Breaking News!! Insein hrem hmun in thawngpang chia kho taktak an vun kan thanh!!

Dagon Sianghleiruun Minung Pa 7 Hna Cu Dipa Ni 7 Zaan Lei Ah Hrithlai Dingin SAC Ralhrang Nih Timhtuahnak An Ngei!!
==================
Hramhram in nawlngeihnak latu SAC ralkap dohnak ah a cawlcang ngaingai mi Dagon sianghleirun siangngakchia 7 hna cu, nizan November 30 ah Insein thonginn chung biaceih zung nih thah ding in bia an khiahpiak hna, tiah theih a si.

2022 April 18 lioah SAC ralkap nih Khant Zin Win, Thura Maung Maung, Zaw Lin Naing, Thiha Htet Zaw, Hein Htet, Thet Paing Oo, Khant Lin le Maung hna cu ralkap uknak nan doh tiin an rak tlaih hna.

Cu pinah North Dagon Kabar Yatana(ကမ္ဘာ့ရတနာ) bank manager ralbawi Saw Moe Win thahnak kongah pehtlaihnak nan ngei an ti hna i thah ding in biaceih zung nih bia an khiahpiak hna hi a si, tiah theih a si.

Insein thonginn biaceih zung nih Dagon sianghleirun ah ca a cawngmi siangngakchia 7 hna cu section 302(a) in thih dan an pek hna , a taang rihmi case 2 zong checkhlatnak an tuah cuahmah hna, tiah theih a si.

A luancia May 24 lio zong ah N. Dagon No.45 sang bawi Khin Maung Than kah thahnak ah teltumnak nan ngei tiin mino 4 cu nizan November 30 ah thah ding in biaceih zung nih bia an khiahpiak ve hna, tiah theih a si. SAC nih a luancia July thla ah 88 siangngakchia hruaitu Jimmy, Phyu Zeyar Thaw le minung 2 zong an rak thah cang hna.

Hrithlai in thihdan peek mi Dagon Sianghleiruun minung pa 7 hna cu Dipa ni 7, Insein thonginn ah hrithlai an si cang lai tiah theih a si. SAC ralhrang nih Hrithlai dingin timhtuahnak an ngeih nak kong cu Insein thonginn he aa ngeihniam mi sinin theih a si.

Hrithlai nak cu Dipa ni 7, Zaan lei suimilam 4:44 ah SAC ralhrang ralbawi Du-Hmu-Kyi Way Lay Phyo (Sah-Tah-Taah-45) nih a hruai hna lai, tiah theih a si.

Hi thawngpang a len nak kong he pehtlai in tuanvo ngeitu pakhat nih,” A dik mi a si ko. Rian ka tuanti hoi pakhat sinin ka theih. A dik mi a si taktak ko ahcun bomchan cio hna uh.” tiah a chim.

A luan cia mi Taung Dagon pengkulh ah a cang mi Kaba Bank then damiak teih (luhhnawk) nak ah Bank tuanvo ngei Manajor Du-Ralbawi hlun Saw Moe Win meithal kahthah a tonnak kong he pehtlai in tlaih mi Dagon University Sianghleiruun minung pa 7 cu November ni 30 ah Insein thonginn ah dan rak peek mi an si.

Ni khat a ruah hnu Dipa ni 1 ah a tubantuk in thihdan an peek mi hna hi a si. Thonginn he aa neihniam mi Sihni pakhat nih ” Dan peek nak in zarhkhat a rauh hnu ah hrithlai an si lai timi cu a dik lomi le a si kho lomi a si. Hritlai in thihdan peek mi midang hmanh an dih rih lo, hrithlai an si rih lo.” tiah a chim.

Israel tuanbia kan zoh ah cun, an hngakchiat lio tein an vun par an tanpiak hna. Pa i ngandam nak zong a si i nu taksa nan pawl tik ah nan vunpar nan tan le tan lo ai dan ning cu van le vawlei bantuk a si. Vunzim tan lo mi cu dinhang umloin rawl ei bantuk a si.

Pa i zahmawh vunpar tan a hauh nak cu hmailei i nupi neih tik ah a tha mi a si. Cun amah ngandam nak zing ah a tha tuk mi a si.Vunzim an tan lo ah cun, zun an zun tik ah zun a ek tampi pa zahmawh chung ah a um i, a can sauhdeuh ah cun damlo nak zong a chuah ter.

Pa nih nan vunpar nan tan lo ah cun nupi an taksa nan pawl tik ah ralrin taktak a hau. Ti in thiangten na tawl tung lailoh i cuti na ih ah cun zwwtnak chia a chuahter khotu a si. Cun, pa leilong a si loh, pa zahmawh tawl taloin nupi nan ihpi a siah cun nupi le caah zawtnak chia tuk mi a chuak kho ve.

Cun, Nupi nei hnu tiang in an vunpar an tanlo asiah cun, pa zahmawh chung i a Mu te kha a no tuk.. Zahmawh Muu a no tuk i tonghpiak zong ah a zaa tuk. Nu zahmawh chung a luh hnu ahcun a chunglei a luh tik ah a no tuk ruangah nupi le an diriam kho ti loh. Pa zahmawh a Muu te cu a leng ah a taksa ai bek a hau.ai phar lawng ah nupawl i an hiar nak kha an diriam kho. Pa zahmawh mute kha vun bantuk in ai phar lawng ah nupawl caah di a riam kho tawn.

Sinain Vunpar tan lo zong ah naucu pawi khawh thotho a si. Naupawi lei he cun ai san lem loh.Vunpar tanpiak a hauh nak pakhat cu a mah ngandam nak ca hrimhrim ah a herh mi a si.Nau kan neih ah cun an hngakchiat lio tein vunpar cu tanpiak hrimhrim ding. ( Laimi pawl hi kan tung a niam tuknak a ruak cu vunpar tan kan hman tawn lo ruang ah a si in ka thei.) Write to S Hmung Lian

Chinram ah Bing a cinthlak tu hi India ram mi nan si. MEITEI Tupung cu ZRA he an I fonh I, Tonzang le Tedim velchum ah Bing le Cocaine an cin. Tedim le Zomi kan Unau hna nih Ekah 1 Nuai 500 man thlaici tiah min an pek. SLOC Ralhrang Than Sui Cozah nih MEITEI Tupung cu BGF ah an hmang hna.

India Cozah nih ZRO / ZRA cu BGF ah an hmang ve hna. MEITEI nih Bing an cin caah Chinram ah Bing le Rithai Sii a tam hi asi. Rithai Sii cinthlak le Sipuazi in aa cawm I a nung mi hi India MEITEI Tupung tu an si. Kanmah CHINMI nih Mizoram tu hi zaihnawh awk kan si. “India nih Bing nan kan cin hnawh, Rithai Sii nan kan zuar hnawh, India MEITEI Tupung le an minung cu, Chinram nih Rawl thaw le sathaw in kan in cawm hna I, nan miphun CHINMI cu Rithai sii nan kan zuar hnawh tiah” a buai ding mi hi Kanmah CHINMI tu kan si.

Nain Mizoram um Laitlai kan Unau nih Ralzam mi cu pawkhim tein le lum tein kan in cawm hna, nan kaa ah rawl thawthaw / Sa thawthaw kan in tuh hna lio ah Rithai sii nan kan zuar hnawh tiah, rolung nan kan bunh tikah khuaruahhar lei tu khi asi. Hi nan bia hi CHINMI le Ralzam mi nih kan in ti hna awk asi nain, Ralzam kan si caah kan I thlachiat I, kan chimh ngam lo tu asi. Social Media kip ah Ralzam Nan Unau cu mual nan kan pho caah kan si lo nak kha langhter ve kan herh ko tiah hi capar hi ka chuahpi mi asi.

Kawlram ah Rithai Sii Sipuazi tama hna cu Ralhrang Rallokap bawi le Palik bawi rual an si. Rithai Sii a khap tu ding le a control tu ding Ralbawi le Palik bawi hna nih Rithai sii in an rum caah, kawlram ah zalon tein Rithai sii an cin, an zuar khawh nak hi asi. Crony timi Mirum hna kut in Rithai sii sipuazi hi an tuah.

Chin Mirum Crony hna nih anmah kutin Rithai zuar loin Agents le Kusale kutin Rithai sii sipuazi cu an tuah. Chin Crony rual nih, Rithai Sii Smuggling caah India Mizoram le Manipur ah Agents le Kusale an ngeih dih ve. Vairam (Kala ram) tiangin Boss le Agents an ngeih dih. Mizoram um Rithai Sii boss le Agents kut ah aphan hlan ah Assam Rifle nih an tlaih tawn hna hi asi.

Kawlram in a ra mi Rithai Sii zuarmi nan tlaih khawh / thong nan thlak khawh ko nain, Mizoram le Kalaram um Rithai Sii Smugglers rual le Kusale hna cu an luat zungzal. Cucaah Mizoram ah Rithai Sii khap khawh asi ti lo. India Tupung MEITEI nih CHINRAM ah an cin mi bing cu Shanram ah an kuat. UWSA le Shan Hriamtlai phu hna nih bang rang in an chum.

Cucu Thai, Tuluk le India ah zuar cio cu asi. No 4 timi Bing phut cu India Kalaram a phan tikah Rithai Siitlang le a hang, hnimh khawh mi ah an siam. Cucu India in a rak phawr I, CHINRAM le kawlram ah an zuar. Achuhmuk bantuk Bingrang dip / phut zong India ah an cawk chih, UWSA le Shanram an phan tikah, Bang rang in an chum nawlh. Achuhmuk Bingrang hi India Siam asi.

Cucaah Rithai sii a chuak siam tu le sipuazi tama hi India deuh lawngte an si. Chin mi kan si lo. Ralzam chinchin cu asi khawh lo. Ruah dawm in thil sining hngalh loin Ralzam mi cu Rithai sii zuarmi ah nan kan puh hi asi. Asi khawh lo mi biathlah le thil tuah asi. Ralzam nan rem lo bia asi men lai.

Kawlram le CHINRAM ah Rithai sii sipuazi tama le an kusale rual cu Rallokap minung lawng te an si. Rallokap he Rithai Sii a zuar ṭi mi an si caah Ralzam nak lam a um lo. MAH le Ralhrang phu nih kawlram an uk caah, Ralzam sinak lam a um lo. A lam a pit mi asi. Mizoram ah Ralzam mi cu Rallokap le Rithai sii a dohtu lehlam kan si.

Zeitindah Rithai sii zuar cu nan kan puh khawh ve? Khua tuak loin, mi lungkhat put deuh mi kan Unau nih nan kan puh ko lai nain, Ralzam mi tiah min thlir in vawleipi hngalh in Social Media ah nan kan pho mi hi, nan palh tuk. Tawnpumh nak kip ah an chimhrel. MNF chan ah Chinram ah a rak zam mi nan rem hna lo, nan dawi hna nan ti mi hi nan phuahcawp mi asi. Kan nupa nih ah kan chimh ballo.

Falam bank an phaisa an lak dih timi le Lungler Police camp an kah timi belte roling thil asi. CNA / CDF nih Mizoram bank an fir ballo, Palik le Assam Rifle camp / Gate an kah bal ve lo, an kap bal fawn lai lo. Mizoram ah Rithai sii lut hlahseh ti duh ahcun Raldoh nan kan bawmh a herh.

MAH kan thluk lawng ah Rithai sii cin le sipuazi hi a tlau ding asi. Raldoh nan kan bawmh khawh lo ahcun, Ralzam mi cu Rithai sii zuar kan puh ve ti hlah uh, kan hriamnam kan tlaih piak ti hlah uh, Assam Rifle sin ah Hriamnam, kuan le bomb tlaih ti lo ding in, YMA< LYA< MPT tu nih kan chimh piak hram uh.

Zeitintiah MAH te Ralhrang kan thluk hna lo ahcun, Rithai sii hi Mizoram ah a lut zungzal lai. Annih cu Rithai sii in Millionaires asi mi an si. Rithai sii le Rallokap / Palik cu Pum le thlarau bangin ṭhen khawh an si lo.

KBC Hruaitu Hlun. Dr. Hkalam Samson Cu SAC Ralkap Nih Myintgyina Ah An Tlaih Ṭhan, Kachin Baptist Churh ah Chairman a rak ṭuan balmi Rev. Dr. Hkalam Samson cu, SAC ralkap nih Mandalay vanlawng bual ah an tlaih hnu in Myintgyina ah an kuat ṭhan i an thlah ti lo, tiah theih a si.

KBC ruahnak petu Rev. Dr. Hkalam Samson cu December 5 zinglei ah Thailand ram khuapi Bangkok ah khualtlawn ding in aa thawh i Mandalay vanlawng bual ah tlaih a ton hi a si. SAC ralkap nih ramleng chuahter an duh lo caah Mandalay vanlawng bual in an thlah ṭhan i, Myintgyina ah an rak kuat ṭhan.

Cun Myintgyi a phak in SAC ralkap nih an tlaih ṭhan, tiah theih a si. Rev. Dr. Hkalam Samson cu SAC ralkap sakhan Northern Command ah an kalpi, tiah theih a si i, a hohmanh nih an pehtlai kho rih lo, tiah theih a si.

“An thlah ṭhan cang ti thawng kan theih cu kan i lawm tuk. Asinain atu bantukin an tlaih ṭhan i, pehtlaih khawh a si lo tikah cun kan lungre a thei ngaingai,” tiah KBC pastor pakhat nih a chim. Rev. Dr. Hkalam Samson cu SAC ralkap nih an tlaih ruangah KBC nih nizan December 5 zanlei ah duhlonak cathanh an chuah i a rannak in chuah ṭhan ding in an langhter.

Nizan Dec-5,2022 ah Kalaymyo Myota sang check gate ah Tasii khua in a ra mi cycle cung ah PDF training a dih cang mi pakhat kantlaih tiah ralhrang thawng zam nak nih an thanh.Malaysia ah tanglei in a kal mi myanmar ram mi Pa (43) le Nu (10) cu Thailand ram chung ah nizan December -4 ni ah tlaih an tong tiah theih a si.

Yezagyo Palik Sakhan PDF Nih Luhhnawh In An Doh Hna , Magway ramthen Yezagyo i a um mi SAC kuttang Palik sakhan cu PDF nih december 4 ah luh hnawh in an doh hna i,SAC lei a thi mi an tam tiah theih a si .

Yezagyo sakhan dohding in an kal lio ah hin lam pi ah SAC rallam a sial mi hna he an i tong hna i tukdohnak zong suimilam 1 deng an ngei fawn , SAC lei in minung 30 leng an thi tiah MBT nih an thanh .

SAC lei zong nih fehternak an tuah i a thimi hna cu tung bing 2 in an thiar hna tiah theih a si. Yangon ramṭhen, Hlegu peng, Ngwenantha khuate le No. 7 lampi aa tonnak lamkam ah a thi mi pa ruak 13 cu December 5 ah an hmuh tiah SAC nih a thanh.

SAC nih a thanhnak ah a thi mi pawl hi an cin dih, an kut pawl a lum caah Yangon sizung pi ah kan kuat hna tiah a chim. Ramchung thawngzamh pawl nih an langhter hna ning aha thi mi pa 13 hi Rohingya miphun an si tiah theih a si. A luancia November 28 zinglei ah Hlegu peng ah phungning lo in a rak lut mi hngakchia, nu telh in Rohingya miphun 68 cu SAC kuttang phu nih an rak tlaih hna.

An hmuh mi ruak 13 hi mi zeidah an si cu rianngeitu nih a fiang in an thanh lo nain Rohingya kongkau he pehtlai in a cawlcang mi U Nay San nih a thi mi hna an hmai le pum ah hma pawl kan hmuh caah an velh hna i an thah beh hna tiah a chim.

Latin holh “decem” in a luang mi biafang hman a si i “pahra” ti sullam a keng. Cucaah Romulus Calendar c. 750 BC ah nithla rel pahranak ah chiah a rak si. Nihin vawleipi nih hman mi nithla rel thla ah kum donghnak ah chiah a si.

Phundang in kan chim ahcun, kumpi kum khat chung thlarel thla vialte khaartu a si. Chuankhan ngei in kawhauh mi thla a si lo, nain Khamhtu Khrih Jesuh chuah thla ah rel in a chuah lawmhnak Christmas camtuak thla a si caah, thlarel thla dang vialte nakin a sunglawi khun, a nuam hlei khun, phak lai ngaih hlei khun mi thla a si.

Kan pipu hna nih an thlawhtuan retheihnak le khingrihnak vialte i damh caan chuankhuan in “Dipa” tiah an ti. A sullam cu “kum khat chung kan tuan mi thlai laak, kum voi ca ah lo thingtuk, rian vialte an dih. Kan thlawh kan tuan vialte an i lim dih cang ti duhnak,” tinak a si. Laitlang si ning cun a si fawn.

Kan thlawhtuan mi lo rian vialte ai lim, ruuk le haan rawn mi tirawl hmanh an phortlunh dih ti khawh si. Hmathlak ciing pawl hmanh Dipa ah cun pawl an bongh dih cang. Rian a um lo caan, laihlumh caan a si. Ram chuakvat pa pawl cu Christmas caan mehsa zalh an i thawk pah cang. Thlaileo chiah le mangkhawng do tibantuk, zu-dawn riah le cerap chiah in nihlawh an teem. Acheu cu kum vui thlawhsial ding lo vah ah an i nam.

A thlum mi thla a si bantukin nuamhnak le lawmhnak in khah caan thla a si. Khuate in khuapi tiang hna in theih khawh mi thawng ah “Christmas hla” lawng a si. Khuapi zatlaang lam i chawh ah minung a sawh bak in i sawh caan a si. Khua, peng le tlang, Khrihfabu, hawi le kom, sianginn ti, cing le la tibantukin hmunkhat ah hnianghrawm caan, tirawl purh caan a si.

Tiva kuang cu nuamhnak le lawmhnak au-aan nih a kheh. Thinlung a zaan caan a si caah a mizei paoh lawmhnak in khah lio caan a si. Christmas thla a si bantukin annih chung cuka ram um nih siloah kan Khrihfabu nih Christmas an/kan tuah lai tibantuk bia chokvak a len lio a si.

Ngakchia rual zong Christmas nih a chuahpi mi luatnak an ngeih caan a si tikah, zalen taktak in Christmas nih a chuahpi mi lawmhnak an hman caan a si. Lawmhnak le nuamhnak in caan hman caan a si caah a liam lai kan tih bik mi le ngaihlah bik mi nithla zong a si.

Be the first to comment

Leave a Reply

Your email address will not be published.


*