Apoi Ko, Hakha Khuasa Pawl Cu Ralhrang Nih Inn An Chuh Thluahmah Cang Hna
Hakha ah SAC Ralhrang nih Inn 2 an Hrenhpiak Than Hna. Nizaan March 22, Hakha khua ah SAC ralhrang nih inn 2 an hrenhpiak tthan hna, tiah thawng kan theih. Pyidawtha sang ah a ummi inn khat le Dawrthar sang a ummi inn khat an hrenhpiak hna hi a si.
Catar an ttialmi ah, “Hi inn ah hin ralhrang pakhat caankarlak dornak nawl an pek caah ralhrang dohkalhnak upadi pohma 52 ning in inn ngeitu dantat a si lai i, pohma 56 ning in hi inn hi chuh a si,” tiah an ttial. Nizaan tihni March 21 zong ah Hakha, Dawrhlun sang ah inn pahnih an hrenhpiak cang hna. Credit: The Chin Journal
Hakha Lautu Tipil Khrihfabu Biakinn ah mic cu February thla ah pathum an kan fir piak.
Mic lo cun a si khawh lo caah March 21 chunah a thar pahnih kan cawk than.Kan hmang manh hlan cu ni zanlei sangah Bizu tawh le store room tawh vialte an hrawh dih i mic thar cu a hri he an lak.Pulpit mic zong an kan hrawkpiak.Kan miphun ah Biakinn thilri hna Pathian tihzah loin a fir mi kan um cu poi ngai kan ti.
Khrihfabu le pumpak nan sinah a phan ahcun thawng kan thanh hram u law hi mic hi tuzarh Sunday hlan kan sin a phak than khawh nakhnga thlacam kan bawm cio hram ko u. Hi a firtu zong hmai lei a fir duh ti nak hnga lo Bawipa nih sersiam ko seh.Hakha khuachung Biakinn vialte Pathian nih kan ven piak ko seh. Pehtlaihnak, 09252401316, 09259793231, Joseph Pengdua facebook page tialmi .
Chin state Halkha khualipi Dawrhlun sang ah Pu Ca Kio inn ralhrang nih an chuh tiah theih a si.
Chin state Halkha khualipi Dawrhlun sang ah Pu Ca Kio inn ralhrang nih an chuh tiah theih a si.
Ralhrang nih Inn chuh,ramh ,inn khangh duah piak lai phan ruangah daite i umter ziar khi sual hmanhah sual pit a si.Dr Hre Kio nih” daite um hi sual a si” a ti,achim duhmi cu, sualnak a tuah mi, do duh lo kha achim duhmi si.Ralhrang hi sualpit a tuahmi an si.
Cu lakah kan myo khuapi ah sianginn kai ter huar,kan Khuapi thanchonak caah ralhrang tender pali nga riantuan ter huar mem,mah pawl kha Dr Hre Kio bia he aa kalh.
Na kuaih,na lunghrinh si cun,nan myo,khuapi tthanchonak caah ralhrang tender riantuan tuan in Nan khua peng min hrambunh companies pa li nga an min tiang kan langher khawh. Crd- Salai William HC
Miphun Cihmih Thahnawnak A Tuah Ko Tiah US Nih A Thanhmi Cu SAC Nih A Cohlang Duh Lo. Rohingya miphun cung ah Myanmar ralkap nih miphun cihmih thahnawnnak a tuah, tiah US Cozah nih a thanhmi cu SAC nih a dohdal i March 22 ah SAC Foreign Ministry nih dohdalnak cathanh a chuah colh ve.
US Foreign Minister Antonio Blinken nih cun March 21 i Washington DC ah tuahmi Rohingya pawl thahnawn a tonnak kong ceihkhannak ah ‘Myanmar ralkap nih Rohingya miphun cung ah miphun cihmih thahnawnnak a tuah ko,’ tiah a thanh.
2017 kum ah Rakhine ramkulh chaklei ah Myanmar ralkap hna nih Rohingya miphun hna cung ah miphun cihmih thahnawnnak le Nuhrin covo buarnak (Crimes against Humanity) a tuah, tiah Antonio Blinken nih cun a thanh i, hihi a dikmi le kap ngei lo thawngpang le Human Rights pawl kan i chirhchan pinah US Foreign Ministry zong nih ṭha tein kan hlathlai hnu ah bia kan khiah mi si, tiah a chim chih.
SAC Foreign Ministry nih cun, “Myanmar ram cu Miphun cihmih thahnawnak ‘Genocide’ a dohtu UN ah member kan si bang in hi bantuk thil hi kan tuah lo,” tiah an cathanh ah an ṭial.
Hi US nih Myanmar ralkap kong ah a thanhmi hi Bangladesh ram Home Affairs Minister Asaduzzaman Khan nih a dirpi i Bangladesh ram um mi Rohingya kong ah a cawlcangmi mino hna zong nih an cohlan i US nih Myanmar cung ah dantatnak faak deuh pek ding zong in a nawl.
Ukraine Ram Donbas Ah Hngakchia Minung 2000 Leng Russia Ralkap Hna Nih An I Kal Pi Hna
Donbas ah hngakchia pawl cu Russia ralkap hna nih an tlaih hna tiah Ukraine nih March hla ni 22 ah a chim. Ukraine Ramkhel vuanci zung i langhter ning ah cun Donbas ah hngakchia minung 2389 cu phungning loin Russia ralkap hna nih Russia ram ah an kuat hna tiah theih a si.
2014 Russia le Ukraine kahdohnak a chuah hnu ah Ukraine ram ah a um mi Donbas cu Russia nih a herh mi Ukraine in chuah a duh mi an si. Cun Donetsk and Luhanz hna zong luannak a hmu mi an si nak kong cu Putin nih a chim hnu ah mah hna khua hna cu a tu ah bitak tein buaipi mi an si.
Mah ka hmun cu Russia uknak tangah an um mi Putin nih sakhan sernak nawl zong a pek hna tiah theih a si. Russia nih Ukraine kahdohnak chungah Russia ahmutinh cu hngakchia pawl hi an ti tiah theih a si. A luancia mi chung ah khan hngakchia pawl an i dor nak hmun Theater zung cu Russia nih hriamnam ngan in a kah tiah Ukraine nih a rak chim. Nain Russia nih Ukraine hi ka doh mi si loin Special Operations ka tuah mi a si tiah a chim i,
Russia nih Khuami le rammi pawl hmuitinh in ka do hna lo tiah a chim. A sinain Kyiv khuapi ah a um mi thilcawknak centre pakhat ah hriamnam an thuh caah Dungci in ka kah tiah a rak ti. Mariupol khuapi cu nan thlah a si ah cun mah khuapi ah a um mi khuami pawl cu an himnak hmun ah thialnak nawl kan pek hna lai tiah a ti ko nain Ukraine nih a duh lo tiah theih a si.
Leave a Reply