========
Sagaing ramthen, Shwebo-Kyauk Myaung motor lam, Maungtat khua lamthen pawng ah Council ralhraang motor pakhat cu tualchung PDF nih April 25 zaanlei sang ah bomb an puah i ralhraang 8 nak tlawm lo an thi tiah Dhu Wan SBDF nih thawng an thanh. Bomb puah a tong mi ralhraang pawl nih pawngkam um inn cheukhat le ar zuatnak inn pawl an khangh hna pin ah motorcycle 3 an lak tiah tualchung mi sin in kan theih.
“Zahan zaan ah a si i hriamngan kah thawng zong kan theih nain kan va zoh ngam lo. Inn 2 le ar zuatnak inn 3 an khangh. Caw 2 an thi. Kan zuat mi ar pawl le a rawl pe kding kan chiah mi vialte an kaang dih. Ar zuat hi a tu lio thil man cun hmun khat ah ting 100 tluk a si. Minung cu kan him, cycle 3 an lak. Atu zing tiang cu zei thawng hmanh a um rih lo” tiah tualchungmi pakhat nih Khit Thit Media ah a chim.
Bomb puah a tong mi ralhraang motor cu Kyauk Myaung in Shwebo lei ah a kal mi a si i Burmese Dragon Force he tangti in zaan suimilaam 8:20 ah bomb 9 in kan puah hna hi a si tiah Dhu Wan SBDF nih a thanh. Nihin zing April 26 ah council ralhraang motor 30 hrawng cu Kyauk Myaung in Shwebo lei ah an kal tiah thawng kan theih ca ah tualchungmi nih cuka lam cu hman rih lo ding in Dhu Wan SBDF nih ralrinnak a thanh. Source: Khit Thit Media
Ralhrang kong Ralchap ; Walat Peng Khua 3 Ah Inn 20 Leng An Ciam! SAC Vanlawng A Rawk, Sagaing ramṭhen, Walat peng khua 3 ah inn 20 leng khangh an si i kum tling lo mino pahnih zong tlaih an tong, tiah Walat peng tualchung ummi pakhat nih a chim. April 24 lio ah rallam a sialmi SAC ralkap pawl cu Yungpinkung(ရုံးပင်ကုန်း) khua ah an lut i taang 9 a kai lio mi pahnih cu an tlaih hna. “Shingmaka(ရှိမ်းမကား) palik sakhan in meng 5 aa hlatnak Yungpinkung khua cu zan 9:00 ah an phan. Kum 15,16 hrawng he a umṭi mi zong an tlaih hna. Zing sml 6:30 hrawng ah inn 1 mei in an khangh. An tlaih mi hna mino pahnih cu ral khamnak ah an hman hna i, PDF nan si tiah sualphawt in an thah sual hna lai ka thinphang,” tiah tualchung mi pakhat nih a chim.
Titsaih(သစ်ဆိပ့်ရွာ) khua inn 20 hrawng cu an khangh i Yungpinkung le a pawng khua pakhat ah inn 1 an khangh, tiah tualchung mi pakhat nih a chim. Titsaih khua mi kum 50 hrawng pa pakhat le kum 40 hrawng pa pakhat zong SAC ralkap nih an tlaih hna, tiah a chimchap. Tualchung um mi hna nih cun, “A luancia April 23 zong ah Khin U peng Ywataywa(ရှာသာရှာ) inn 65 le Chaung U(ရှာသာရှာ) peng Inma khua inn 70 cu SAC ralkap nih an khangh,” tiah an chim.
Meihthilla Peng Shantae Air Base Ah Vanlawng Pakhat Cu A Ṭum lio Ah A Rawk!: Mandalay ramṭhen, Meihthilla (မိတ္တီလာ) peng Shantae (ရှမ်းတဲ) vanlawng camp head quarters ah US dollar 1 million(nuai 1) man, vanlawng khalh cawnnak GROB vanlawng pakhat cu mei-alh a chuah hnu ah, hman awk ṭha lo in a rawk, tiah SAC ralkap kuttang um media sin in theih a si. Nihin April 25, chunhnu suimilam 2:30 ah Mandalay ramṭhen Meihthilla (မိတ္တီလာ) peng Shantae (ရှမ်းတဲ) vanlawng khalh cawnnak Air base head quarters (လသခ) ah Germany ram in 2015 kum ah cawk mi GROB pakhat cu a tum lio ah a mei-alh a chuak i, hman awk ṭha ti lo tiang in a rawk, cu vanlawng a khaltu cu hliam a tuar lo, tiah theih a si.
Australia Nih Raltuknak Caah Timhlamhnak Kan Ngeih A Herh., Russia le China ral tihphannak he pehtlaiin Australia hmunhimnak vuanci Peter Duton theihter ralring peknak a chim hnuah Russia-Ukraine kahdohnak ruangah kan mah lei zongin Raltuknak caah timhcia in um kan herh tiah a chim. Beijing le Moscow cozah ruangah kan Vawlei cung ah nawl ngeitu thar an chuah kho tiah Australia vuancichoh nih a chim dih hnuah a cung lei bantuk in Peter Duton nih a chim.
Beijing le Solomon tikulh ramhnih karlak ah lungtlinhmi ralvennak minthut ruangah kan kutkaa in China cu a hlat nak ah chiahnak ding le, kan hoikom pawl he i fonh dingah hnu lei ah kir a si lai lo i, kan mah lei nih a san zong ralhrawng khamnak kan chiah tiah Morrison nih a chim.
Nu pawl le hngakchia pawl a that tu pawl cu kan mah nih mithmuh kuttongh in kan ton cang bantuk in a tu zongah Nu pawl le hngakchia pawl a that hnga ding miniung pakhat a um rih tiah Peter Duton nih a chim. Bitak te le timhlamhnak kan ngeih a hau i, a tu cozah kutchungah ral tuk nak caah timhlamh nak a um rih lo, ral tuk nak caah timhlamh nak kan ngeih a herh tiah a chim chap.
Peter nih cun Australia China le Russia ral in kan himkhawh nak hnga ding caah timhcia tein timhlamhnak kan ngeih a herh, a tu kan kan cozah kutchungah cun ral tuknak caah zeibantuk timhlamhnak hmanh a um rih lo , Russia bantuk in nu le hngakchia a that e minung pakhat a um rih i, cu cu China uktu Xi Jinping hi a si tiah a ti.
Leave a Reply