Breaking News; CDF Kan Pasaltha hna sinin thawngpang tha kho taktak bak theih a si hih!!

Tahan ah CDF-KKG nih SAC ralhrang meithal an chuh!!
===========================
Kalaymyo Tahan sang motor lam orh i a um mi SAC gate cu nihin zing Sml-10 hrawng ah Kan ralkap CDF-KKG nih tukdoh ding in an kal hnawh hna i an phu ning in zu a ding lio mi ralhrang hna nih hriamnam ngoltak in an zam caah an hriamthil hna cu fimtawl a si.

Cu hriamthil an fimtawl hnu ah SAC (30) hrawng a si mi rual nih umhmun an i khuarhnak hmun in an rakkah hna caah CDF-KKG nih hnu an tolh tak than hna nak theih a si.

Kaphnih kahdohnak a chuak manh lo na in SAC nih ruahdamh in meithal an thlah caah a pawng kam mipi pakhat a nunnak a liam leng ah hliamtuar an um ti theih a si caah kanlung a tha hrim lo tiah CDF-KKG nih cathanh an chuah.

Paku Yomah chung kahdohnak ah SAC ralhrang hriamthil PDF nih an fimtawl mi a si ko hih.
Ralhrang (20)nak tlawm lo an thi, PDF pathum nih ram le mi phun caah an nun nak an pek tiah theih a si.

SAC Nih UNSC Biachahmi An Cohlang Lo, Kanmah Phunglam Ning Tein Kan Dir Lai An Ti, UNSC nih Dec 21 i Myanmar buainak kongah biachahnak an tuahmi cu SAC an cohlang lo tiah theih a si! “Myanmar buainak hi ramleng daihnak le runvennak a hnorsuang lo i kanmah ramchung buainak lawng a si. Cucaah atu bantukin biachahnak nan tuahmi cu UN Charter he aa kalh tiah SAC ramleng vuanci zung nih Dec 24 ah cathanh an chuah!

“Cu biachahnak ah nuhrin covo kong zong telh a si i UN General Assembly le UN tang nuhrin covo bu meeting ah voi tampi ceihkhanmi a si i UNSC nih hi kongah biachahnak nawl an ngei lo” tiah SAC ramleng vuanci zung cathanh ah an langhter fawn!

Dec 21 ah khan chungtel ram 15 a ummi UNSC nih Myanmar kongah “Suh Kyi le thongtla dang hna chuah ding, mithah lainawnnak ngol ding, mipi duhthimnak (vote) upat piak ding le zalong tein minung hawi zawnruah bawmhnak pek onh ding” tiah biachahnak an tuah.

UNSC chungtel lakah Veto Power a ngeimi ram 5 chungin China le Russia nih SAC dirkamh in bia an chim lomi cu mitampi an i lawm i khatlei ah an khuaruah zong a har!

UNSC Council Biachah Mi Ah Aa Duh Rih Mi A Um Rih , UNSC Meeting cu Chungtel ram 15 nih, 21 December 2022 ah, an tuah. Kawl Ralhrang kong an ceih. Biachahnak 3 an ngeih mi cu Mithah Lainawng nak ngawl ding (Ralhrang si ti lo ding): Pi Suu telin Ramkhel thongtla mi (Hramhram in tlaih mi vialte telin) chuah dih ding: ASEAN Consensus 5 hlawhtlin ter ding ti asi.

Kawlram UN chungtel asinak kum 74 ah chung ah UNSC (United Nations Security Council) nih voikhat nak kawlram kong an ceih mi asi. UNSC chungtel ram 15 nih vote an thlak I Vote 12 in an tei. India, Tuluk le Russia cu vote pek loin Neutral in an um.

MAH bantukin Ralhrang asi ve mi Thai PM Prayut nih Lakhruak ASEAN meeting cu Bangkok ah a kawh hna. Indonesia, Malaysia, Singapore, Philippine cu an kai duh lo. Ralhrang SAC lei in Ramdang Vuanci Wanna Mag lwin, U Ko Ko Hlaing le Dr. Kan Zaw te an sawm hna.

ASEAN Consensus 5 le adang kong an ceih hna. SAC lei nih PDF cu Ralhrang an si caah Hriamnam zuar lo ding le PDF cawk cia mi Hriamnam tlaih piak awk ah an chim hna. Cu lawng ah ASEAN Consensus kan zulh lai tbk in SAC lei nih an chim.

UNSC nih SAC kong bia an ceih a thaizing 22-12-2022 ah an tuah mi ASEAN meeting asi. MAH le SAC nih cu ASEAN nih cozah ah an kan cohlan tiah an I lunghmui ngai.

UNSC nih sualphawt mi an si nain, UN cu Ram pakhat uktu le cozah cung lawng ah sualphawtnak nawl an ngeih caah MAH te kha Cozah na si ko timi he aa lawh caah MAH te SAC cu lawmhnak in an khat.

An biachah mi hi Chiti tello a dang naal asi an ti. UNSC meeting kong he pehtlai in EAOs le INGOs / NGOs / LNGOs / SCO phu 116 nih thanh caa an chuah. Campaign for Burma UK zong an I tel ve.

UNSC biachah mi a zulh lo ahcun a hnu kan zulh lai I dantat asi lai ti mi aa tello. Kawl Ralhrang cu ICC kut ah chanh u tiah kan sawk nak hi kum 2 a liam cang nain UNSC nih nan tuah lo: SAC Hriamnam zuar lo ding le an phaisa phihkarh dih timi zong aa tello.

Vanlawng Zinan le datsi an hmuh khawh lo ding ah tuah timi zong aa tello. Kawlram Ralhrang cu fak piin dantat ding timi zong aa tel fawn lo. Cucaah Tutan UNSC biachahnak cu ASEAN consensus 5 bantukin Dotla lomi asi.

MAH te SAC cung ah dantat nak a tuah khawh lo ding mi asi tiah SCOs phu 116 nih thanhca an chuah. Nuhrin covo phu zong an zai ngai ve. Tutan UNSC meeting ah SAC kong Agenda a lutpi tu cu UK Palai Ms. Barbara Woodward.

UNSC meeting hlan ah Upa hna le China, India, Tuluk le Russia Palai hna cu an I tawn hna. Cu ka ahcun an duh lo mi agenda vialte an hrawk ter hna. Cucaah vote pek lio ah Veto hmang loin dai tein an um hi asi tiah Burma Campaign for UK nih cun an ti.

MAH te SAC a seh khawh ding mi Ho le haa vialte an thlawngh dih hnu ah kawlram Ralhrang kong an ceih pi hna tiah Vawleipi nih sual an phawt len hna.

Tuluk Palai: Kawlram ramchung thil sining asi caah dantat nak kan tuah khawh lai lo. Russia Palai: Kawlram buaibainak cu Vawleipi a hnursuan mi aum lo. Cucaah UNSC nih kan I ceih ding asilo. Anmah tein khuakhan lairel ko hna seh a ti salam ko.

Ralhrang Rallokap lei nih an leh ve mi cu: Cozah ah nan kan cohlan, UNSC biachahnak cu a thawtnam nak aum lo. A ruh lawng te asi. Ralhrang NUG le PDF thazang pektu nan si. SAC le Rallokap kan palh lonak cu Caan nih lairel te seh an ti men I an zei poi lem lo.

Nihin 23rd December 2022 ah NCA phu 7 RCSS, DKBA, KNU / KNLA – PC, LDU, ALP, PNLO, MNSP he Gen. Yar Pyit (SAC) cu tawn biaruahnak an ngei. 2023 thimhnak kong le SAC cu Kawlram cozah asiko ti kha vawleipi kan langhter an ti.

Be the first to comment

Leave a Reply

Your email address will not be published.


*