Breaking News : Hakha ah SAC Ralhrang nih Minung 4 an Tlaih Hna

Nihin zinglei sml. 9:00 hrawng ah Hakha, Golf Club pawng ah SAC ralhrang nih minung 4 an tlaih hna, tiah thawng kan theih.

Golf Club sang um Pi Ngun Za Tling (kum 18) te inn cu SAC ralhrang nih an luh hnawh i Pi Ngun Za Tling telh in minung 4 an tlaih hna.

Ralhrang nih Pi Ngun Za Tling hi a phone an check hnu ah an tlaih, tiah minung pakhat nih The Chin Journal ah a chim.

A dang minung pathum hi an tlaih hnanak hmun le zei ruang ah an tlaih hna timi theih a si lo.

Minung 4 kan tlaih hna tiah Hakha palik nih pastorte thawng an thanh hna i, an luat tthan nakhnga pastorte nih palik pawl bia an ruah hna lio a si. Cred : The Chin Journal

Relchap : May 28, 11:15 hrawng Hakha Auto Zung chak (BEHS No. 4 pawng) ah SAC ralkap pawl an vak i minung aa chawk mi an dawi hna, pakhat an tlaih, tiah kan theih.

“Motorcycle zong pakhat an lak i motor chung ah an khin. Cun minung pakhat zong an kalpi,” tiah a hmutu pakhat nih The Hakha Times ah a chim.