Nizaan zaan suimilam 9:00 hrawngah Sagiang ramtthen, Tigyaing khuapi a hmat 1 sang ah a um mi dalaan U Maung Maung cu a inn a um lio ah, a mah a inn cia bak ah PDF mipi kan ralkap hna nih an thah tiah theih a si. A nih hi ralkap bomtu dalaan ngan taktak mi a si tiah theih a si i, a mah uico pa ruangah mipi kan ralkap tampi an tlaih ter cang hna tiah theih a si. A tu bantuk in an thah mi hi lung a hmui kho tuk eh.
National Unity Government(NUG), Ministry of Health and Education Minister Dr. Zaw Way Soe le United Kingdom – UK, Minister of Asian Affairs, the Rt Hon Amanda Milling cu London ah ceihmainak an ngei, tiah theih a si. May 25 zanlei ah UK ram khualipi London khua, Foreign Affairs Office of the Ministry of Commonwealth and Development zung ah ceihmainak kan ngei tiah Dr. Zaw Way Soe nih amah pumpak social media ah a langhter.
Atu lio Myanmar dohthlennak, rammi hna bawmhchanh ding, remdaihnak le Democracy phung ngah ṭhan nakding ca ah ramhnih i bawm in rianṭuannak kong ceihmainak an ngei, tiah theih a si. UK nih Myanmar ram a bawmhnak cungah Dr. Zaw Way Soe nih a lunglawmhnak zong a chim, tiah theih a si.
Thla 7 chung ah SAC ralkap pawl 70 leng kan thah khawh hna tiah Tapyingyu Guerrilla Force nih an thanh., 2021 November in 2022 May thla tiang thla 7 chung ah hriamngan 40mm,60mm,le hriamhme meithal hmangin le ralfir kahdohnak le hmaitonh kahdohnak le bomb puahhnawh tiin SAC ralkap le palik le Pyusawthi hna cu voitampi kan kahdoh hna i 70 leng kan fimtawl khawh hna tiah Tapyibgyu Guerrilla Force nih cathanh an chuah.
Maithal tthami a um lawng ah ral ka tu lai a ti mi chung ah Tapyingyu hrinfa kan i tello , Auto meithal cu hopaoh nih i tlaih duh cio a si: nain a tlamtlin hlan cu a ummi hnihkhat kha ttha tein tlaih zia thiam a hau ko, Zero in ai thok mi kan si bang Thal pak he zong thih tiang ral a doh ngam ding in a ral ttha mi kan si tiah an cathanh ah an langhter. Tapyingyu Guerrilla Force hi Mongywa le Ayadaw ah hmun khuar mi an si i Mongywa pengkomh Battalion 4 , Company 1 an si.
Sagaing – ShweBo mawtaw lam cungah SAC ralkap eidin a phurmi ke 10 ngei mawtaw run cu bomb puahhnawh an tong i mawtaw 1 a kang tiah theih asi. May 26 zan Sml 10:20 hrawngah Sagaing – ShweBo mawtaw lam cung, Sagaing peng Kyaw Zya le Chei Gyi karlak ah Sagaing in ShweBo lei kal mi Ke 10 ngei mawtaw 5 cu Naysimachia Sagaing mipi ralkap phu nih bomb an puah hnawh hna tiah Sagaing Information Department nih a thanh.
Ke 10 ngei mawtaw 5 chungah SAC ralkap an i citmi a hnu bik mawtaw cu bomb puah an si i a kangh caah a thi mi an um kho tiah theih a si. ” SAC ralkap nih lehrulh in kah caan zong an ngei manh lo. Mawtaw cu a kaang, Cite Tlang lei in mawtaw 2 a rak ra i a kang mi mawtaw cung in a tang mi thilri hna cu a thiar ” tiah cu kahdohnk ah a tel mi pakhat nih a chim.
Leave a Reply