R.I.P. Celhdingah a ttha ti lo e, Tuni zinglei sang suimilam 11:30 hrawng ah Magwe ramthen, Gangaw peng ah SAC ralhrang le mipi kan ralkap PDF hna karah kahdohnak a chuak i mipi kan ralkap lei in minung 7 nih ram le miphun caah an nunnak an peek than e. Cu pinah Ak 47 zuun thum, Ak 47 kuan bawm pahnih, Ak 47 kuan 96 , kut in tuah mi 40 mam pawl, ralkap thuam le hraimnam dang an laak piak chap hna tiah theih a si.
Hi kong he pehtlai in SAC ralhrang nih thawngthahnak an tuah ning ah cun, ” Tuni zeilei sang suimilam 11:30 hrawngah Magwe ramthen, Gangaw peng chungah Tatmadaw ralkap hmunhma thianhhlimhnak a tuah mi humhimtu phu cu Gangaw pengkulh, Pyinta khua pawgah Tatmadaw ralkap le PDF karah kahdohnak a chuak i PDF minung pa 7 an thah hna pinah Ak 47 zuun thum, Ak 47 kuan bawm pahnih, Ak 47 kuan 96 , kut in tuah mi 40 mam pawl, ralkap thuam le hraimnam dang an laak piak chap hna” tiah thanhnak a tuah.
Kum khat chung in Military council lei ralkap hna hi minung 14,890 leng thi cang in minung 4814 nih hrimhma an ngei tiah NUG nih an thanh,Kum khat chung in military council ralkap 14,890 leng thi in ralkap 4814 hna nih hriamhma an ngei tiah NUG nih atu bantuk in Media ah report pe kasi mi cu an thanh ve fawn, Kum 2021 June1 in May 17 tiang in, ram pumpi hmun dang dang hna ah idoh/kah nak achuak mi asi, mahi doh kahnak ah Military council lei ralkap 14,890 leng thi cang in, ralkap 4814 nih hriamhma an ngei cang kong cu, National Unity Government (NUG)-cathanh an tuah mi thawng anrak than khi asi.Mah cathanh an tuah mi nih an tarlan ning ah cun, ahmun ah athi taktak mi hna an si, mah nak in athi mi hi an tam ko lai tiah an zumh, mah pin ah nikhat chung ah hliamhma ngei mi hmanh hi ralkap 35 an um tawn tiah tarlan asi,
Nawlngeihnak laktu Ralhrang pawl nih mipi hna cu hriamnam le thazang hmang in, aphunphun in tlaih le thah an ton ve caah, mipi lei zong nih mah le mah ivennak ding le mipi vennak ding ah (rights) hmang in mipi defensive war cu kalpi cuahmah lio khi asi.Irrawaddy tiva ah Ralhrang Lawng 3 cu Kata khua in chak lei ah ralhrang pawl ration pek ding in an kai lio ah, Lawng 3 hna cu PDF hna nih anrak kah khi asi, Lang 3 chung ah pakhat cu PDF hna nih an kah chiat piak tiah cathanh tuah nak ah an langhter mi asi,
May 25 zan lei Suimilam 2:30 pm hrawng ah Kata cung lei Wai Gyi khua le Tanphaya Kong khua karlak kal mi cu, PDF hruaitu Ta Lika nih achim ning ah shock rocket H-22 hmang in vawi 7 an kap tiah ati.Mah ralhrang Lwang 3 hna chung ah pakhat cu anrak kap fuh khi asi, Engine achiat cawlh ruang ah an kal khawh ti lo tiin KPDF lei nih atu bantuk in an thanh mi asi, Mah Lawng an kah piak mi cu, Moe Taa Lay lawngdin nak hmun ah chiah asi, cu bantuk thiamthiam in zing lei suimilam 8:00Am hrawng ah, mah lawng security alatu pawl, tiva pawng ah um mi ralhrang 100 leng cu, Kata cung lei Moe Taa Lay khua pawng ah mipi venhimtu PDF hna he faktuk in an ikap hna fawn khi asi, mah an ikah nak ah cun military council lei nih meithal pi he an kap ve peng khi asi, minute 30 hrawng an ikah hnu ah PDF lei nih himte in an kir tak tiah theih asi.
China le Russia vavlawng hna nih airspace naite ah an kalter ruang ah South Korea le Japan nih rianrang in fighter jet an kalter cawlh,South Korea ralkap hna nih cun May 24 ah khan China le Russia raldoh vanlawng 4 hna nih, air defence checkpoint-ah alut tiah an theih bak in, rianrang in fighter jet an kalter cawlh tiah an chim, Japan Defence Minister Nobuoki Shi nih Tokyo acoyah nih cun, ram pali hruaitu hna anrak dawn lio ah, China le Russia raldohnak vanlawng Fighter Jet hna cu, an airspace-ah an kalter lio asi fawn, mahruang cun fighter jet hna an duty ter cang fawn khi asi tiah news report ah langhter asi.
China le Russia vanlawng hna hi Japan le South Korea chak lei Rilipi hmun ah hin vawi tampi an lut cang tiah South Korea defence lei nih atu in anrak thanh mi asi, atu bantuk in mah ram pahnih hna thil tuah mi hi International Upadi buarnak asi pin ah, ram 4 Leader hna atu bantuk itonnak ngeih lio ah China le Russia an thil tuah mi hi, ral doh le akan neknak thil tuah asi tiah Japan Defence lei nih atu bantuk in achim than mi asi.Moscow nih South Korea lei nih an chim mi hmunhma hna hi Beijing nih aho ta hmanh asi lo caah zalong tein kan lut kan chuak khawh tiin achim,
China news ah an langhter than mi cu, China le Russia vanlawng hna hi Japan, South China sea le Pacific sea hnulei hna ah duty ding ah kalter mi asi tiah ati, atu bantuk kan tuah mi hi ram pahnih hna nih kum chiar kanrak tuah tawn mi asi tiin report ah alanghter ve fawn khi asi.Quad ram pali hna meeting tuahnak ah a tel mi hna cu US, India, Japan, Australia hna an si, an ceih bik mi cu Rusia le Ukraine kong ah bawmnak kong, Myanmar Military hna faknawn in nawlnak tuah, vawlei Economy aniam lei panh cuah mah mi sersiam thar ding kong hna ceih an sit e lai khi asi, Taiwan hi China nih athuat lai lo tiah chim thiam ahar ngai cang fawn, mah kong hna he peh tlai in thil tampi an ceih hna ding ah ruah asi.
Maytaw Palik Camp PDF Nih An Kah, Palik 3 An Thi Magway ramṭhen, Yesagyo peng Maytaw palik camp cu May 23 ah Camp Commander(စခန်းမှူး) a um le um lo phone kan chawnh hna i, MGN Tiger phu nih kan va kah hna caah palik 3 an thi, 2 hliamhma an pu tiah MGN Tiger nih cathanh an chuah.Camp Commander pa kan chawnh i keimah ka si lo tiah aa pheh, Camp in a chuahlei kan bawh ko nain kan tanh manh ti lo. Bazar kaimi palik 7 tu kan kah hna i 3 an thi, 2 hliamhma an pu,” tiah MGN Tiger phu nih social media an an langhter. Cu kahdohnak ah MGN-Tiger ၊YSO.I S A, Bagan Nyaung Oo PDF le Black Wolf PDF -Mdy ṭangṭi phu hna i bawm in an kah hna. G 3 meithal zun 2, G 3 kuan 35, kutcheh bomb lung 1, phone 2 le tangka kyats 31,450 kan chuh hna, tiah MGN Tiger phu nih cathanh an chuah.
Leave a Reply