BREAKING NEWS, CNDF Ka Ta Far Lete Nih Thawngttha Kho Taktak Bak An Kan Phorh E!

CNDF nih ralhrang i an i kahnak an langhtermi ralhrang 70 leng an thah hna

Chinram kulh chung Falam in hakha ah a rak kaimi ralhrang mawtaw 22 le raltuknak tank 2 cu mipi ralkap le miphun ralkap phufonh CNDF, CNA le CDF hna ttanghtti in February ni 28 ni ah khan Falam, Lungrang sang le Taal khua kar ah mind (hmenhmi bom) hmangin kan doh hna i ralhrang 11 hrawng an thi.

Thawngpang Thar : PDF Kalay Le CNDF Falam Tangti In Ralhrang An Do Cuahmah Cang. - THE BAWINU JOURNAL

Cun March ni 2 ah khan mipi ralkap le miphun ralkap hna i fonh tthiam tthiam in Falam peng Taal khua le Tlangzar karlak ah mine tthiam tthiam in bom an puah hnawh hna i ralhrang 30 renglo an thi tthan.

May be an image of 1 person, standing and sky

March ni 3 zongah khan mipi vengtu phu hna le miphun ralkap tthiam tthiam i fonh in Chin ramkulh Falam peng tthiam tthiam asi mi Ramthlo khua le DOkthek khualak ah min bom in an doh tthan hna i ralhrang 20 renglo an thi tthan.

May be an image of 1 person, standing and outdoors

Hi i kahdohnak hna ah hin CNDF lei in minung pakhat an tlaih i thilak an hrem, cun pakhat meithal kuan nih a khen asinain a nih hi cu thinphan ding um lo.

May be an image of 1 person, sky and mountain

Cun ral tuk tti hawi miphun ralkap CNA minung 3 hna nih ram le miphun caah an nunnak an pek tiah an langhter.

No photo description available.

Thailand Mino 2000 Leng Nih Ukraine Bomh Dingah Min An Pek

Russia le Ukraine an i doh lio pi ah Thailand mino 2000 leng nih cun Democracy duhnak langhter in Ukraine bomh in Russia ralkap pawl doh pi dingah Bangkok um Ukraine Embassy ah an min an i pee tiah theih a si.

Ukraine bomh dingin Thailand miralttha pawl hna lak ah Thailand ram cung lei ralkap hlun minung pakhat aa tel ve tiah theih a si. Cheukhat nih online in an min an i pee tiah theih a si i, cheukhat cu Ukraine Embassy ah va kal in hmaitonh in an min an i pe tiah theih a si. Hmaitonh in a min aa pee mi hna lak ah Thailand cunglei ralbawi hlun Hanaphong Phongpai zong aa tel ve tiah theih a si.

Hanaphong Phongpai ” Ukraine nih cun Russia an do. Doh dingah Ukraine mipi cu zalonnak Democracy a duh tu an si. Kan nih Thiland mi zong Democracy duhtu kan si bangin Ukraine ram caah zei dah ka tuah kho timi hi ka ruat theu ton.

Cu ruangah cun Democracy duhnak langhter nak caah raldo bawmh khawh dingah min ka pek. Russia nih Ukraine a doh mi hi a dik lo tiin ka hmuh. Aa thawk kaa in ralkap hmunhma lawngah doh dingin an chim nain, a tu ah cun Russia nih Ukraine mipi zawn ruat ti lo in,

Sii-inn le sianginn hna zong bom in an kah. Hi ruangah hin Ukraine bomh dingin bomhduh chanhnak ka ngeih hi a si. Thih na tih lo maw tiin an kan ti a sinain thih hi ka tih ve ko. Decemoracy a khel ding kan si.

Ukraine mipi sinah Chim ka duh mi cu nan mah lawng si lo in mi tampi nan lei ah kan um. Vawleipi hna nih kan i philh hna lai lo i Nan mah bomh duh ah mi tampi kan um. Kan mah cu super power ngei kan si lo nain Kan i bomh hna i tangrualti nak kan ngei hna lai.

Nan mah bomh dingin kan i zuam cio cio hna lai i, rak kan hngak rih hram ko uh” tiah a chim. Bangkok hrambunh Ukraine Embassy palai nih ” Ukraine bomh duh ah min a pe mi pawl cu raltuk cawnnak ngei le ngeih lo ding timi cu thawngfiang tein theih nak dingah Email in chawnhbaik khawh a si ” tiah a chim.

Be the first to comment

Leave a Reply

Your email address will not be published.


*