Breaking; NATO Ram Hna Zong Timhlamhnak Nganpi An Ngei Ve Cang Hih!

Norway Ram Ah Nyitoe Phu Nih Raltuk Ningcang Cu Topui Taktakin An Cawng!

Ukraine cu Russia nih kahdohnak a tuah cuahmah lio le buainak a linsat lioah Nyitoe chungtel phu nih cun Norway ram ah raltuk ningcang ropui taktakin an tuah.

Cu raltuk ningcang cawnnak ahcun ram 27 an i tel i, minung thong 30000 an i tel tiah theih a si.

Cupinah Nyitoe chungtel ram silomi Sweden le Phinland ram zong nih an ralkap zeimawzat an i tel ve i, April (1) ah an dih te lai tiah theih a si.

Raltuk ningcang an cawnnak ahcun Norway ram cu kahdoh a tongmi bantukin an tuah i, France, Poland, Spain ram i an ralkap hna nih Norway ram thlanglei sakhan in rianrang taktakin lehrulhnak an tuah ve. Hi kahdohnak cu kum 2006 thawkin kumfatin tein an rak tuah cang i, Ukraine cu Russia nih a kahdohnak kong he zeihmanh aa pehtlai lo tiah Norway ralkap nih cathanh an chuah.

Asinain Nyitoe chungtel phu fonhmi hruaitu bogyokegyi Rob Bauer nih cun harsatnak le kahdohnak zual taktak ton caan ah tiin timhlamhnak kan tuahmi a si i, ruah bal lomi zong atu cu ruah caan a si cang tiah a chim.

Crd: Voice of Myanmar

Kalay Peng Chung Kahdohnak In CDF KKG Ralkap Pakhat Nunnak Liam!

Kum 2022 March 18 ah Kalay peng chung Gian Tha khua ah sakhan tuahtu SAC ralhrang ralkap nih Hman Taw khua leiah kahdohnak tuah dingin an kal i, CDF KKG Battalion (4), PDF Kalay, RKDF, ပကဖ fonhmi phu he Hman Taw khua pawngah an i kap.

Kahdohnak caan cu March 18 zanlei sml 3:00-4:30 tiang a rau i, sml 1:30 tluk rau an i kahdohnak ahcun CDF fonhmi phu nih hriamngan he hriamhme he an kah bangin SAC ralhrang ralkap zong nih hriamngan he hriamhme he an kan kah ve.

Cu kahdohnak caan chungah CDF KKG pakhat nunnak a liam i, a dang pakhat nih a zual lomi hliam a tuar. SAC ralhrang ralkap leikap ah a thimi le hliammi zat theihfian a si lo.

Crd: Zalen

Myanmar ram chungah SAC ralhrang nih mipi tlaihhrem kahdoh ruangah inn le lo atlik tak mi minung ting 8 le cheu leng an umnak kong cu UNOCHA nih cathanh a chuah.

Myanmar ram pumpi chungah SAC ralhrang nih uknak an lak hlan ah minung 370,000 hrawng nih inn le lo an chuah tak i, SAC ralhrang nih uknak an lak hnu ah minung 495,300 tel in an zaa piin miluu 865,700 nih inn le loo an chuah tak cang tiah theih a si.

Myanmar ram chung nichuah chak lei ah kahdohnak a fak chin chin i khuami hna nih an chuah keh nak an inn le loo an chuah tak tiah UNOCHA nih cathanh a chuah.

March ni 7 miluu relnak in kum 2021 February in a caang mi kawlram buainak ruangah miluu 228,900 hna nih Kawlram nichuah chaklei ah inn le loo an chhuah tak tiah theih a si.

Mah ralzaam pawl hi Kaya ram in miluu 93,800 an si. Kayin ram in miluu 69,100 an si. Mon ram in 7,500 an si . Thanintari ramthen in 3,700 an si i Bago ramthen in miluu 800 an si tiah theih a si.

Kawlram Chung Ah Inn Le Loo A Tlik Tak Mi Ting 8 Leng An Um Cang

Myanmar ram chungah SAC ralhrang nih mipi tlaihhrem kahdoh ruangah inn le lo atlik tak mi minung ting 8 le cheu leng an umnak kong cu UNOCHA nih cathanh a chuah.

Myanmar ram pumpi chungah SAC ralhrang nih uknak an lak hlan ah minung 370,000 hrawng nih inn le lo an chuah tak i, SAC ralhrang nih uknak an lak hnu ah minung 495,300 tel in an zaa piin miluu 865,700 nih inn le loo an chuah tak cang tiah theih a si.

Myanmar ram chung nichuah chak lei ah kahdohnak a fak chin chin i khuami hna nih an chuah keh nak an inn le loo an chuah tak tiah UNOCHA nih cathanh a chuah.

March ni 7 miluu relnak in kum 2021 February in a caang mi kawlram buainak ruangah miluu 228,900 hna nih Kawlram nichuah chaklei ah inn le loo an chhuah tak tiah theih a si.

Mah ralzaam pawl hi Kaya ram in miluu 93,800 an si. Kayin ram in miluu 69,100 an si. Mon ram in 7,500 an si . Thanintari ramthen in 3,700 an si i Bago ramthen in miluu 800 an si tiah theih a si.