KNU Tatmaha 6 hmunhma ah 15 chung kahdohnak ah ralhrang ralkap le BGF ralkap minung 87 an thi , KNU lei in 12 nih an ka liam tak ve
===============
KNU Tatmaha 6 hmunhma ah ralhrang ralkap , BGF phukomh le KNLA , KNDO phukomh cu April in a thawh i ni 15 chung kahdohnak ah ralhranag ralkap le BGF rralkap lei in minung 87 an thi tiah KNU nih an langter nak ah kan thieh.
KNU Tatmaha 6 hmunhma ah ralhrang ralkap le BGF ralkap hna ikahnak ni 25 chungah kahdohnak 55 a chuah i ralhrang ralkap lei in minung 87 an thi i, 45 nih hliam an tuaar tianh theih a si. KNLA le KNDO kan ralkap lei in ram le miphun caah minung 12 an thi i minung 17 nih hlian an tuar ve tiah theih a si .
Ralhrang ralkap nih kahdohnak a chuah ni 15 chungah mipi an um nak khua hna ah hriamnam ngan in akah hna i mipi minung 4 an thi i 8 nih hliam an tuar tiah kan theih. Mah khawh in ralhrang ralkap nih Kawnkarat pengkulh chung kahdohnak ah raltuknak vanlawng in kahnak hna a tuah caah kaphnih karlaak kahdohnak cu pelhzulh in an chuah rik khawh tiah theih a si .
PDF Kong Relchap; Htilin Palek sakhan PDF nih an kah, Palek minung 20 mizapi lei ah an tang; Magwe Ramthen, Htilin Peng, Cin Palek sakhan cu 2022 April 17 zinglei sang ahkhan PDF nih an kah tiah theih a si.Cin Palek sakhan kahnak ah PDF lei nih palek a tuan mi hna cu nan dihlak mipi lei ah rak i tel uh tiah an sawm hna i palek minung 20 nih cun CDM an tuah nain Palek sakhan lutlai pa nih a duh lo ca ah SAC sin ah a report i PDF nih a tu bantuk in an kahnak hi a si.
“Palek sakhan ah minung 20 leeng an um. Palek sawhsawh hi cu kan lemsoi khawh ko hna nain an lutlai pa hi kan lemsoi khawh lo ca ah kan kah hi a si. Hi kan kahnak ah an lutlai pa cu a thi,” tiah PDF hruaitu nih a chim.An lutlai pa nih SAC sin ah phone in report a pek hna hnu Jet Fighter in PDF cu a kah hna nain hliamtuar le thihloh a tong mi an um lo tiah theih a si.
Kahdohnak kong Relchap; Tlangcungmi hna he i bawm in Rampi zatuak 45 kan ukhruai khawh tiah NUG nih a chim ,Tlangcung hriamtlai phu le mizapi ralkap PDF nih Myanmar rampi zatuak 45 cu an ukhruai khawh cang tiah NUG mizapi Cozah an dirh kum khat a tlin ni cathanh ah an telh.
Pyidaungsu Minister Man Win Khaing Than nih NUG kum khat a tlin ni cathanh cu Pyidaungsu Hluttaw a caan linak meeting ah a chim.Cathanh a chim mi chung ah, “PDF hna nih tlangcung hriamtlai phu hna bawmhnak in Rampi zatuak 15 an ukhruai hna i Dothlennak Alliance hriamtlai hna nih zatuak 30 tluk an ukhruai khawh ve,” ti mi aa tel.
Myanmar ram uknak ralhraang nih an laak hnu ralhrang ukhruainak tang ah riantuan le thlahlawh laak duh loin CDM a tuah mi ralhraang le palek minung 10,000 fai an um cang tiah NUG nih a thanh.
Leave a Reply