Ralkap Nih Uknak An Lak Hnu In Kaya Ramkulh Ah Minung (Mipi) 247 Thah An Tong Cang, 2021 February thla in 2022 April 1 tiang kum 1 leng chung ah Kaya ramkulh ah SAC ralkap kut in minung 247 an nunnak liam cang tiah Progressive Karenni People Force(PKPF) nih cathanh a chuah.
SAC nih Kaya ramkulh ah ralkap thazaang le hriam phunphun hmang in tualcung mipi hna le mipi veng tu ralkap phu hna cu heh tiah an doh hna. SAC ralkap kut in mipi vengtu ralkap minung 101an nunnak a liam i Kaya ramkulh cu SAC nih Vanlawng in voi 108 a kah i Biaknak he aa pehtlai mi building 14, mipi inn 889 a rawk tiah theih a si.
Tualchung mipi vengtu ralkap nih SAC ralkap an doh hna nak kum 1 leng chung ah SAC ralkap 933 an thi cang i ralkap mawtaw 28 tiang an hrawh khawh tiah PKPF nih an thanh mi in theih a si.
Russia Ralkap Hna Nih Chernobyl Power Nuclear Sernak Hmun An Chuahtak Dih, Russia nih Ukraine tukdoh a ngol rih lo nain Ukraine ram i nuclear power sernak Chernobyl cu Russia ralkap nih an chuahtak dih cang, tiah Nihin April 1 ah Kiev nih official in a thanh. Ukraine ram i nuclear power lei a tawlreltu Energoatom nih cun, “Ukraine nuclear power serchuahnak Chernobyl ah hin Russia ralkap pakhat hmanh an um ti lo,” tiah an facebook cahmai ah an taar. Hi kong he pehtlai in International Atomic Energy Agency (IAEA) zong nih, Russia nih Chernobyl an chuaktak kong cu an fehter ve.
Hika hmun hi A luancia 1986 lio ah Nuclear radiation a rak chuaksual mi a um caah chiatnak nganpi a rak chuahnak hmun a si i, Cucaah Russia nih hmuitinh hmasa bik ah i ngeih in Ukraine a tuk suimilam tlawmpal ah a laak colh. Sinain hika hmun hin chiatnak ngan deuh chin a chuahsual nakhnga lo Chernobyl rianṭuantu Ukraine mi hna nih cun an zohkhenh ṭhiamṭhiam rih. Energoatom nih a langhter ning ah cun hika hmun um Russia ralkap hna nih vawlei khor an cawhnak ah nuclear zungzam an i dawp sual i, mi tampi cu an zawt caah thinphang in an um i, a rannak in an chuahtaknak hi a si, tiah an thanh.
Sinain, Russia lei nih cun Chernobyl Nuclear sernak hmun chuahtak kongkau ah zeihmanh an thanh rih lo. Nizan tihni teah Russia nih Mariupol kah a dorh deuh lai kong a chim nain faak deuh chin in tukdoh a timh ti thawngpang a than ṭhan caah Maiupol khuapi i a taang rih mi minung thiar chuak ding in tuzing ah Bus tampi nih Mariupol khuapi an panh, tiah Aljazeera nih a ṭial.
U Win Naing Kum (50) hrawng a si mi cu a mah a dawr a si mi nawn zuar nak ah mi theih lo mi minung pahnih cu cycle in an rak phan i meithal in an kahthah hnuah an kir tthan tiah theih a si.
Mandalay Thongtla Pawl Cu Ek-Inn Ti Bak Din Ti Ah An Din Ei Ter Hna, Mandalay, Oo-Boe thonginn chungah thonginn bawi pawl nih politics lei kongah thong thlak a tongmi pawl cu din awk ti an peknak hna Seh a rawk tiah an hlen hna ii Ek-inn titu kha an din eiter hna, tiah thong a tlami an chungkhat pawl sinin theih a si.
Oo-Boe thonginn chung ahcun Kheng ttawl kan duh tik zongah Ek-inn tiin kholh ttawl a hau. Ek-Inn tii a um lo caan a um caah pawng kal loin kan um caan zong a um. Tii kholh duh zongah minute pakhat chung lawng a ngah. Hiti ti thiang kan ngah lo ruangah kan tak pum ah hma lawng tein a khat. Khua caan a linh caah a har chinchin, tiah thongtla pawl sinin theih a si.
Myitkyina Khuapi Chungah Chiah Mi CCTV Cheukhat Bomb In An Hrawh, Kachin ram, Myitkyina khuapi ah Security caah tiin chiah in CCTV cheukhat pawl cu March thla ni 31, zaan lei ah bomb in an hrawh tiah khuami sinin thawng kan theih. Myitkhyina Bala hlei pawngah an chiah mi CCTV pahnih cu Zaan lei suimilam 9:00 hrawngah bomb in an hrawh hi a si.
” Bomb puah thawng kan theih i Bomb puah thawng hi suimilam a cheu chung hrawng kan theih lo hnuah kan va dothlat tikah CCTV an hrawh mi a si tiin kan theih” ti in khuami pakhat nih a chim. Bomb puah ruangah hliam tuar le thgilri dang sungh mi cu a um lo tiin khuami pakhat nih a chim chap.
Mandalay Ah Mi Pakhat A Mah A Dawr Lila Hmai Ah Meithal In An Kah Thah, Mandalay khuapi, Chain Aye Tazar peng, Aung Nan sang a um mi U Win Naing cu March thla ni 31, Suimilam 6:00 hrawngah a mah a dawr lila hmaiah meithal in an kah thah tiah Security he aa neihniam mi pakhat sinin thawng kan theih.
U Win Naing Kum (50) hrawng a si mi cu a mah a dawr a si mi nawn zuar nak ah mi theih lo mi minung pahnih cu cycle in an rak phan i meithal in an kahthah hnuah an kir tthan tiah theih a si.
Myitkyina Khuapi Chungah Chiah Mi CCTV Cheukhat Bomb In An Hrawh, Kachin ram, Myitkyina khuapi ah Security caah tiin chiah in CCTV cheukhat pawl cu March thla ni 31, zaan lei ah bomb in an hrawh tiah khuami sinin thawng kan theih. Myitkhyina Bala hlei pawngah an chiah mi CCTV pahnih cu Zaan lei suimilam 9:00 hrawngah bomb in an hrawh hi a si.
” Bomb puah thawng kan theih i Bomb puah thawng hi suimilam a cheu chung hrawng kan theih lo hnuah kan va dothlat tikah CCTV an hrawh mi a si tiin kan theih” ti in khuami pakhat nih a chim. Bomb puah ruangah hliam tuar le thgilri dang sungh mi cu a um lo tiin khuami pakhat nih a chim chap.
Leave a Reply