Breaking News; Chin mi nih tuanbia thar kan tial hoi e!!

Rev. Thian Lian Sang Cu SAC Nih Rianhrang Ṭuan Ding Le Thong Kum 23 Thlak Ding In Bia An Khiahpiak
===========
Mandalay Falam Baptist Church ah Senior a ṭuanmi Rev. Thian Lian Sang cu, SAC nih nizan December 7 ah rianhrang ṭuan ding le thong kum 20 leng thlak ding in bia an khiahpiak, tiah theih a si.

Rev. Thian Lian Sang cu a luancia 2021 September 16 ah Mandalay a inn ah SAC ralkap nih an rak tlaih i, 2022 June 15 ah 505(a) in rianhrang le thong 3 thlak ding in biaceih zung nih bia an rak khiahpiak hnuah December 7 ah section 49(a) in rianhrang ṭuan ding le thong kum 20 thlak ding in bia an khiapiak.

A dihlak ah thong kum 23 a tla ding a si, tiah a chungkhar hna sinin theih a si. Kum 42 a simi Rev. Thian Lian Sang cu Khrihfa biaknak he aa kalh in ramkhel rian a ṭuanmi a si lo pinah sifak santlai lo tlangcung mi zong ngandamnak lei a zohkhenhtu pakhat a si, tiah theih a si.

A luancia 2021 September 16 ah SAC ralkap nih Rev. Thian Lian Sang cu a inn ah uniform i hruk loin meithal he an rak tlaih i tangka kyats sing 40 zong an rak lakpiak, tiah theih a si. Rev. Thian Lian Sang cu Mandalay Ubu thonginn ah an chiah i nizan December 7 ah kan ton, a ngan zong a dam ko, tiah a chungkhar pakhat nih a chim. Crd-TCP

TIME magazine nih kum khat voi khat an thimmi ”TIME’s Person of the Year” cu 2022 ca ah Ukraine president Volodymyr Zelensky thim a si. Russia nih Ukraine ram cu February 24 thok in a rak luh hnawh i president Zelensky nih a ralkap le a mipi hna sin ah um in an ral a si mi Russia cu an doh hna. A caan ah cun ral ram hmailei ah hmuh tawn a si.

Thantlang Peng Khuate Cheukhat Ah Christmas Tuah Kong Ah Lungawtawm In An Um!, Chinland, Thantlang peng khuate hna ah tukum Christmas le Kumthar tuah le tuah lo kong ah lungawtawm in an um hna, tiah kan theih.

“Tukum cu dohthlennak a si bantuk in Christmas le Kumthar hi tuah ngam dawh kan si lo, Nai Kachin bomb a thlak hna hnu khan cun khuami tampi zong nih tuah hi an ngamhtuk lo SAC nih Jet Figter in bomb thlak lai hi kan phang , cucaah a caan si ning zoh in tuah ding in bia kan khiah, tiah Thantlang peng Pastor pakhat nih The Chin Post ah a kan chimh.

YOUNG LAI ASSOCIATION, SUB-HEADQUARTERS:SANGAU, ZAPI SIN THEIHTERNAK Young Lai Association, Sub-Headquarters:Sangau Executive Committee Meeting Dt. 5.12.2022 ni i tuahmi nih cun atang i kan vun ṭial bantuk hin biaceih khuakhannak a ngei i, Branch YLA kip nih kan rak pehzulh cio awk le mizapi zong nih nawlngai in nan rak kan pekzulh piak cio naklai zaangfah kan in nawl hna.

Christmas le Kumthar lawmhnak caan chung zong ah thingphang thinlau lo te le siarem tein caan kan hman khawh cio nakhnga hopoah nih hi nawlnak hi nan kan hnathlakpi cio naklai kan in nawl fawn hna.

1) Christmas Le Kumthar Lawmhnak Caan Chung I Umkalning Ding :, i) Christmas le Kumthar lawmhnak caan chung ah Rithaisi le Zu ruang i tlaihkhih kan ton a si ahcun cuhlan nak i fak in dantat le chimhhrin kan si lai., ii) YLA Sub-Hqrs:Sangau pengchung Branch kip ah Christmas le kumthar lawmhnak caan chung hin Branch kip nih a remnak hmunhma ah Duty post an tuah lai.

iii) Hi Duty Post ahhin Branch YLA kip nih anmah le siarem ning in a tam khawhchung an duty lai i, khuachung ah buaibainak le hnahnawhnak a tlun lo nakhnga anmah le tuah khawh cio in thazaang an chuah lai., iv) Branch YLA hna nih hin kumdang nak i strick in duty an kalpi lai.

v) Christmas le Kumthar lawmhnak caan chung ah puak kho thil paohpaoh le meithal lem – Bomb, Halpuah, Rocket, Any Fireworks etc. zuar, hman le duah (puah) sian a si lo i, a zuarmi le rak puahmi tlaihkhih nih kan ton ah cun a herhning in Branch YLA/SYLA nih a fak khawhchung in dan an in tat hna lai.

vi) Branch YLA/SRDP nih Zu/Rithaisi a tlaih maw Rit ruang i buaibainak a tuahmi a hmuh a si ahcun a fak khawhchung chimhhrin an si lai.
vii) A hlanpi in thawng kan rak i thanh peng cang bantukin Sangau pengchung ah Bike (125&Any Bike), Any Motor Vehicle phungning lo in khalh le midang caah hnahnawk in khalh sian a si lo ti kha fak in zapi kan in nawl in kan in theihter ṭhan hna i, Kumtling lo ngakchia zong nih Motor maw Bike a khalh lio hmuh le tlaih kan si ahcun a herhning in YLA nih dan a kan tat lai.

2) Saisihchuah Lampi Kongkau : YLA Sub-Hqrs:Sangau nih cun Saisihchuah Lampi cawh lan a si khawh nakhnga a ṭulherhning in hma a lak lai i, cawh a si hnu zong ah a herhningin a zohfel peng fawn lai. Cupin ah Media lei zong ah Press Release a tuah fawn lai.

3) Ceuva Humhak Kongkau : Ceuva hi YLA : Sub-Hqrs:Sangau nih cun a humhak peng rih ti kha zapi kan in theihter ṭhan hna i, nai hrawng ah YLA nih a sian lomi thil Nga tlaihnak ah a hmangmi kan um pah ti thawng hna theih a si tik ah poi kan ti taktak! Cucaah cun zaangfahnak in YLA nih a sian lomi hmangin Nga tlai ti lo hram ding in zapi kan in nawl ṭhan hna i, tlaihkhih kan ton maw nawl kan buar ti thawng theih a si ahcun a fak khawhchung dantat kan si lai.

SAC Check Gate Bomb A Puak Palik(1) A Thi Hliam An Tuar An Um, Yangon ramthen Mingaladung Khayepin No(3) lamton i a um mi chekgate cu nihin december 8 zing Sml 10 hrawng ah bomb a puak i, SAC ralkap (3) / Palik(3) / le Motor PK (2) hliam an tuar i Motor PK pakhat a thi tiah theih a si.

Hi checkgate hi motor kal chukcho pawl sin i phaisa hal an thawn nak le Cycle chuh an hman nak check gate a si tiah tualchung mi nih an chim. Cu ve bantuk in zahan Dec -7 zaan Sml 8 hrawng ah Mingaladung palik sakhan cu UMCD phu le KMD18 phu nih lamhlat in control mi bomb in an puah hna i a thi le ai hliam mi zat bel theih a si rih lo nak an thanh.

Yangon khuapi chung hmunhma kip ah December thla chung ah puahkeh nak ni fatin in a um na in hliamtuar zualhma mi bel an um theih a si rih lo tiah tualchung mi nih an chim.

Be the first to comment

Leave a Reply

Your email address will not be published.


*