Pu Solomon: Vanlong Kahnak Cu Kan Cawk Bak Ko, Pu Solomon: Vanlong kahnak cu kan cawk bak ko. Rak kan zum ko uh.

Chin miphun dothlennak kum 34 tlinnak an tuahnak ah Pu Solomon cu The Chin Post nih biaruahnak an tuah. Biaruahnak an tuah mi chung ah Vanlong kahnak kong an hal i tihin a leh hna. Vanlong kahnak hi Vaurawng nih cawk ding in an au pi i phaisa zong tampi a chuak tiah kan theih. Cheukhat nih an caw taktak bal lai lo an ti, cheu khat nih an cawk taktak ko an ti i chim awk a tha hnga maw tiah an hal.

Pu Solomon nihcun Vanlong kahnak cu kan cawk bak ko. Thantlang zong ah kan kah, Hakha zong ah kan kah. Voikhat cu a mei ah kan khen. Na zumh lo ahcun ra law na kut bak in na thongh lai i na phurh lai. Kan cawk ko tiah Pu Solomon nihcun a chim.

Ralhrang nih uknak an lak hnu ahhin ralhrang Helicopter hi 4 hrawng a tla cang. Kachin ram, Karen ramkulh le Kayah ramkulh lei ah ralhrang Helicopter hi an kah thlak piak cang hna.

KNC Party Chairman Dr. M Kawn La Cu Kum (2) Thongthlak A Tong!

KNC party chairman simi Dr. Arm Kawn La cu section 505-က in Nyi Pyi Taw, Ya Myo Tyi Rih peng biaceihnak zung nih kum (2) chung thong an thlaknak kong cu anmah party social media cahmai ah an thlah. Dr. M Kawn La cu kum 2021 August 25 ah khan Nyi Pyi Taw, amah sikhan in a tlunnak lampi ah tlaih a tongtu a si.

Amah cu vawlei hmunram kong le federal democracy kongah biatak tein thazaang chuah in a cawlcanghtu pakhat a si i, ramkhel party hna cu SAC ralhrang ralkap nih an sawm hna tik zongah kai/tel duh loin a ummi Kachin ramkhel hruaitu a si.

Crd: Kachin Wave

Ton Zang Khuapi Ah Tuzing Meithal A Puak!

Chin ramkulh Ton Zang khuapi ah March 22 zinglei sml 4:00-5:00 karlak ah meithal puah thawng kan theih tiah khuami nih an chim. Ton Zang khuapi chungah meithal puah thawng theih cu a vawikhatnak bik a si i, nihin ni cu siang ngakchia cammipuai an lim ni zong a si tiah Zalen nih a tial.

Ukraine Ram Donbas Ah Hngakchia Minung 2000 Leng Russia Ralkap Hna Nih An I Kal Pi Hna

Donbas ah hngakchia pawl cu Russia ralkap hna nih an tlaih hna tiah Ukraine nih March hla ni 22 ah a chim. Ukraine Ramkhel vuanci zung i langhter ning ah cun Donbas ah hngakchia minung 2389 cu phungning loin Russia ralkap hna nih Russia ram ah an kuat hna tiah theih a si.

2014 Russia le Ukraine kahdohnak a chuah hnu ah Ukraine ram ah a um mi Donbas cu Russia nih a herh mi  Ukraine in chuah a duh mi an si. Cun Donetsk and Luhanz hna zong luannak a hmu mi an si nak kong cu Putin nih a chim hnu ah mah hna khua hna cu a tu ah bitak tein buaipi mi an si.

Mah ka hmun cu Russia uknak tangah an um mi Putin nih sakhan sernak nawl zong a pek hna tiah theih a si. Russia nih Ukraine  kahdohnak chungah Russia ahmutinh cu hngakchia pawl hi an ti tiah theih  a si. A luancia mi chung ah khan hngakchia pawl an i dor nak hmun Theater zung cu Russia nih hriamnam ngan in a kah tiah Ukraine nih a rak chim. Nain Russia nih Ukraine hi ka doh mi  si loin Special Operations ka tuah mi a si tiah a chim i,

Russia nih Khuami le rammi pawl hmuitinh in ka do hna lo tiah a chim. A sinain Kyiv khuapi ah a um mi thilcawknak centre pakhat ah hriamnam an thuh caah Dungci in ka kah tiah a rak ti.  Mariupol khuapi cu nan thlah a si ah cun mah khuapi ah a um mi khuami pawl cu an himnak hmun ah thialnak nawl kan pek hna lai tiah a ti ko nain Ukraine nih a duh lo tiah theih a si.