Breaking News; Chin mi nih ngaihchiatnak fak tuk in kan tong e!!

India Ram Lung Rianṭuannak Hmun A Cimh Ruangah Hakha Peng Mi Pakhat A Nunnak A Liam
===========
India ram, Mizoram , Saiyan pengkomh Sihhmui khua khuasa ,Hakha peng mi Pu Zo Te(kum 45) cu, min nih a cimhhnawh caah a nunnak a liam. A ruak cu nizan November 30 zing sml 11:00 ah an char, tiah theih a si.

Pu Zo Te cu Sihhmui khua ah inn hlan in amah lawng a ummi a si i lung rianṭiannak zong ah amah te lawng in a ṭuanmi a si, tiah theih a si.

A luancia ni 4 hrawng in Pu Zo Te cu an hmu ti lo i inn ngeitu hna nih an lunghrinh caah an khua YMA hruaitu an va chimh hna , mino nih lung rianṭuannak hmun vawlei an hlai i a ruak le a rianṭuannak thilri he an char, tiah theih a si.

Pu Zo Te ruak cu sii-inn ah an kalpi i siibawi te nih khuaihlainak an ngeih hnuah an vui, tiah theih a si. Crd-The Chin Post

Karen ramkulh, Kyainnsaitkyi ah SAC ralkap kuttang um khah-lah-yiah 284 in ralkap pakhat cu KNLA sin ah a hriamthil he CDM a tuah tiah tualchung hriamtlai Nagani phu nih cathanh an chuah. Khah-lah-yiah 284 in SAC ralkap Sat Paing Htun cu December 1, chun suimilam 12:00 hrawng ah Nagani ṭat-khuai 2 le KNLA battalion 17 ṭat-khuai 2 sin ah a hriamthil he CDM a tuah tiah theih a si.

CDM a tuahtu Sat Paing Htun cu a herhmi thilpuan hmanding le bawmhnak kan pek tiah an thanhmi ah an langhter. Nagani ṭat-khuai 2 le KNLA battalion 17, ṭat-khuai 2 sin ah CDM tuahtu ralkap 10 leng an si cang tiah an langhter.MOU in Thailand ah phungning tein riantuan ding ah a kalmi Myanmar mi 3 cu an i tinhnak hmun an phanhlan lam tanțim ah an motor aa leh caah an nunnak a liam tiah theih a si.

Nunnak liammi 3 hna cu Shan ramkulh Pinlung peng Htiyun khua ah ummi Khun Han Aung(kum 19) le a rianțuan hawi minung 2 an si tiah theih a si. Ramchung buaibainak ruang ah le thilman an kai, hartong an tam i rianțuan ding a har caah ramleng kal ding in MOU system hmang in phaisa tampi dih in ruahchannak tampi he November 29 ah Pa Khun Han Aung telh in Myanmar rammi mining 45 cu khualtlawng motor he zaan ah an chuak hna tiah theih a si.

An i tinhnak hmun an phak hlan lam tanțim Mesauk-Bangkok lampi km 68 hmun pawng an phanh ah motor in cangsual an ton caah Khun Hai Aung telh in Myanmar mi 3 an nunnak a liam i, midang Myanmar mi hna zong hliamhma an tuar hna tiah theih a si.

Mandalay ramṭhen, Mataya pengchung ah SAC ralkap nih an hriamthil le an zenkuan a thli in an phurhnak htawlakyi pakhat cu Natsoe underground dohthlengtu phu nih an tlaih tiah theih a si. Mataya peng Myaung U khua le Kyatpin khua kar Ngoatpyun(ငုတ်ပြွန်) khua pawng ah November 30, zinglei suimilam 7:00 hrawng ah checkhlatnak kan tuah i kuanfang, SAC ralkap hmat-pung-ṭin le passport hna kan tlaih chih tiah Natsoe underground phu chungtel pakhat nih a chim.

Htawlakyi khaltu nih cun ”SAC ralkap nih an hmanrua ah an ka tlaih” tiah a chim, ”a tutiang motor khaltu cu checkhlatnak kan tuah i kan hren chung, a mah nunnak le humhimnak ding caah a sining kong fianghlang in kan chim kho rih lailo , tlaih a tonnak pawng ah SAC ralkap nih umhmun an khuar i cu ka lei ah cun an thilri cu an phorhter” tiah Natsoe Underground phu nih an chim.

India ram, Mizoram , Saiyan pengkomh Sihhmui khua khuasa ,Hakha peng mi Pu Zo Te(kum 45) cu, min nih a cimhhnawh caah a nunnak a liam. A ruak cu nizan November 30 zing sml 11:00 ah an char, tiah theih a si. Pu Zo Te cu Sihhmui khua ah inn hlan in amah lawng a ummi a si i lung rianṭiannak zong ah amah te lawng in a ṭuanmi a si, tiah theih a si.

A luancia ni 4 hrawng in Pu Zo Te cu an hmu ti lo i inn ngeitu hna nih an lunghrinh caah an khua YMA hruaitu an va chimh hna , mino nih lung rianṭuannak hmun vawlei an hlai i a ruak le a rianṭuannak thilri he an char, tiah theih a si. Pu Zo Te ruak cu sii-inn ah an kalpi i siibawi te nih khuaihlainak an ngeih hnuah an vui, tiah theih a si.

Tuluk le Myanmar ramri ChinShweHaw, Namhpar tlang ah MNDAA le ralhrang karlak ah kahdohnak a chuak i ralhrang lei in a thimi an tam tiah The Kokang nih nihin ah a thanh. A luancia sikpar 27,28, 29 hna ah Kokang, Chinshwehaw, namhpar tlang ummi MNDAA sakhan cu ralhrang hna nih an rak tuk. Cu kahdohnak ah ralhrang lei in rank sang pahnih telh in minung 10 an thi i hliamh tuarmi an tam tiah theih a si.

Cu kahdohnak ah ralhrang lei in battalion commander pakhat hliam a tuar i adang rank sang pahnih telh in minung 10 an thi. An ruak hna cu ralhrang hna nih sulthonglo in an hlonh hna caah MNDAA nih an vui piak hna tiah theih a si. Cu kahdohnak ah Hriamnam le zenkuan hna zong MNDAA nih an lak hna i an i kah hnu sikpar 29 zanlei suimilam 3:00 hrawng ah ralhrang hna cu meter 200 hrawng aa hlatnak ah hnu an tolh tiah theih a si.

Be the first to comment

Leave a Reply

Your email address will not be published.


*