um lo. Min Aung Hlaing caah embassy i phihkhamnak le dantatnak cu zeihmanh a si lo tiah a chim.
Prime Minister (2) hna nih Asia ramchung nih a ngeihmi zulhphung (5) hna cu tlamtling tein zulh dih dingin an nor nain Asia ramchung le vawlei cung ramdang dang hna he i fonhin Kawlram chungah bawmchannak pe kho dingin ceihtinak an ngei tiah theih a si.

 

Be the first to comment

Leave a Reply

Your email address will not be published.


*