Breaking News; Kalay khuapi thawngpang thar kan theih mi cu a poi tuk e!!

Kalaymyo Ah Ngakchia Telh In Tualchung 15 Cu SAC Ralkap Nih An Tlaih Hna
====+=+==
Sagaing ramṭhen, Kalaymyo nitlaklei Myohla sang ah SAC ralkap nih nihin December 3 zinglei ah ngakchia telh in tualchung 15 cu an rak tlaih hna i, sml pakhat chung hrawng a rauh ah an thlah ṭhan hna, tiah Kalaymyo khua chung ummi hna nih an chim.

SAC ralkap nih PDF uniform bantuk aa hrukmi an hmuh hna caah a si men lai. Sang chungah an lut i inn khat hnu inn khat an check. Innka a onh duh lotu le aa thupmi hna cu an tlaih hna, tiah theih a si.

SAC ralkap nih kum 10 tang ngakchia 4, kum khat tling rih lo ngakchia le hringtu a nu zong an tlaih hna. An tlaih hna lio i a zohtu pawl zong an tlaih hna caah kan zoh ngam hna lo, tiah Myohla snag chung a ummi pakhat nih a chim.

SAC ralkap pawl cu Myohla sang ah zeiruang ah dah an luh i mi an tlaih hna ti cu hngalh a si lo nain, mi an kawl hna a si lo ahcun hriamnam an kawl caah a si kho men. An tlaihmi hna zong an hrocer hna hnuah an thlah ṭhan hna, tiah theih a si.

India-Myanmar ramri Tamu khua in hriamnam phortu SAC ralkap motor pawl cu, Kalaymyo an phak hnu in Kalaymyo khua chung le a pawngkam hmunhma ah an cawlcang ngaingai, tiah theih a si. Kalaymyo thlanglei Yankyiaung(ရန်ကြီးအောင်) khua zong ah nizan December 2 ah Helicopter nih SAC ralkap 400 hrawng a chiah hna, tiah theih a si.

Sagaing ramthen Swebo- Kyauhmyaung lampi cung ah pyusawhtee training a kai mi (200) renglo nih an i cit mi motor hna lak ah kee-12 a nei mi motor pakhat cu mine puahhnawh an si i,a thi mi le aihliam mi an um tiah Burma Rangers -Swebo chimphuannak lei lutlai an Editor nih a chim.

December -2 ni zing Sml11:45 am hrawng ah Swebo training tuahnak No( in pyu training a kai mi (270) hrawng nih an i cit mi Express motor a pawl mi pakhat ၊ ti puan in khuh mi kee -12 motor (2) an dihlak fonh motor (3) in an rak chuak mi, Ungpauh khua thlaklei ah Padeta mine lung-10 in puahhnawh an si tiah a chim chap.

“Pyu training a kai mi (270) an i tel tiah dawnzuk (ဖရဲသီး)nih thawng akan pek. express a pawl mi cu hmai sa in kee -12 motor (2) nih hnu in an zulh.A hmai bik motor cu a lanmanh a pahnihnak motor cu mine lung -10 in puahhnawh a si” tiah a chim. Mine puah nak ruang ah kee -12 motor pakhat cu minute -5 chunghrawng dir in motor khaltu thlen a si hnu ah an lan i ,motorkal tu relchih in midang zong thi kho dirhmun an si,A hnubik in a rami motor cu mine puahhnawh an si nak thawng thei in hnu an i khrih tiah theih a si.

Cupin ah chunhnu Sml-1:40 hrawng ah Kyauhmyaung SAC tat chung i a um mi Pyusawhtee hna nih ralhrang hna he Swebo peng nichuah lei Ma- U khuate cu thazaang (30) hrawng he luhhnawh in zanlei Sml 3: 30 hrawng ah khuachung mipi inn hna cu mei in an khangh tiah theih a si.

Tu dirhmun ah Swebo peng nitlak lei um khua hna cu khuakhat hnu khuakhat ah i thial in meikhangh nak an tuah caah khuami ralhrial in an zaam hna tiah theihchih a si.

October thla chung zong ah Swebo – Kyauhmyaung lampi ah SAC ta asi mi kee -12 motor pakhat cu Burma Rangers -ShweBo nih mine an puah hna i ralhrang (7) an rak thi bal cang.

Chin ramkulh, Thantlang peng Vanzang tlang Area Palik nih December 2 ah Zuu lang 58 an tlaih, tiah kan theih. “Nizaan Mawtaw a rami pakhat cu chekhlatnak kan tuah i Zuu BE lang 58 kan tlaih, Zuu cu a dihlak in kan khangh dih zuu a phurtu hna cu phaisa sing 4 cawi ding in dan kan tat hna, tiah Vanzang area palik bawi pakhat nih The Chin Post ah a chim.

Sagaing ramthen, Yinmabin peng Salinkyi pengkulh chaklei um khua hna ah Min Aung Hlaing kuttang tuan Inn ngei ve lo ralhrang rual nih mipi inn (300) dengmang mei in an khangh i, kum (80) leng a si mi Nutar pahnih an nunnak a liam chih tiah theih a si. SAC le an kuttang tuan pyusawhtee phu hna nih Salinkyi peng chaklei um khua (4) cu luhhnawh in mei in an khangh hi a si tiah kan theih.

Meikhangh nak ruang ah Thanzin khua inn (24)/ Sathung khua thar inn(200) nak tam / Letpankyun khua inn (32) /Tawchawng khua inn(32) a dih lak fonh inn (300) dengmang a ciam tiah theih a si. Cupin ah Sathung khua inn khangh nak ruang ah kum (80) leng a si mi Nutar pahnih zaam kho lo in mei nih a kangh chih hna tiah theih chih a si.

SAC ralhrang hna nih hin hi meikhangh nak hi november 30 ni in december -1 ni tiang ah khuakip cul in an tuah mi a si tiah kan theih. Salinkyi peng tualchung mi pakhat nih cun “SAC ralhrang hna cu inn a ngei ve lo mi an si i,an chanchung batalion chung ah um in an chuahhnu zong ah fuhding inn ngei ve lo mi an si caah inn pakhat a sunlawining an theithiam ve lo cuh, cu caah zawnruah awk zong an thei lo.

khuachung i inn pakhat sak khawhnak ah zeitluk in dah a har, khuachung an rak lut ti theih zawn ah zaam nak ka i tinh lo, kanzaam lo ah cun bia an kanhalnak le an kan hremnak ah kan thi dih lai ” tiah a chim. Tu dirhmun ah ralhrang rual nih khuate hna cu chuah tak in Salinkyi khuapi chung ah an kir cang hna tiah theih chihsi.

Kayinni ram ,Demosoe pengchung cu SAC ralkap nih Vanlawng in bomb anthlak len ko tiah tualchung mi nih an chim. Nihin Dec-3 zanlei Sml 3:55 pm hrawng ah Vanlawng (2) nih hel in bomb an thlak hnawh hna tiah theih cu a si. Zanlei Sml 4:15 pm ah tualchung mi pakhat nih cun “khuazei ah bomb an thlak ti bel kan i fiang lo na in vanlawng cu ai hel len ko ” tiah a chim.

Demosoe peng chung cu nihin Dec-3 zing Sml 5 hrawng in zan lei pi tiang chun nitlak hriamngan in SAC nih an kah leng ah zanlei hnu in vanlawng in bomb an thlak hnawh hna nak tualchung mi nih an chim. Demosoe peng chung, um hmunkhuar SAC hna cu kan hnu november -28 ni ah khan KNDF ၊ KA ၊အလယ်ပိုင်းတိုင်း အထူးစစ်ဆင်ရေး တပ်ဖွဲ့၊ DMO PDF၊ Loikaw PDF phu hna nih Kungta /Tesulay/Pupha le Dawkami khua hna ah tukdohnak an rak ngeih hna.

Karini ai bawmmi phu hna nih tukdohnak ruang ah SAC hna nih umhmun an i khuar nak hmunram hna cu an chuahtak i,Mizapi ralkap hna nih hmun ram an lak khawhthan . Cu hmunram hna cu thenhhlim nak neih cuahmah lio a si i ,SAC nih ni hin ah Demosoe peng chung cu bomb thlak nak a tuah hi a si.

Tanintaryi pengkulh ,Thungkha khua thlanhmun pawng ah SAC motor (5) ai zulmi cu nizan zanlei ah tukdoh an si nak KNLA-TCSJF nih nihin ah an thanh. December 2 zanlei Sml-5 hnu ah Myike in Bohpyin lei ah raltukbawmh ding in ara mi thazaang (100) a si mi SAC ralhrang hna cu KNLA-TCSJF nih chawhkanh in an rak dohhna nak ralkap pakhat nih a chim.

“SAC motor (5) chung in motor -3 hi hriamngan hriamhme kemh in kahdoh an simotor-2 cu hnukhirh in an zam manh , kahdoh chung minute :25 chung ngeihhnu ah kantolh tak than hna ” tiah KNLA- TCSJF nih an chim. Kahdohnak chung ah SAC a thi mi le aihliammi an um i azat bel fiangdeuh ding in hlathlai nak neih lio a si ,ralhrang nih daithlang in hriam an thlah caah a pawng kam um mipi cu hmunhim fuk in anzaam dih hna tiah theih a si.

Karin ram ,Demosoe peng chung i SAC hna kutchung in KNDF nih an lak than mi hmunram chung cu bomb ral a him rih lo caah lutcolh rih lo ding in mipi sin ah ralrin pek nak KNDF nih ni hin ah an thanh.

KNDF thithruai nak in KA ၊ DMO PDF ၊ Loikaw PDF hna nih SAC nih umhmun an khuar nak Demosoe peng Tesulay/ Kungta/ Pupha le Dawkami khuate hna cu november 28 ni ah khan ralser tukdohnak an ngeih hna cu a si.

Hi tukdohnak ah SAC lei hnu an tolh caah khuahna cu KNDF le an tantii phu hna nih hmunram thehhlimh nak ngeih in Kungta khua ah KRU umhmun an khuar ter hna tiah theih a si.

Demosoe peng Kungta khua / Tesulay khua/Pupha khua le Dawkami khua hna i SAC hna cu thawldih an si cang na in hi khuachung hna ah tukdohnak a dih rih lo pin ah vawilei tang phummi bomb le hriamngan tlaknak leng ah raltuk nak a daih rih lo caah mipi cu khuachung luh a himrih lo nak an thanh hna hi a si. December -2 ni i Tesulay khuachung a lut than mi mipi pakhat SAC bomb kamhtak mi i lamhsual nak in a nunnak a liam tiah theihchih a si.

Be the first to comment

Leave a Reply

Your email address will not be published.


*