Amerivan ram Sianginn cheukhat ah meithal in kahdohnak ruang ah Sianginn saya/ma sianghnchakchia an nunnak a liam hi a tlawm ti lo. Pung hman deuh in zei sainginn hna ah, zeibantuk sianginn hna ah zei kum ah dah kahdohnak a chuah timi hi map in siseh sianginn min zong a tang lei bantuk in langhter an si.
Relchap, Pathian Biahalnak Lungsau tein aw, BIA HALNAK, Bible Hi Pathian Bia Taktak A Si Maw? BIA LEHNAK “Hi bialehnak hi Bible kan hmuhning zei dah a si timi langhternak ca ah a biapi tuk, cu pin ah kan nunnak ca ah a biapi tuk fawn. Bible kan hmuhning a dik lo ahcun zungzal kan nunnak ca tiang hmanh in a `ihnungmi a si. Bible hi Pathian bia taktak a si ahcun kan kilkawi a herh, kan theih a herh, cun kan zumh a herh. Bible hi Pathian bia taktak a si kan ti i Bible hi zei hmanh ah kan rel fawn lo ahcun Pathian zei rel lo zong a si fawn.
Pathian nih Bible a kan pekmi hi a dawtnak langhternak ca ah a si. “Biaphuan” timi biafang a sullam hi Pathian nih amah tein minung sin ah aa phuannak a si. Bible hi um hlah seh law Pathian hi zei dah a si, zei bantuk dah a si, zei bantuk lungput dah a ngeih, zeitin dah kan pehtlaih lai timi zong kan hngal lai lo. Pathian nih amah tein a phuan i Bible an `ial ah hin kum 1500 hrawng a rau. Voikhat ah `ial dihmi a si lo. Asinain cu chung ah cun minung nih Pathian hi zeitin dah kan theih khawh lai timi le zeitin dah kan pehtlaih khawh lai timi cu “biaphuan” hmang in an hngalh khawh. Bible hi Pathian bia a si ko ahcun kan zumhnak, kan biaknak, kan nun ziaza ca ah nawlngeitu a si tiah kan pom a hau.
Bible hi Pathian bia a si tiah zeitin dah kan hngalh khawh? Zeitin dah Bible hi cauk sawhsawh a si lo tiah kan hngalh khawh? Bible hi cauk dang le biaknak dang cauk he zei nih dah a danter khun? Bible hi Pathian bia a si ko tiah tette a um maw? Cucaah Bible hi Pathian bia a si ko tiah kan zumh ahcun biatak tein check kan hau. Bible hi fiang tein Pathian bia a si tiah kan hmuh. Lamkaltu Paul nih Timote sin ah a chimmi cu, “Cun Khrih Jesuh ah a ummi zumhnak thawng in khamhnak ca ah mifim ah an canter khotu, Cathiang kha na ngakchiatte in na hngalhmi a si. 16 Cathiang hi a dihlak in Pathian thawchuahhnawhnak in pekmi a si i, cawnpiaknak ca ah siseh, sualphawtnak ca ah siseh, remhnak ca ah siseh, dingfelte in chimhrinnak ca ah siseh a ṭhahnemmi a si. 17 Cucu Pathian mi kha mitling a si khawh nakhnga le rian ṭha kip ṭuannak ca ah tlingte in thuamh a si nakhnga ding ah a si,” a ti (2 Timothy 3:15-17).
Bible hi Pathian bia a si tiah Bible nih a chimmi zong a um i a lenglei zong in Pathian bia a si tiah tette tampi an um. Bible hi Pathian bia a si tiah kan hngalhnak lam pakhat cu unity a ngeihmi hi a si, cucu Bible ah hin uk 66 a um, holh pathum in tialmi a si, uk 66 an `ial chung ah hin kum 1500 a rau, a `ialtu 40 reng lo nih an `ial, asinain an i kalhnak a um lo, an cawnpiaknak aa khat dih. Hi unity a ngeihmi hi cauk dang vialte le biaknak dang cauk vialte he a dantertu cu a si. Cucaah Pathian bia a si ti cu hngalh khawh a si. “Zei caah tiah biaphuannak cu minung duhnak in a rami a si lo, sihmanhsehlaw Pathian mithiang hna kha Thlarau Thiang nih a kalpi hna ningte in annih nih an chimmi kha a si,” a ti (2 Peter 21).
Bible hi Pathian bia a si tiah kan hngalhnak lam a pahnihnak a ummi cu prophet hna bia hin a si. Prophet hna nih hmailei ah zei dah a cang te lai tiah tampi chimchungmi bia a um, cucu minung an si ah, ram kip an si ah an ton dingmi kha an chimchung. An chim caan an rak i dang cio. Babylon, Persia, le Greek nih zei dah an tuah te lai timi kha fiang tein Prophet hna sin ah Pathian nih a rak phuan cang, a phuan bantuk in an tling dih. A tling thlu rih lo i a tling te lai ding zong an tang rih. Jesuh Khrih a rat lainak kong an chimmi hi a tam cem, cu ah cun a chuahnak hmun, a temtuarnak, a thihnak, a thawh`hannak, a rat `han lainak ti bantuk tling tein Prophet nih an rak chimchung cang. Biaknak dang ah hi bantuk in chimchungmi a um lo. Cucaah Bible hi Pathian bia a si.
Bible hi Pathian bia a si tiah kan hngalhnak lam a pathumnak cu a `hawnnak hmual hi a si. Bible nih hin rel cawk lo minung nunnak a thlen cang, minung nunnak a hrawktu a si bal lo. Mithatmi hna nunnak a thlen, Drug a tawngmi nunnak a thlen, kuak a zumi nunnak a thlen, zu a dingmi nunnak a thlen, misualmi hna nunnak a thlen, zumtu nunnak a thlen—khamhnak a pek hna, cuticun minung nunnak hi a phunphun in a kan thlen khawh. Pathian bia lo nih cun hi bantuk hmual hi a ngei kho lai lo, cucaah Pathian bia a si.
Bible hi Pathian bia a si tiah a lenglei in tette a ummi in hngalh khawh a si. Bible nih hin tuanbia tlingte le dik tein a kan chim. Archaeologists hna nih Bible tuanbia an kawl lengmang tikah Bible a diknak hi an hmuh chin lengmang. Bible kong he pehtlai in `ialmi cauk tampi an hmuh, cu chung ah cun Dead Sea Scroll hi a biapi ngaimi ah aa talmi a si.
Cun Bible hi Pathian bia a si tiah a langhnak cu minung in a si. Bible hi Pathian bia a si tiah nunnak pek tiang in a kilkawimi Bible a si. Pathian nih a Cathiang a `ialtermi minung hna hi an rian`uanmi aa dang cio hna, cheukhat cu ngatlai, tuukhal, Doctor, Prophet ti bantuk hna an si. Bible `ialtu hna nunnak kan zoh tikah biatak nun a ngeimi lawngte an si fawn. Biakam Thar a `ialtu hna hi Jesuh Khrih he pehtlaihnak a ngeimi lawngte an si. Cucaah Pathian bia an phuannak zong ah Jesuh Khrih hi fiang tein an hngalh ruangah thih zong an `ih lonak a si. An nunnak nih Bible hi Pathian bia a sinak fiang tein a langhter.
Bible hi Pathian bia a si tiah kan theihnak cu Bible hi hrawh khawh le hloh khawh a si lo. Khrihfami kan tuanbia zoh tikah Bible hrawh le hloh an i zuam peng, an doh peng. Rome uktu hna Diocletian in Communist chan in atu Athsist chan tiangah Bible hloh an i zuam. Bible cu fek tein a dir. A karh a zual chin lengmang. Vawleicung cauk ah an print bikmi le an manh bikmi cu Bible a si.
Bible hi Pathian bia rak si hlah seh law hi tluk in doh le hloh an tim hnga lo. Asinain Pathian bia a si caah a si. Hloh le hrawh an i zuam deuhdeuh, nunnak a thlen deuhdeuh ve hna. Khua le ram le miphun, minung tiang in a thleng khomi cu Bible lawnglawng a si. Kum 2000 chung ah rel cawk lo minung khamhnak a pek cang hna. Jesuh Khrih nih a chimmi cu, “Van le vawlei cu an rawk lai, asinain ka bia cu a rawk lai lo,” a ti (Mark 13:31). A cung ah a tlang piin kan hmuh khawhmi cu Bible cu Pathian bia taktak a si ko ti hi a si.
Fakngai in kahdohnak a chuahnak Sagaing ramtthen chung hi tambik hrenhpiak an tong i mipi umnak inn 195 an hrenhpiak hna, Yangon ah inn 122 le Mandalay ah inn 88, Magway ah inn 48 le Ayarwady ramthen ah inn 47 nak tlawmlo cu SAC ralkap nih an hrenhpiak hna tiah theih a si. SAC ralkap nih hrenhmi inn hna cu zuar ding in kan timh tiah hna Zaw Min Tun nih April 27 ah a chim.
Ukraine le Russia buainak ruangah NATO ram hna le Russia zong an i rem huaha ti lo i Russia nih cun ramri lonh in NATO member a si mi ram chungah a Fighter Jet ttha ttha 2 bak a thlah hna. Russia Fighter Jet MiG-31 le Su-24 pahnih cu NATO member a si mi Norway ram rili cungah caan sau lo te an zuang. Cu le cangka Norway Fighter Jet F-35 nih a zuan hnawh ve colh hna i a va tthawl hna.
Finland le Sweden ram nih NATO member luhnak ding ca official in an pek hnu in Russia le Norway ram karlak ah lung i hmuh lo nak a um colh. “Russia Vanlawng hna cu Norway ram rili cungah an rak zuang hmasa i nichuah lei ah an kir tthan” tiah nawlngeitu lei nih an chim. Norway nih hin US nih a ser mi F-35 pahnih cu nikhat ah suimilam 24 chung, kum khat ah ni 365 timhcia tein a chiah peng. Cucu ruahlo piin ral rak nih an kan nam sual ah i vennak caah le NATO member dang hliphlau (Alert) tu ding caah a si. Ref; Mirror
Leave a Reply