BREAKING, Mindat-CDF Pathian Sinah Thlcaam Bom Ko Hna Usih!!

Ruah Fak Tuk In A Sur Caah CDF-Mindat Umhmun Khuarnak Cheukhat An Rawk!

CDF-Mindat nih umhmun an khuarnak sakhan cheukhat cu ruahpi fak tuk sur in, thli a hran caah voihnih tiang an rawk, tiah theih a si. “April 19, ah voikhatnak ruahsur ruangah remh a si cang. Cun, April 29 ah ruah fak tuk in a sur ṭhan caah a rawk dih ṭhan i, ruah voihnih hrawng lawng a sur nain chumhchuannak le ihnak ṭhalo in an rawk.

Atu hi ruahti tlak caan zong kan phan rih lo nain hitluk in a rawh caah, fur caan tikah cun a fawi lai lo, raltuknak hmun ah nunnak thap in a kal mi hna an tlun caan ah umnak ṭhaṭhi zong a um lo, mu-ca (မိုးကာ) cungcih hna cu hman awk an ṭhat ti lo caah canphio cungcih le vampang tal he sak khawh kan duh ko. Tung ca ah cun kan ralkap hna nih an i dinh caan ah an kan ah piak ko. Cucaah nan tuah khawh tawk cio in bawmhnak kan pe cio ko uh tiah kan in nawl hna,” ti in CDF-Mindat nih mipi sinah bawmhnak an hal. Bawmhnak pek a duh mi hna nih: +95 9777182971, +95 9898786900 ah pehtlaihnak tuah khawh a si lai. Crd: TCP

Yangon Ah Leirawitu Pa Pakhat Cu YLF Nih Meithal An Kah Thah, Yangon ramṭhen, Insein peng Danginkone(ဒညင်းကုန်း) sang ah PDF 11 tlaih khawh nakding ah, SAC ralkap thawngpetu Leirawitu(Dalan) inn za-uk (ရာအိမ်မှူး ) Pyu Ko Ko (ဖြိုးကိုကို) cu nihin May 1 ah meithal voi 19 in an kah thah, tiah theih a si. May 1 zanlei sml 1:30 hrawng ah SAC ralkap thawngpetu Pyu Ko Ko cu Yangon Liberation Force(YLF) nih meithal in voi 19 an kah hnu ah a hmun ah a thi colh.

A luancia February 16 zaan sml 10:00 ah Danginkone(ဒညင်းကုန်း) SAC ralkap nih an luhhnawh hna lio ah thawng petu cu amah a rak si i PDF 11 an inn le lo zong chuh an tong. An thilri vialte zong an laak dih, tiah theih a si. Danginkone sang um mi hna nih tangka tampi an pek hna lawng ah khual cazin cheknak kongkau a tuahpiak hna. Cu bantuk mizapi cung a thil tuah mi ruangah YLF nih kan thah nak hi a si, tiah cathanh an chuah.

Hluttaw Chungah Blue Film (Apiaka) Voihnih Tiang A Zoh Mi Britain Hluttaw Chungtel Neil Parish, Hlutttaw chungah Blue Film ( Apiaka) voihnih a zoh nak kong a mah te in aa phuang hnu ah British conservative Hluttaw chung tel Neil Parish nih a rian in a chuaknak kong a chim. Hluttawt chungah aput mi Phone in Blue Film (Apiaka) voihnih tiang a zoh nak kong a mah tein aa phuang hnu ah Mr.Neil Parish cu April ni 30, cacawn ni ruak ni ah a rian in a chual tiah theih a si.

Ka tuah mi thil ruangah ka chung khar le kan riantuanti hoi hna seh kan itimh mi cungah fak nak a peek hna caah a donghnak ah cun kei mah le kei mah kaa fiang ruangah pehzulh in Hluttaw ah riantuan a si kho ti  lo tiah a mah pumpak in a chim. Zeibantuk thinlung ruahnak rungah Blue Film (Apiaka) zoh a si timi biahalnak nih,

Ka thinlung a ka tuaitam rungah ka zoh mi a si ti zong in a chim. Nu vuanci pakhat nih ka pawngah a thu mi pa pakhat nih Hluttaw chungtel pakaht nih Blue Film a zoh tiin a chim mi cu  thawngpang cu Britain Media hna nih an langhter hnu ah, a tubantuk in Blue Film voihnih tiang a zohnak kong a vun chim phuan hi a si.