BREAKING, Myanmar Mi Sangtea Mizoram Ah Mizapi Nih An Thah!!

Myanmar mi pakhat Mizoram ah mizapi nih an thah

Mizoram khua pakhat ah Myanmar mi a si tiah timi pa pakhat cu mizapi nih an vuaknak ah a nunnak a liam tiah The Times of India nih a ttial. Myanmar mi Sangtea tiah theih mi pa nih hin Mizoram khualipi Aizawl in 51km a hlatnak ah a um mi Nghalchawm khua mi pahnih Lalbiaknia le Lalrinunga timi hna hi nam he cawn nikhat ni ah khan thah a timh hmasa hna. Lalbiaknia hi a lu ah nam hma a tuar i a hma zong a fah deuh caah Aizawl ah an kal pi. Lalrinunga tu hi a ttang ah nam hma a tuar ve nain a hma a fah tuk lo caah Sairang sizung ah ai thlop ve tiah police nih an langhter.

Ref. the Times of India

Malaysia Ah Hrenkhumh Mi Rohingyi Minung 500 Leng An Zaam, Malaylsia ram ah a um mi minung luhnak hlethlainak sakhan ah phung ning loin a lut mi a um mi Rohingya minung 500 leng cu April ni 20 ah an zam dih tiah Malaysia cozah nih thawng thanh nak a tuah. Penang ah aum mi Sungai Bakap sakhan ah phihkhum mi a zzaam mi hi  minung 528 an si tiah Malaysia mi luhchuak hlethlai nak zungin President Khairul Dzaimee Daud nih a chim.

Mah thil sining hi April ni 20 Suimilam 4:30 ah mah thil hi acang mi a si i sakhan kutkaa pawl le phihkham mi pawl zong an hrawh dih a rawk dih i an zaam an tlik nak hi a si tiah a chim. Mah sakhan hi Kida ram le Penang pawngah a um mi a si i a buaitlak in chim ah cun phung ning loin a lut mi pawl an hren nak hmun (lah Wah Kah) sakhan hmun  pakhat a si tiah theih a si.

Hrenkhumh a si mi ralzaam pawl cu an thutumnak a thur hnawm tuk ruangah a tu bantuk in an tlik zaam nak hi a si tiah thawngpang hna a leng. Tuni suimilam 10:00 tiang ah a tlik zaam mi chungin minung 362 pahnih an tlaih than hna tiah theih a si i a tang mi pawl zong tlaih tthan hna dingin kawl cuahmah an si tiah Khairul Dzaimee Daud nih a chim. Ced-CNA