China nih Ukraine Kanin Dirpi Hna Ati Cang
Nihin ah FoxNews nih alanghter ningah cun, Fan Ziangong, China ambassador to Ukraine nih Ukraine mipi kan in dirpi hna tiah Lviv officials sinah a chim ati. Xiangong nih zeitindah hitluk hin Ukraine ram mipi hi an lungrual khawh hnga ati hi a thangthat ngaingai hna. Ukraine ram mipi an lungrualnak hi an thawnnak cu a si. Kanmah China zong nih Ukriane mipi leiah kan dir tiah a chim.
Ukraine mipi kan upat tuk hna, hibantuk hin vawleicung ram vialte nih kan tuah awk kan covo cio asi ati. “In this situation, we will act responsibly. We have seen how great the unity of the Ukrainian people is, and that means its strength, China’s ambassador to Ukraine told officials in the western city of Lviv this week that his country will support Ukraine both economically and politically.
Chin hriamtlai phu pawl pakhat le pakhat kar i buainak tete a um tawnmi khi an ihuat ruangah asi lo.
Chin hriamtlai phu pawl pakhat le pakhat kar i buainak tete a um tawnmi khi an ihuat ruangah asi lo. Nain an ruahning le thil kalter an duhning a dang deuh caah asi bik tawn tiin ka hmuhning asi.
Thil pakhat a cang tikah ” Kan mah lei in zeidah kan chambaunak hna a um el maw?” ti zoh ta a hau. Cun mi bawmhnak kan pekmi hna kongah va den thannak hman ding asi awk asi lo. A ngaingai ti ahcun kan sining nih a pek ve lo caah zeipipa khi pakhat le pakhat kan ibawmh duh hna hmanh ah kan ibawm kho hna lo.
Hmailei pi tiangin khua a ruahmi nih a caancaan itheihthiam lonak tete a um caan ah mawtawka barikpoh bang bia chim dih awk asi lo.
Tulio Chin dohthlennak hi a sersiam cuahmah lio asi tikah hmailei ah phu thar zong an chuah kho men. A phunphun a chuah kho. Abiapimi cu kan tanhmi phu a thih zongah Chin mipi luatnak tiang a kan kalpi kho tu phu hna an chuah ahcun dirpi le tangpi cio khawh nak lungput tu ngei cio ding hi asi.
Lungrualnak cu teinak asi ti asi bang lungrualnak a duhmi paoh nih zeitik hmanh ah lungdong loin Kawl ralkap ralhrang tei hlang tiang cu kut itlaihtinak lam hawl peng ding asi ko.Credit-Salai Z T Lian
Mino 18 Hna Cu SAC Ralhrang Nih An Mah Pakhat Cio In Thihdan Le Thihhlanlo Thongdan An Pek Hna
Yangon ah mino 11 thih hlan lo thongdan an pek hna i minung 7 hna cu thihdan an pek hna hnu cu Myo Okkalapa sianginn cachimtu sayamah thahnak ah an tlaih mi minung pali hna zong thihdan an pek hna tiah theih a si.
Yangon ranthen chungah an tlaih mi hna minung 18 hna cu an hmuh an zoh piak hna i pakhat cio in thihdan le thihhlanlo thongdan an pek hna tiah thawng theih a si.
Dan an pek mi mino hna cu Hlantaya, Kyi Myint Tan, Dagon Seihkam, Myo Okkala hna ah a um mi an si tiah theih a si. Mino 18 hna lah ah minung 11 hna cu thihhlanlo thong dan an pek hna i, minung 7 hna cu thihdan an pek hna tiah theih a si.
Thihhlanlo thongdan an pek mi mino hna cu Hlantaya Yaungkyi Police sakhan an kahdoh, Khuauk Bawi zung cu bomb in an kahdoh, hriamnam an thuh, Tlangcung hriammtlai hna sinah tintan an kai , dohthlennak a tuah mi pawl he aa pehtlai mi an si tiin SAC ralhtrang nih an ti hna.
Thihdan an pek mi hna minung pa 7 hna cu Hlantaya le Myo Okkala ah a um mi an si i mah chungah minung pathum hna cu khuauk bawi meithal in an kahthah, a tang mi minung pali hna cu Myo Okkalapa sianginn cachim tu an kah thah tiin SAC ralhrang nih an ti hna. Mah thihdan an pek mi hna lakah nu mino pakhat zong aa tel ve tiah theih a si
Leave a Reply