Breaking New; Ngeihchiah Tuk A Si ko Mizoram Um Ralzam Caah , An Lungrel A Theih Tuk ko Hna Lai

April 11, 2022 Salai Salai News 0

Thawngtawi;  Nihin April 11 zinglei Suimilam 4:30 am hrawng ah thil le ruah fak tuk in a sur caah Mizoram ramthen , Mamit District , Dapchhuach khua a um mi myanmar ralzam an um nak sakhaan an tuah mi cu a hrawh dih , a cunglei an cih mi le a dang dang zong a hrawh piak dih hna.

Photos

 

Thawngdang ; Hakha khuachung ah thil acangmi ;  Hakha khuachung ah sang, veng kip ah Ralhrang nih CCTV an bunh i an umhmun in mipi ralkap pawl an ngiat hlai hna. Ralhrang nih alangh lonak , ai thup deuh nak i, an bunh mi CCTV cu athei mi nih Mipi ralkap sinah theihter i zuam hrim hrim hna usih.
Cu CCTV thawngin kan Mipi Ralkap hna khuachungah an pawtam , an ti hal caan  ,an duh herhbau mi a um caan ah , inn pakhatkhat an luh lio hna an hmuh hna ahcun an caah thinpang tuk asi caah, i bawm cio usih .
Tawngdang; Thaton GAD zung ah Penguk bawi ca ah tiin Facang tun khat le chiti pungkhat an rak chiah mi chung in bomb a puak i palek pahnih hliamhma faak an tuar, zung zong a cim; Mon ramkulh, Thaton pengkomh GAD Zung ah Peng uk bawi ca ah Facang tun khat le chiti pung khat an rak chiah; cu laksawng an chiah mi chung in bomb a puak i palek pahnih hliamhma faak an tuar, zung zong a cim tiah kan theih.
Thaton, Leikinn sang chung um Zung Komh Zung cu April 9, zaanlei suimilaam 1:30 ah bomb a puah ca ah palek pahnih hliamhma faak an tuar i zung zong a cimhnak hi a si tiah kan theih.
“Thaton pengkomh GAD Zung bomb puahnak ah palek pahnih hliamhma faak an tuar. Thil sining cu minung pakhat nih facang tun khat le chiti pungkhat a rak put i Peng uk bawi laksawng ka pek mi a si. Amah nih hika hin chia a ka ti ca ah ka rak chiah a ti i a kal.
Peng uk bawi laksawng pek mi a si ca ah a hohmanh nih an thloh ngam lo. Cu laksawng chung in bomb cu a puak. Palek pahnih nih hliamhma an tuar. Zung zong a cim” tiah Thaton peng palek thawnghram nih a chim.
Source: Khit Thit Media

Kalay – Gangaw lampi cu zarh khat chung kal lo ding in PDF- Kalay nih ralrin nak thawng an thanh; Kalaymyo pengkulh cu tulio kahdohnak fak tuk caah Kalay – Gangaw lampi cu thawng kan thanh nak thawh in zarhkhat chung motor pawl siseh , a dang a herh tuk zongah kal lo ding in kan nawl ko hna tiah ralrin nak an pek hna.

Ralrin nak kan pek mi  zulh lo in na kal ruang ah na tong lai ding harnak cu a itheih te ko tiah PDF- Kalay nih ca thanh nak an tuah .

Thawng Dang; Pauk peng ah Captain pakhat tel in ralhrang 7 cu Kutser meithal zun hnih in PDF nih an tlaih hna; Magwe ramthen, Pauk peng ah Captain pakhat tel in council ralhrang 7 cu kutser mmeithal zun hnih in PDF 5 nih an tlaih hna , an zam caah an kah hna i an thi tiah Pauk PDF nih an thanh.

 

April 6 zaanlei sml 2:00 hrawng ah Justice Ranger phu in minung panga nih Kutser meithal zun hnih in , ke kul le ke hnih motor he council ralhrang  7 cu an tlaih hna i MA 3 meithal zun 7,5.55  MM kuan 700 hrawng le Phone 10 kan lak tiah an thanh.

An tlaih mi motor 3 chung ah Aluminum Round Comps a phur mi pakhat le Ferrous (motar shell) phur mi motor pakhat cu Pauk peng he aa hlatnak hmun a himnak hmun ah tangti phukomh hna bawmhnak in an khangh tiah kan theih.
Ferrous (Scap & cutting) a phur mi pakhat cu Pauk-Seihphyu lam kam ah a ke kuai ca ah pawngkam hmunhma ah kan chiah i April 7 zinglei ah council ralhraang nih an hmuh ca ah Kat Phat Sah  ၂၂ Shwebo Kyun ah an kalpi tiah kan theih.Tlaih mi council ralhraang 7 hna cu sakhaan ah thong an thlak hna lio, kahdohnak um lio ah an zaam ca ah an kah hna i an thi tiah kan theih. Source: Khit Thit Media

Thaawngdang; Matupi peng ni 9 chung kahdohnak ah ralhrang rlakap 30 nak tlawm lo an thi, CDF- Matupi in pasal tha 2 an nunnak a liam ; Kyaukhtoo in Matupi lei ah ralkap thazang chapding ah a raami ralhrang ralkap mawtaw thluan 80 cu 2022 April 7 zaanlei sml 3:30pm hrawngah Matupi khua an phan.

Ralhrang ralkap pawl nih Mandat- Matupi lam cungah a  ummi Ramtin khua cu mei an khangh i Champian khua  a pawngkham zong an khangh chap. Mipi ngeihmi sia 8 zong an thah i an ei tiah CDF – Matupi nih an thanh.

Tawngdang; ZRA Ritsi (Bing) cinnak dum CDF- Hualngoram nih an hrawh ; Tedim peng chung ah ZRA nih risit (Beng) an cinnak dum cu CDF -Hualngoram nih an hrawh i rtsi an cinmi pawl mei in an khanghpiak hna. CDF – Hualngoram chimnak nawl ngei nih, “Mah ritsi cinnak dum hi ZRA nih an tuah mi a si ii, minung pakhat an zohkhenhter .

Cu pa cu bia tha tein kan hal hnu ah le ZRA pawl ritsi cinnak hmunah an ratmi a hmu tawntu khuami pawl bia kak hal hna hnu ah hi ritsi dum hi ZRA tuahmi a si tiah kan theih, ” tiah a chim.

 

Hi ritsi dum hi Tedim peng, Thinhle khuate pawng ah a ummi a si i, nizaan April 8 zinglei ah CDF-Hualngoram ralkap pawl nih an hrawh hi a si.Atu bantuk in Chinram ah ZRA nih zalong ngaiin ritsi an cin khawhmi hi SAC ralhrang nih nawl an onh hna ruang ah a si, tiah CDF-Hualngoram chimnak nawlngei nih a langhter chap.

Be the first to comment

Leave a Reply

Your email address will not be published.


*