Ralrang rakap le Phu Saw Htee phukomh nih Namkha khuami U Sin Win cu a kut an tem i an thi , mipi nih an ngeih mi facang , chiti, Mepe cu an chuih hna i vawkhat lam na zawt rik ah cun na khua mei kan khangh lei an ti hna
==========
Magwe , Gawngaw , Namkha khua lei ah ralhrang ralkap lei Phu Saw Htee phukomh cu April 18 zinglei ah an ra i kum 67 a si mi U Sin Win cu a kut an tem i a ruang um lo in an thah , mipi an ngeih mi Facang le Chiti t,e hna cu an lak piak dih hna cun mah hnuah lam na zat rik ahcun na khua mei kan khangh cang lai tiah a ti hna.
Khua chungah zing ka sml 11 lei hrawng ah an rak lut i facang le chiti t,e, pawl cu motor a ke 6 ngei mi ah an chiah ii an phorh , zanlei sml 2 hrawng ah an kirh than , cun mah hnuah sandah na piak ti ah cun na khua mei kan khangh lei an ti hna , khuami pakhat na thah i minung 5 cu an tlaih hna tlawmpal ah an rak thlah than hna tiah khua mi pakhat nih Khit Thit Media sin ah a chimh.
Ralhrang ralkap nih dohthlennak ruangah an khangh mi ramchung mizapi inn hna cu NUG cozah nih a si khawh chung in dohthlennak a dih hnu ah sakpiak ding in biakhiahnak zong kan ngei cang, khuapau dohthlennak cu ram mipi chung in a chuak mi a si caah NUG cozah zong nih ram mipi duh ning tein rian kan ṭuan.
Cu lawng siloin ram caah nunnak a petu vialte upatnak sang kan in pek hna, tiah Acting President nih cun a chim chap. Ralhrang nih uknak an lak hnu in ram mizapi inn 9000 reng lo cu mei in an khangh ruang ah mizapi sing 9 reng lo umnak ngei lo in ralzam dirhmun an phan.
Russia Kong Relchap; Russia ralkap hna nih cun Ukraine khuapi hna lak i, a biabi ngai mi khuapi Mariupol cu an lak khawh cang kong le Ukraine ralkap tlawmte aa thupnawk mi lawng an taan cang kong an thanh! Russia ralkap nih cun Mariupol i Ukraine ralkap a taang rih mi hna sinah hrocernak bia an cah hna i, “thih maw nan duh deuh kan sin ah pek in nun dah?” tiah a harsa ngai mi duhthim ding pahnih an pek hna.
Ukraine President Zelenskyy nih Mariupol khuapi i Ukraine ralkap hna thlavang hauhnak ah biathanh a chuah ve i, Ukraine ralkap pawl thah an si ah cun Moscow he remdaih biaceihnak an ngeih ding mi cu donghter a si lai, tiah a chim. President Zelenskyy nih cun, “Mariupol khuapi nih a ton mi cu a fak tuk hringhran. Russia ralkap nih a chung um mi minung cu thah dih an timh hna i, hrawh khawh a si mi vialte hrawh an timh fawn. Russia ral kan kham khawh nak ding ah hin kan hawikom ram hna nih raltuknak hriamngan; vanlawng in nan kan bawmh a hau,” tiah a chim.
Russia ral ruangah Mariupol khuapi ah hin minung a singsing in an thi cang i, khuapi leng ah minung sing tampi cu din awk ti, eidin rawl le electric mei ngei loin caan saupi an um cang, tiah Zelenskyy nih a chim chap. Hilio ah Russia nih cun Ukraine nichuahlei cu biatak tein a kah ṭhan cang i, Russia ralkap missile kahnak in Nihin April 17 zanlei sang ah Kharkiv khuapi um civil mi pathum nunnak a liam lengah minung 31 hliam an tuar. Kiev khuapi kiang zong ah Ukraine ralkap hna nih civil mi 900 ruak an hmuh i, an lak i tam deuh cu meithal in kahthah an si, tiah Al Zajeera nih a ṭial.
Mandalay thonginn ah a um mi ramdang mi telin thongtla 74 thonginn chuah nak nawl an pek hna. Mandalay thongin ah a um mi ramdang mi telin thongtla minung 74 hna cu tuni 17 ah luatnak nawl an pek hna tiah theih asi. Mah hna lak ah ramdang mi 34 an si , kawlram mi thongtla pa 38 le nu pakhat an zapiin 74 an si tiah theih a a si.
Tuni am Mandalay ramthen thonginnn lawng in thlongtla pa 157 le nu pa 8 an za piin 165 hna cu SAC ralhrang nih luatnak nawl an pek hna tiah theih a si, A tu bantuk in Kawl kum thar titoih puaini ah SAC ralhrang nih luatnak nawl an pek mi hna hi,
SAc ralhrang lutlai hna nih mipi lomhternak daihternak le minung zawnruahnak ti bantuk in thongtla pawl cu Mandalay ramthen thongin sakhan cio in luatnak a pek hna i mipi leamsawinak bantuk in luatnak a pek nak hna hi a si tiah theih a si.
Leave a Reply