BREAKING New, Russia Nih Chemical Hriamnam A Hman Ah Cun NATO Phu Nih Ah Lehrulh Lai Maw?-Biden

Russia  Nih Ukraine A Kahdoh Chungah Russia Nih Chemical Hriamnam  A Hman Ah Cun NATO Phu Nih An Lehrulh Hrimhrim Ve Lai Tiah Biden Nih A Chim

Brussels khuapi ah tuahmi NATO hoikom phu ton biaruahnak ceihhmai nak ah Biden cu a kai hnu cu Biden nih ” Russia lei in Ukraine a kahdoh chunagh Chemical hriamnam pawl hmang in a kahdoh a si ah cun NATO phu lei zong nih lehrulh nak a tuah ve lai ” tiah a achim.

Kahdoh a tong mi Ukraine ram, a ramri pawl humhimnak, Europe nichuah lei ah hmunhimnak thazaang chap ding kong ton biaruah ceihhmainak ah NATO phu chung tel meeting a dih hnu ah tonbiaruah nak an tuah mi ah Biden nih a tu bantuk in a chim mi hi a si.

Ukarine kahdohnak ah Russia nih Chemical hriamnam pawl a hmang kho i, a hman sual ah cun timi biahal nak ah Biden nih a mah pumpak aiawh in ral lei in aa pehtlai mi thawngpang cu ka chim kho lo tiah  arak leh hna.

” Russia nih Chemical hriamnam ahman sual a si ah cun, kan mah lei zong nih lehrulhnak kan tuah ve lai . Kan leh rulh hnga ding cu an mah Russia lei Putin nih a thil tuah mi cung ah a um mi a si i, a tuah bantuk in lehrulhnak kan pek ve lai”  tiah Biden nih a chim.

Ptin nih cun kan mah NATO phu hoikom pawl hi thenthek dingin aa zuam peng i, a si nain a tu bantuk in kan i fonhtom kho bal lo tiah Biden nih a chim chap. Russia cu vawleicung ah Chawlehnak ngan bik a si mi G-20 lei zongin kan hnawn cang lai tiah a chim.

US hrambunh thawngzamh Theepochtimes nih alanghter ningah cun Donald Trump nih 2016 ah Hillary Clinton a rak tei kha a thli tein Russia intelligence officials cu bawmtu ah aa ser hna tiah a ti. Mah cu cu zeibantuk source cherhchan in dah hmuh asi ti ahcun, Former U.K .intelligence officer Christopher Steele in London, U.K nih a tialmi ca uk ah a um.

Cu cauk cu Steele dossier asi lo ah Trump-Russia dossier tiah timi asi. Cu ti asi taktak ko ahcun Donald Trump caah lam a pit ngai ngai lai. 2024 ah President aa cuh than lai tiah 90% nih zumh asi. Amah hmurka taktak cun alang rih lo nain abiachim ning ngaih tikah 2024 ah cun US president tuan than aa tim ko tiah ti asi.

Tutan ah Durham hlathlainak nih alanghtermi hi asawhsawh asi ti lai lo. Special counsel John Durham cu DOJ Bill Barr nih rian a rak khinh ta mi kha a si. Donald Trump nih 2016 thimnak ah Russia he pehtlaihnak a ngei bak ko ti asi ahcun Trump caah 2024 thimnak cu ruahchannak a um lo khing asi cang. Cun, amah hrimhrim zong a nunchung thongtla khomi dirhmun a phan lai.

Donald Trump thongthlak cu Pelosi khuakhanmi bak asi. Donald Trump cu thonginn chungah hmuh ka duh cang tiah a rak chim lengmang cang. Durham hlathlainak nih alanghtermi pakhat cu Hillary Clinton asungh bakin Democrats nih Donald Trump ngiathlaitu dingah spy an thlah. Mah an thlahmi Spy nih cun, Donald Trump pumpak kong siseh White House pi siseh thlithup a ngiat tiah a ti. Cu cu sualnak ngan taktak mi asi. Hillary Clinton le Democrats nih cu cu an doh colh, a diklo an ti.

Durham nih report cu Federal Court, Eastern District of Virginia ah a luh pi dih cang. Deadline hi March 29, ti asi nain, Durham nih May 13, khi deadline tuah piak ding in a ti hna. Mah karlak chung ah Russia-Ukraine buainak zong hi langhter chih a duh tiah report nih a ti.

RUSIA RAM le PUTIN KONG TLAWM PAL.– Rusia ram hi, Vawlei cung ah Akau cem mi ram Asi, Avaang in Akau, Vawlei zatceo cu Akhar ko,Nichuah lei ramri, Japan ram pawng um mi, khua, Maldemostrov khua ah, Ni Achuah ah cun, Nitlak nak Ava um mi, Mosco hrawng hna cu Zan țim lawng Asi rih cu tluk in Akau Asi nain, Chak lei Saiberian hrawng cu, Hawrha lawngte Asi Minung An um kho ti lo.

Soviet Union, Ai țhen hlan, ah cun, Ram-15 in komh mi an rak si,.Kawlram he An i lo ngai, Cu lio,.Rusia hi, kawl si hna seh law, Ukreine te Azabaizan hei ti te pawl khi, Tlangcung mi kachin Sian hei ban tuk khi an si, An ram 70% hi, Rusua ram Asi, 30% hi Ațhen mi ram tete an si.

Soviet Union, President,Josep Stalin, in Gorbchov tiang hi, Soviet Union Socialist le Comunist Cawh deuh in, An rak i hruai, 1991kum, Gorbchov chan in, Soviet Union cu Ațhen cheu i Adang ram fa deuh Independence Ala dih..Soviet Union Ai țhen hlan ah cun, American he Hriamnam ah cun An i tluk bak, Nang maw kei ti bak an si, Asi nain, Sipuazi lei ah cun, US nih Soviet Union cu, Vaang kau in Atengh bak ve,.

Gorbchov kha, Democracy hoih deuh in Aum Anem deuh tiah, Akut tang Home Minister te pawl nih, Aana an ting nain, Rusia Federetion ah, Boris Yelsin kha President Asi caah, Gorbchov cu Achanh khoh, Adang ram fa tete pawl cu Independence An la dih.

Soviet Union lio ah khan, Ukreine ram hi, Rusia chang tu an si, Nuclear hriam nam zong zong Ukraine ram ah Aum ve tik ah, UNO, Security council. Veto Aana nei ding ah Ukreine le Rusia cu an i cuh cang, 1994 kum US President Bill Calinton nih nih Ukreince kha Rusia nih co ko hna seh tiin, Hna tlak nak, Hungeri ram Budapest khuapi ah hna. tlak Decem ber -5 ni ah an rak tuah.

Rusia hi,Khrifa biak nak hi, kum 1000 khat Areng ti lo Ansi nain, Comunist Uk nak tang an rak um caah An rak cawl ngam lo, Orthodix Baptist khri fa an si,.Soviet Union Ațhen hnu cun, Rusia ram cu, Boris Yelsin nih President Ațuan i, Nitlak le Democracy he rual rem te in an um hna,.Boris Yelsin nih, Amah Achawng tu ding te dingah,Priminister Athim hna nain, Ahlawh tling lo.

Ahnu ah, Atu, Putin hi Avan thim i Mipi nih an Uar ngai, kei mah zong nih cu lio ah cun ka rak Uar ve, Boris Yelsin nih President Ai dinh tik ah, Aamah khan nak, Pensen kong le Athih hlan lo Cozah nih zoh khenh ding tiah Vladimir Putin cu, Min Athut ter i, President Putin cu, Nawl ngeih nak(Powar) Apek colh, Caan kar lak President Ațuan i Thim nak An tuah i Putin nih Tei nak Ahmuh.

Rusia Consticution ah, President nih Trip 2 khoh in Thim khoh Asi ti lo caah, Amah nih PM Athim mi pa kha President Akai i, Amah kha PM ah Ațum, Thim nolh ah, Ai thim țhan i President Achuak țhan i, Rusia ram kong Cawl cangh ning Athiam tuk cang, Phung hram(consticution) kha Amah Nawl ngeih nak hmunh ding ah, Aremh, Opposition pawl cawl kho loin Arengh hna, Alor chin lengmang cang, 2014 ah Cramea Achuh hna, Alor chinchin cang, Ahnu ah Ukreine Chuh ding in UNO law pah in Avan tuk nak hi Asi.

Vladimir Putin hi, KGB (ထောက်လှန်ရေး) ah Officer Pa khat Arak si, Amah hi Mi thek vak țha taktak Arak si, Akong lam pa khat an țial mi ah, Zu Akhur in Achuak mi kha, Adawi i Thingfung tel loin, Ake bak in, Ava lam thah kho ti si, Karate black balt tiang Ahmu mi Asi, Nawl ngeih nak Ahmuh hnu in, Akong lam țial hrim Aduh lo ti si..Amah hi, Orthodox khrifa Asi. SangLing Thantlang.

Nawlngeihnak Laak Dingin Duhlonak Langhternak Dingah Phaisa Sing (800) Lengkai Bawmhnak Petu U Khin Shew Le A Fapa Cu Ing Sein Thonginn Ah An Hrenh!

Kum 2021 January thla ah khan Yangon le khuapi ngan deuhnak hmun ah Kawlram ralkap nih nawlngeihnak laak dingin forhfialnak an tuahmi puai caah phaisa tampi a petu Yi Kabar U Khin Shew le a fapa Yi Tyi Hah hna cu Bahan palek sakhan nih an tlaih hnuah Ing Sein thonginn ah an kuat cang tiah FNG nih a langhter. An tlaih tan ahcun Yangon khuapi chung tawlreltu U Bo Hte zong a tel ve i, Yi Kabar Company riantuantu minung (20) telh in U Khin Shew he aa pehtlaimi minung (60) hrawng zong an tlaih chih tiah theih a si.

Yi Kabar Company ngeitu U Khin Shew cu kum 2021 January thla chungah Yangon khuapi Bahan peng Shew-Tri-Gan Syi Tyi pawngah ralkap nih nawlngeihnak an laak nakhnga puai an tuahmi ah phaisa sing (800) lengkai bawmnak petu a si i, ralkap nih nawlngeihnak an laak hnuah a ngeihmi Myiah Yik Ngyu Hotel hmunhma cu ralkap nih an tlaihmi paohpaoh cuka ahcun caan karlak hrenh chung dingin hmunhma petu a si tiah theih a si. Nawlngeihnak laaknak caan kum khat a liam hnuah Min Aung Hlaing chungkhar caah England serchuahmi Jaguar F Type motor zong laksawng ah a pek rih hna tiah FNG nih a langhter.