Breaking News; Cu tluk in thawngpang a vun that khawh cu dah!!

Momauk Peng, Lungjabuam Kahdohnak Ah SAC Ralkap 81 An Thi!!
=====================
Kachin ramkulh, Momauk peng Lungjabuam(လုံဂျာဘွမ်) tlang ah SAC ralkap le KIA, PDF phufonh kar ah kahdohnak fakngai in a chuak i, SAC ralkap lei in a tlawmbik minung 81 an thi tiah KIA nih fehternak he an chim. October 29, kahdohnak ah a thimi le aa hliam mi an tamtuk caah, raltuknak vanlawng hmang in bomb thlaknak le hriamngan hmannak SAC ralkap lei nih an tuah caah tualchung mi pakhat nih hliamhma a tuar tiah theih a si.

May be an image of 1 person

October 29, zinglei ah SAC ralkap raltuknak vanlawng nih Lungjabuam(လုံဂျာဘွမ်) tlang cu pehtlai in kahdohnak a tuah, hriamngan hmang in chun ni tlak kahdohnak a tuah caah kaphnih kar ah fakngai in kahdohnak a chuah hi a si tiah theih a si. Crd-The Chin Post

May be an image of 1 person

RELCHAP, Yesakyo Peng Ah SAC Ralkap Nih Nikhat Chung Ah Inn 230 Leng An Khangh Piak Hna, Magway ramthen, Yesagyo peng khua li ah SAC ralkap hna nih nikhat chung ah tualchung mi umnak inn 230 leng an khangh piak hna tiah Yesakyo peng tualchung hriamthlai phu pah-kah-phah in tuanvo ngei tu ralkap Wai Kyi nih a chim.

SAC ralkap hna nih cun nizaan October 29, zinglei in khuachung mipi umnak inn khangh hram an thawk i, Maymahlan khua inn 53, Saitae khua inn 42, Tanpiachaung khua inn 75 le Khansattaw khua inn 63 tiin inn 233 an khangh tiah a chim.

“Zingka tein inn khangh ah an i thawh, khuachung inn an khangh ah hin kahdohnak a um rih lo, Saitae le Tanpiachaung khua an khangh i an chuah lei ah kahdohnak a chuak, cu hnuah khuadang zong an khangh than” tiah PDF Wai Kyi nih a chim. Khuachung inn khangtu SAC ralkap hi minung thazaang 80 leng hrawng an si, Yesagyo peng hrambunh khah-lah-yiah 256, khah-lah-yiah 257, khah-lah-yiah 258 in a rak ra mi ralkap an si tiah theih a si.

India, Mizoram Ah “Matauk Mihtaw Moe Kha Ye” Flim Hmuhsaknak An Tuah, Rupee Sing Khat Le Cheu Leng An Hmuh, India, Mizoram ramkulh Aizawl ah director Ko Pauk nih a thlakmi “Matauk Mihtaw Moe Kha Ye”( မသောက်မိသောမိုးခါးရေ) flim hmuhsaknak cu October 29 ah an tuah i a zohtu minung 500 hrawng an si caah tickets man le phaisa hlut mi in hmuhmi dihlak hi Rupee 171,000 a si tiah theih a si.

Flim hmuhsaknak a tlamtlin khawhnak ding ca tawlrelnak ah rupee 51,100 a dih i, a taangmi rupee 119,900( Myanmar phaisa in sing 30ks hrawng) cu “Matauk Mihtaw Moe Kha Ye”( မသောက်မိသောမိုးခါးရေ) flim tawlreltu phu sin ah an ap lai tiah theih a si.

Chin Ramkulh, Rihkhuadar Ah Minutes 4 Hrawng SAC Ralkap Helicopter A Tum, India-Myanmar ramri Rihkhuadar no.1 sang ah a um mi SAC ralkap sakhan ah nihin October 30, zinglei suimilam 11:30 ah SAC ralkap helicopter pakhat a tum tiah theih a si.

Cu helicopter cu a tum minutes 4 hrawng a rauh hnu ah Falam lei ah a zuang than tiah tualchung mi hna nih an chim. A luancia nithum lio ah no.2 sang tlangbo um SAC ralkap hna cu khuachung an tum lio lampi ah bomb an i lamhsual caah minung 4 nih hliamhma an tuar i sizung ah an kalpi hna tiah theih a si.

Kalaymyo, Taungzalet veng 10 hmun, October 30 zingka ah min hngalh lomi pa pakhat ruak hmuh a si. A chungkhat nih an rak rathnawh bak in ruak vuinak tuah colh a si lai tiah thawngtheih a si. Crd-The Chin Post

Be the first to comment

Leave a Reply

Your email address will not be published.


*