Breaking New ; Hakha Cawbuk Sang Ah Mino An Tlaih Hna ,

Hakha Cawbuk Sang Mino 5 An Tlaihmi Hna An Thlah Tthan Cang Hna
April 30 zaan suimilam 6:00 hrawng ah Hakha Cawbuk mino 5 cu Hakha khuathar Inwa Bank hmai ah SAC ralkap nih an rak tlaih hna.
“Annih hi an hawile sinah len aa thawh mi an si, SAC ralkap nih an dirter hna i an phone an chek piak dih hna. Anmah chungin lunghrinh mi hmanthlak an hmuh caah an tlaih beh hna hi a si,” tiah tualchung mi pakhat nih The Chin Post ah a chim.

Breaking News “May 1 zaan suimilam 9:46 ah Hakha ah li aa hnin, tiah kan theih. Aa hnin caan hi Second 6 chung hrawng a si i inn le lo ngaingai rawk ding in aa hning lo; a fak tuk lo,” tiah tualchung mi pakhat nih The Chin Post ah a chim. A luancia 2020 April 16 lio zong ah Hakha ah li fak ngai in a rak i hnin caah inn le lo cheukhat an rawk.

 

Thawngchia: Malaysia cozah nih ‘kanmah tein ralzaam card kan ser lai, UNHCR nih ralzaam card peknak nawl a ngei lo’ ati Kan hnu zarh ah Rohingya ralzaam pawl nih Malaysia thonginn (camp) an baoh caah Malaysia cozah a thinhung tuk. UNHCR nih ralzaam card a pekmi hna hi kan cohlang ti lai lo, kanmah cozah bak nih ralzaam card kan ser pek hna lai i mah lawng cu kan cohlan cang lai. UNHCR nih ralzaam card peknak nawl a ngei lo, ati. “Phungninglo in Malaysia a lutmi pawl cu ralzaam ah cohlan ding an si lo. Passport he phungning tein a ra i ralzaam a sokmi Syria, Afganistan, tbk. pawl cu umnak nawl kan pek hna i kan tlai hna lo.

A ser tak lai/lo zong hngalh asi rih lo i a va ser zongah a hlawhtling lo khomi si. Hi hlan zongah ralzaam caah card ka ser lai a ti tawn nain a hlawhtling tak bal lo. Malaysia cozah nih ralzaam card ka ser lai a timi hi ralzaam dawt si loin ralzaam le phungninglo ramdangmi fawi tein tlaih khawhnak caah asi deuh. Malaysia ahhin Chinmi 40,000 hrawng kan um. Mah chungah 22,700 lawng hi UNHCR card le catlap a ngeimi an si, tiah UNHCR nih 2022 March thla dongh ah a chim. Credit: The Chin Express

Thawngpang dang: Sianginn Uk Pakhat PDF Na Si Tiah SAC Ralkap Nih Sual An Puh I An Tlaih: Kalay, Pinlung sang Saihkanthar(ဆိပ်ကမ်းသာ) lam ah a um chungmi Tintha(တင်သား) khuami, Hmandaw sianginn uktu Kyaw Min Naing cu PDF na si, tiah SAC ralkap nih April 29 zanlei ah an tlaih, tiah theih a si. Kyaw Min Naing cu CDM a tuahmi a si i SAC Media nih lih le hrolhrol in sual an puh hi a si. Credit: The Chin Post

FALAM KHAWPI AH BOMB PAL NGAH RUANG AH KUT LE KEE BUL 1.5.2022 Chinram falam khawpi ah tu ni zanlak nazo 2:00pm hrawng ah Tlangval MawngLianThang( kum 18) cu Rih zin pial nak kiang ah pal bomb bike thon a pal ngah ih a puak ruangah a kee kehlam le a ban kehlam a bul asi tin thuthei asi. A rualpi pawl thon bawhlung lek ding in an feh ih nunnau pakhat a phur cu tin bike thon an pal ngah mi asi.nunnau nu cu hliam tuar lo nan lungmit in a um ih an pa hnih in falam siizung feh pi an si. Falam siizung ah tuam hlom rero an si. Zo ih pal bomb kam mi ti cu thei asi hrih lo tin thuthei bet asi. Poi kan ti nasa.

Thawngdang, Col.Solomon Nih A Voikhatnak Zophei-CDF Conference Ah Bia A Chimnak, Hi bantuk caan sunglawi, caan ttha an kan peetuu kan  Pathian a min thangthat si ko seh. A voikhat nak  Zophei-CDF Conference ah hi bantuk in caan ttha biachimnak a ka pee tu naa cungah kaa lom. Min Aung Hlaing nih uknak a vun laak ah khan, Kawlram pumpi in, Yagon in, Mandalay in, Naypyidaw in mipi duhlonak an lamghter, cun Hakha, Thantlang le kan Chinland a um mi vialte kan khuapi in khuate tiangah duhlonak an langhter.

Mah duhlonak an langhter nak ah kan Khuate vialte zong an i tel tikah kaa lom ngai, Nihin ni ah  kan duh bikmi kum 70 chung hriamtlaih in raltuk in kan EAOs tlangcung hriamtlai vialte, nihin ni tiang kan tuk cuah mah mi hi, hihin ni ah a phan cuahmah, kan duhmi kha meithal tlaihin kan hal hna, an kan pee lo.

Cabuai cungin kan hal hna an kan pee lo, Hi kaa hin fiang tein rak kan theih pi ulaw ti ka duh mi cu, CDF hi CNA le CNF nih a dirpi mi a si. Kan Chinland chungin khuapi pa 9 pinah, Kalay-Kabaw hi vialte telin CJDC ah kan umtii dih hna. Hi chungah hin kan nau le te hi mifim, mithiam tampi an um. Ni hinni ah rian nan tuancuah mah mi cungah, an i kah cuahmah cung ah, an thihpah cungah a herh cang ti caan a tuhi khua chungah uknak tuahcuahmah caan a si.

Hi vialte tuahpi khawh, kal pi khawh dingah hin CNF nih kan i zuam cuahmah mi a si. Cu caah cun nawl ngaih hi a tha bik, A tu CDF ka fa-nau le hna hi kha lio i ralkap uknak tangah a thang lian mi an i lo. Hlan lio ralkap  uknak tang a thang mi minung kha, Uknak chia in a kal mi kan si tikah Uknak a chia mi chungin a nung mi cu zeibantuk biaknak zong a ttha kho loh. Zeibantuk fimcawnnak zong a tha kho lo. Zeibantuk chawlehnak zong atha kho lo.

Hoi unau bantukin automatic kan ngei lo. Meithal tthattha kan ngei lo. A sinain  kan pupa hna nih an ngeihmi Lai meithal in a kaap nga mi Fa kan si hna. Hi an tuahnak cungah fakpiin an i palh lai lo. Hi dohnak cungah raalttha tein a doh mi an si hna. Raltuk timi cu lungthin te tuk a si. Nihin ni caan ah Pa le Pa ikah a cun, ikah ding si ko. Nihin ni caan ah zei ruangah dah kan inn le loo vialte an khangh dih.

Zeicaahdah kan far-nau lete an tlaih hrem hna. Zeicaahdah an hngawng an tan hna, an kut an tan hna, an phei an tan hna, Na hmu lo maw? Kan miphun piin kan ing, Hi kan ingnak cungah phet ai chenmi, Hi dohhlennak chungah aa tel lomi kaa dang ah a kal mi, Hi dohthlennak dih tik, a that tikah, na tlun tikah cun kan Khua sang ceo, sangtangah chiah na si te lai. Nihnin ni ah hi raal hi kan tei lai. Zeicaah kan tei lai lo.

A hlan ah cun tlangcung hriamtlai vialte nih kan mah umhmun in kan kah, Nihnin ni ah khakha a si ti lo. Mah Kawlram chung piah aum mi Naypyidaw in, Mandalay in, Yangon in, Sagaing, a kaa kipin kah an si. Nihin ni ah cozah riantuan, CDM vialte ukpat awk bak nan si. kan i ukpat hna. Cozah rian a kal kho ti lo. Zohuh kumkhat chung ah 100 cungah 70 kan tei lai. A tu atang mi hi lungthin a si. A tu atang mi hi ibomh a si.

A tu atang mi hi dohthlennak pawl kalpi lawng kha kan rian a si. Cucaah dohthlennak thazaang a that cuahmah lio pi, Dohthlennak thawngseh tiah kan i zuam lio pi, Hi dohthlennak chungah nunnak thisen luanin, Inn le loo kaltak in a um mi vialte cungah, a kal cuahmah mi ah, hi dohthlennak thazaang zuarter a timh i, ramdang te hna tlikter i, Refugee a lem mi zongkha, Miphun dohthlennak a hrawh tu na si.

Mah caah cun u le nau hna, Nihin ni ah tei kan duh, Nihin ni  dohthlennak hi a donghnak sieh ti kan duh. Nihin ni CDF kan far-nau le an raalttha, Hi a raaltthami mino hna hruainak hnu ah hin dirkamh hna usih. Tuchan mino caan a si. Hi kan fa-nau le hna hi an palh bak lai lo. Zapi nih kan zoh ko hna. Mah caah cun teinak kan duh a si ah cun, teinak lungthin kan ngeih a hau, A doh ngammi minung kha ramchung ramleng nih bomh ko hna usih.

Hi dohthlennak kan tuah cuahmah chungah hin, Khuakhat le khuakhat, pengkhat le pengkhat, tlangkhat le tlangkhat ram icuh zong um hlahseh. A tu caanah icuh caan a si lo. A tu caan ah ithah caan a si lo. Mah le mah isik caan a si lo. Hi hna nih an kan tih lai tiah an tuah mi, a tih lomi miphun kan si zia hi,  nuam te le panh te le, pakhat le khat lungrualte, Pakhat le pakhat kutsih tein, hmunkhat teah kaltii ko hna usih. Teinak cu Pathian ta a si, a nung mi Pathian itlaih bu tein, a dih rih lomi dohthlennak ah hin kan zaapi tein kal hna usih ti kha chin ka duh mi a si” tiah a chim.

Be the first to comment

Leave a Reply

Your email address will not be published.


*