Demoso Hmunhma Pahnih Ah Kahdohnak A Chuak I SAC Ralhrang Minung 39 An Thi Tiah PDF Nih A Chim
Kaya ram Demoso peng chung hmunhma pahnih ah nizaan ah khan kahdohnak a chuak i SAC ralhrang minung 39 an nunnak aliam i mipi humhimtu Demoso-PDF in minung pali nih hlaim an tuar tiah Demoso PDF nih achim.
Domoso peng, Tesu Lay khua le Daw Naw Goo khua kar laak ah a rak ra mi SAC ralhrang pawl cu Demoso-PDF le KGZ hna nih an kahdoh hna i,
Baya Ngoh Tu le Khoh Sii Kan khua lei ah a rak ra mi SAC ralhrang pawl cu Demoso-PDF phu fonh , CTU le a dang hriamtlai phu hna nih an kahdoh nak hna kong cu Demoso-PDF nih a langhter.
Mah kodoh nak cu nikhat chung fak piin a chuah caah SAC ralhrang lei minung 39 an nunnak aliam i Demoso-PDF in minung pali nih hliam an tuar tiah theih a si.
Lunglawmhnak le Ngaihchiatnak Aa Cawh Ko Ee
CNA /CDF / CNDF / PDF – Zoland nih thawngṭha ankan phawrh. Lunglawmh nak Ni asi. Mindat Kan Unau han bangin kan ral atha ve Tinak le Pale Bo Naga kan hluan ve Tinak asi. Lawmh loin um khawh asi lo. Ralhrang Rallokap 61 cu Munghingkha an dangh hna. Rikhawdar Ralloakap camp zikpit tein an tuk. Uico 5 nih Munghingkha khim tein an ei buin mithi khua viza an hmuh.
Tampi hliam an tuar rih. Falam le Hakha karlak ah Uirual an tap. Hakha an lanh khawh ti lo. Bo Naga bangin bomb hmang kan thiam cang. Mah tein bomb in pamh asi ti lo. Putoa ah Uirual tampi an thah hna. KNU nih tam nawn an thah ve hna. Kerenni ah tampi an thah ve hna.
Khat lei ah lunglawmhnak a si terlo tu thawngpang: CNA / CDF (3), CNDF 1 nih an kan liam tak. CNDF Chin paraltha pa hi minung tuah in an tuah lo. Ngawngphet le mit mu loin. Dokthek innlo an duah. India bawmhmi dungci in Rungtlang in an kan kah. CDF – Hakha Ralkap an tlaih. India in cawkmi Hriamnam le Ralkap thilri, raltuknak thilril vialte Assam Rifle nih tlaih lengmang. Lung hi a tha hrim lo.
Ngeihchun mi tein cawk ve mi asi cu mu. Dibezin ah PDF 11 cu saram bangin an thah hna. Chaungkhuah ah Chin nufa rual (3) an tlaihrem hna hnu ah ankan thah bet. Hriamnam tlamtlinlo ruangah mino hna an liam kan hmuh ah mikip kha ngiar le ti chih kan duh tawn hna. Nain I soisel can silo, Pumkhat si can asi. I ngaihthiam can asi tiah lugcan kan I pe. Then khawh loin pumkhat si ko usih tiah kan I hnem. Nain Soisel siloin uhtanh nak cu chimphuan khawh asi ve ko lo maw kan ti tawn ve.
NuCi riantuannak zoh tik ah International lawng ah papek deuh asi. Ground level ah a herh mi bawmh le Hriamnam bawmh ah a chambau tuk rih mi ruat ah lung amit ko. Nunnak pekin Raldoh mi caah bawmhnak hi aum tluk asi. Nunnak pektu Ralkap hna le NuCi hi lamhla tuk ah um veve asi. Nainiam tein tuan ti khawh asi rih lo. Ahmun um mino nih nunnak pek hna hlah sehlaw, NuCi hi Zawmelung ti dan in Thli Cozah le Lamhla cozah taktak asi cang hnga? NuCi um hlah sehlaw, AHmun um mino Ralkap vialte hi Muci tling in Ralkapbu pakhat kan si khawh deuh men lai ti zong ruah can aum pah. Kannih nunnak kan pe, Annih cachuah le thanhca ah an iza.
Ahmun ah ratin thazang peknak tal an tuah ballo tiah thachiah a fawi te cang. Mino cu kan ingpuan tuk tikah kan pamh len ko hna nain ahnu ah kan lung adai than. Ram caah nunnak pek kan I thimh than ko. Aw zei ti awk tha, SAC nih le hrangchin lengmang in cihmih an kan timh. Hriamnam nih le pek ballo. Kan ngeihchun tein Mino Ralkap vialte fonh in tah kan tuk rih ko hna lai, kan ti than. Dawtnak le zawnruah nak he an kan hlut tu tlawmte sin in kan hmuh mi te in teh nunnak pek in kan doh rih ko lai kan ti.
Hi tluk can har lak ah an kan bawmhtu hna hi lawmh lo awk an tha lo kan ti tawn. 007 bangin hriamtling he ralteinak kong cu kan ruat ngam ve tilo. Hnu kirh awk kan tha tilo caah Kan Kedan lawng hi Kan Ralhruang asi kan ti cang ko. Kanmah cu kanmah lawng kan um caah NuCi, International le Ramdang cu kan bochan ngam ti hna lo. Kanmah tein kan ngeih mi te in raltei hlan tiang nunnak le thisen pek in kan doh lai tiah biakamnak he kan si.
PDF /CDF Ralkap tampi cu meithal ngeih lo lawngte, Vanlawng thawng theih poah ah mah le mah I zoh in kan mit arti tia asi mi lawng kan covo asi. NuCi zong cu Mino Ralkap hlut ding nakin Vawlei ki li athli nak ah a baa deuh cang. Aho ka hlut lai ti hmanh theih cawk lo tiang in a tammi GZ mino Ralkap phu rual hna, kan tam tuk hrinhran. Nain NuCi zong hi acan ah an poi tuk tawn nak cu Major le Minor an then thiam tawn lo. Soisel silo.
Uhtanh bia. Nuar bia. Hriamnam bawmh le PDF / CDF/ LDF pumkhat siter awk ah I zuam in hma lak hmasat loin, Can Karlak Lakhruak Fimcawnnak a hei ti leh bang ah hin cun, sawk ko in ngalh afawi te. Rianpipa le hmasa le hmanung rian thleidan thiam lo ahcun a theih mi Mifimthiam hna hal awk asi ko. Asilo ah mifim thiam tampi kha NuCi member le kusale ah hmang ah apoi nak aum ve fawn lo. Crd-Zingtincuai Cinzah
A Tu Lio Vawlei Cungah Miralttha (Hero) Bik An Ti Mi Ukraine President Zelensky Nakin A Ralttha Deuh Mi Kan Myanmar President
Ukraine president Zelensky cu Buiden nih ” Na ram chuah tak na duh cun na chungkhat he chuah ding in kan bomh hna lai” tiah a ti. A sinain Ukraine president Zelensky nih ” Ka ram phun ning loin a dohtu cu ralttha tein ka doh hna lai i hriamnam tu in ka bom” tiah a leh.
A sinian Feb: 1 ah hriamnam i bochan in hramhram in uknak ala mi SAC ralhrang hna nih kan Kawlram president cu ” a ngam dam lo nak kong chim in SAC ralhrang hna nih President in chuah ding in an ti i a lu ah meithal in i tinh in President in chuah ding ah min an thut ter.
Kan Myanmar president ” kei cu mi dam ka si ko nan mah zulh phung he aa pehtlai lo in thil nan tuah caah ka tuah kho lo, nan duh lo a si ah cun meithal in ka kahthah ko uh” tiah ralttha tein a ti hna caah SAC ralhrang pawl cu zeihmanh loin a kir ter hna.
Mah ruangah SAC ralhrang pawl cu a tu tiang ah uknak an lak mi cu an hlawh a tling kho lo kan ti khawh. Mah president pahnih hna cu a dik mi thil ah cun ralttha tein thil an tuah ngam i a ruang cu man angei mi an buanbia ruangah a si kan ti kho. Ref; NP
Ukraine War Update: Ukraine Zaporizhzhia nuclear power plant cu Russia nih rocket in a kah caah khu thluahmah in a kang i vawleicung mipi cu thinphang thlalau in um dih asi. Asinain suimilam 4 hnu ah riantuantu le firefighters pawl nih an phalh khawh than cang. International Atomic Energy Agency (IAEA) Director-General Rafael Mariano Grossi nih normal tein a um kho than cang redioative zong a chuak lo tiin a chim.
Thailand Mino 2000 Leng Nih Ukraine Bomh Dingah Min An Pek
Russia le Ukraine an i doh lio pi ah Thailand mino 2000 leng nih cun Democracy duhnak langhter in Ukraine bomh in Russia ralkap pawl doh pi dingah Bangkok um Ukraine Embassy ah an min an i pee tiah theih a si.
Ukraine bomh dingin Thailand miralttha pawl hna lak ah Thailand ram cung lei ralkap hlun minung pakhat aa tel ve tiah theih a si. Cheukhat nih online in an min an i pee tiah theih a si i, cheukhat cu Ukraine Embassy ah va kal in hmaitonh in an min an i pe tiah theih a si. Hmaitonh in a min aa pee mi hna lak ah Thailand cunglei ralbawi hlun Hanaphong Phongpai zong aa tel ve tiah theih a si.
Hanaphong Phongpai ” Ukraine nih cun Russia an do. Doh dingah Ukraine mipi cu zalonnak Democracy a duh tu an si. Kan nih Thiland mi zong Democracy duhtu kan si bangin Ukraine ram caah zei dah ka tuah kho timi hi ka ruat theu ton.
Cu ruangah cun Democracy duhnak langhter nak caah raldo bawmh khawh dingah min ka pek. Russia nih Ukraine a doh mi hi a dik lo tiin ka hmuh. Aa thawk kaa in ralkap hmunhma lawngah doh dingin an chim nain, a tu ah cun Russia nih Ukraine mipi zawn ruat ti lo in,
Sii-inn le sianginn hna zong bom in an kah. Hi ruangah hin Ukraine bomh dingin bomhduh chanhnak ka ngeih hi a si. Thih na tih lo maw tiin an kan ti a sinain thih hi ka tih ve ko. Decemoracy a khel ding kan si.
Ukraine mipi sinah Chim ka duh mi cu nan mah lawng si lo in mi tampi nan lei ah kan um. Vawleipi hna nih kan i philh hna lai lo i Nan mah bomh duh ah mi tampi kan um. Kan mah cu super power ngei kan si lo nain Kan i bomh hna i tangrualti nak kan ngei hna lai.
Nan mah bomh dingin kan i zuam cio cio hna lai i, rak kan hngak rih hram ko uh” tiah a chim. Bangkok hrambunh Ukraine Embassy palai nih ” Ukraine bomh duh ah min a pe mi pawl cu raltuk cawnnak ngei le ngeih lo ding timi cu thawngfiang tein theih nak dingah Email in chawnhbaik khawh a si ” tiah a chim.
Leave a Reply