China Vanlawng A Kang Hliam Tuar An Tam
Khual tlawng minung 113 phortu China khualtawlng vanlawng cu Chongqing Airport May ni 12 ah a kalnak lam ah aa thui sual caah mei a kang tiah theih a si. Tibet vanlawng lam Airbus A319 vanalwng cu Tibet mah tein iuknak hmuhma ah a um mi Ninchi khuapi lei ah zuan dingin aa timhmi China vanlawng cu mei in a kang caah minung 36 hliam an tuar tiah theih a si.
Vanlawng cungah khualtlawng minung 113 le valawng riantuantu minung pa 9 an i tel tiah China vanlawng lei in mi pakhat nih a chim. An za piin an himnak hnga ding caah hmundang thial an si i, hliam a tuar mi 36 hna cu sizungah an kuat hna tiah theih a si. March thla lio zongah China nih a ngeih mi vanlawng Guangxi Zhuang cu a tlak sual caah minung 131 an nunnak a liam tiah theih a si.
Myanmar Defense Force(MDF) nih vanlei ralvennak, rifle 6.6 kuan hmang mi, hmunhlat kahnak ah hmanmi rifle phunkhat kan ser mi cu a hlawhtling cang, tiah cathanh an chuah. Vanlawng kahnak taktak bantuk in a thawng mi cu a si lo nain, ṭhathnemnak tampi a ngei, tiah an chim. “Zeitluk hlat tiang dah a kah khawh cu fiang tein chim awk a ṭha rih lo.
Zeiruang ah ti ah cun zei tluk tiang a kah khawh kan chim ahcun cunak hlat sang in vanlawng an zuang sual lai. 1km nak sang tinh mi hmun cu ṭha tein a kah khawh, hi hriamthil hi voi tampi zohchunhnak tuah in a tlamtlin hnu ah kan langhter mi a si,” tiah Myanmar Defense Force(MDF) in ṭuanvo ngeitu pakhat nih a chim. “Kan ser mi hriam cu vanlawng kahnak taktak bantuk in a thawng lo na in, hriamthil tampi he hmunkip in ṭan khawh ahcun a ṭhawng mi hriam a si kho,” tiah a chim chap.
Magwe Ramṭhen ah SAC Ralkap Bomb Puah An Tong I 35 An Thi: Magwe ramṭhen, Myine peng, Gaitawmah(ကိုင်းတောမ) khua lei ah rallam a sial mi SAC ralkap hna cu nihin May 12 zaanlei ah bomb puahhnawh an tong i, ralkap 35 an thi, tiah theih a si. SAC ralkap motor 7 le minung thazaang 150 hrawng nih zulh mi rallam sialtu hna cu Myine peng le Poah peng aa tonnak Netat(နယ်သတ်) khua pawng an phak, an i dinh lio ah bomb puahhnawh an si, tiah Myaing PDF in ṭuanvo ngeitu nih a chim.
“Kahdohnak ah meithal zunkhat hmanh kan puah lo nain SAC ralkap 35 hrawng an thi, a hlankan te timhtuahnak in bomb puahhnawh an si, bomb puahhnawh an ton hnu ah motor 2 in ruak cu an thiar hna,” tiah ṭuanvo ngeitu nih cun a chim chap.
Leave a Reply