MRTV Cu Muicawl In Thawngzamhnak Nawl Phih Piak An Si
===========================
SAC ralhrang thawngthanhnak zung ii MRTV cu Dacast thawngthanhnak Software nih hman khawhnak a phih piak cang hna tiah Justice For Myanmar nih a chim. California hrambunh Online thawngthanhnak le Video in thawngthanhnak company a si mi Dacast nih SAC ralharng hna ii MRTV online video in thawngzamhnak cu a phihkahm paik cang hna tiah theih a si.
MRTV cu SAC ralhrang thawngzamhnak vuanci kuttang ah a um mi thawngzamhnak pakhat a si i MRTV cu Website le App in thatr hna ah thawngzamh khawh nak hnag ding caah Decast an hmang tiah theih a si.
Relchap, (Photo Dang) Falam Peng Ah Mitlamtlinglo Pakhat Thah A Tonnak Kong Ah Interim Chin National Consultative Council (ICNCC) Nih Cathanh An Chuah! 2022, June 30 ah Sagaing ramṭhen Kalaymyo in Chin ramkulh Falam khuachung ah a lutmi SAC ralkap nih Falam peng Valung khuami mitlamtlinglo (hnachet le holh thiam lo) Ṭial Kap, kum 60 cu an rak thah.
Atu bantuk in sualnak ngei lo, mitlamtlinglo thah a tonnak kong telh chih in Chin ramkulh hmunkip ah SAC ralkap nih thilsual an tuahmi vialte cu pengkulh cio in ṭuanvo ngeitu hna nih ṭha tein cazin khawmhsuatnak an tuah. Chin ramkulh chung ah SAC ralkap nih sualnak ngei lo mizapi cung ah minung ziaza keng lo in sualnak an tuah mi vialte cu faak piin kan doh. Atu bantuk sualnak an tuahmi kong ah anmah he a tlak ning tein lehrulh an si khawh nakhnga kan tawlrel lai, tiah ralrin peknak le theihternak cathanh an chuah.
Model Thin Zaw Wint Kyaw Luat Khawh Nak Ding Ah SAC He Caihhmainak Kan Ngei – SSPP: Tlaih a tong mi lemcang thiam le model Thin Zar Wint Kyaw cu luatnak a hmuh khawh nakhnga SAC he caihhmainak kan ngei, tiah SSPP/SSA in chimphuannak nawlngeitu General Sai Bung Han nihin July 7 ah RFA ah a chim.
Thin Zar Wint Kyaw cu SSPP/SSA headquarters umnak Shan ram chaklei Wamhai ṭhanchonak ding ca ah zuk thlaknak a ngei i, dih hnu ah July 6 chunhnu ah khan Wamhai in Lashio a kir lei ah Shan ram chaklei KyaeTi(ကျေးသီး) le Shan ram thlanglei MaiRel(မိုင်းရယ်) peng ramri NamhLawng(နမ့်လောင်း) hleidonh ah SAC ralkap nih an tlaih, tiah SSPP nih a thanh.
Thin Zar Wint Kyaw lawng siloin amah ṭamhtu le pa pali, an dihlak minung 6 cu tlaih an si. Luatnak an hmuh khawh ṭhan nakhnga kaphnih in caihhmaiṭinak kan ngei, tiah general Sai Bung Han nih cun a chim. SAC ralkap lei ṭang in SAC ralkap thawng a thanhtu Han Ngein Oo nih amah telegram ah model Thin Zar Wint Kyaw nih SSPP thuam he aa thlakmi hmanthlak cu zamh in, tlaih ding a si tiah a langhter. Thin Zar Wint Kyaw tlaih a tonnak kong he pehtlai in SAC ralkap lei nih thawng thanhnak an tuahmi a um rih lo.
SSPP cu ramkulh le ram pumpi in remdaihnak ah min an thu nain, Nationwide Ceasefire Agreement(NCA) ah cun min thutnak an tuah lo. SSPP cu SAC ralkap nih sawmmi daihnak ding ca tonbiaruahnak ah tel ding in cazin petu tlangcung hriamtlai phu 10 chung ah aa telmi an si nain, nihin tiang ah SAC ralkap he tonbiaruahnak an ngei rih lo.
RELCHAP: Gangaw Ah Commando Ralkap Dirh In Raltuk Cawnnak An Tuah!: Magwe ramṭhen, Gangaw pengkomh chung ah kahdohnak a chuah tawn caah mizapi ralkap lei faak deoh in an cawlcangh khawh nakhnga commando ralkap training kan tuah, tiah mizapi ralkap, nitlak lei brigade 7 battalion 703 in ralbawi (ṭaṭ-yin-hmu) Ko Soe Moe nih Maylatt Athan ah a chim.
Cu commando ralkap training cu a luancia June thla 15 in thok a si i, cu training ah a kaimi hna cu raltuk cawnnak a dihcia mi an si hna i thlakhat le cheu hrawng kan rau kho, tiah Ko Soe Moe nih cun a chim. Raktuknak hmun ah kan thazaang a ṭha ngai ko nain kan thazaang ṭhawnter chin kan duh caah dirhmi a si i, camp laak ding in kahdohnak, a thlithup kahdohnak le khualak i kahdohnak a chuahnak hmun ah kan hman hna lai. Bawmhnak thazaang an kal hal tikah cu hna cu kan thlah hna lai, tiah ralbawi (ṭaṭ-yin-hmu) Ko Soe Moe nih cun a chim chap.
Hriamthil le zeidang thilri an chambau ngai rih caah mizapi sin bawmhnak halnak zong a tuah fawn. Gangaw pengkomh chung ah battalion 701, 703, le 704 battailion 3 fonh in raltuk cawnnak cu tuah a si i, a bik in battalion 703 cu Yaw hmunram lei ah cawlcanghnak a tuahtu phu an si.
SAC Nih Uknak An Laak Hnu Ah Mah Umnak Inn A Zaamtak Mi Sing 7 Leng An Um Cang!: SAC ralkap nih hramhram in nawlngeihnak an laak hnu i ramchung buainak ruangah mah umnak hmun kaltak in ralzaam dirhmun a phanmi minung 758,000 tiang an phan cang. Khrihfa Biakinn le phung-ki biakinn hna telh chih in a tlawmbik Inn 19,350 cu SAC ralkap nih an hrawh, tiah United Nations Office for the Coordination of Humanitarian Affairs (OCHA) Myanmar nih nihin July 7 ah an thanh.
Atu i langhter mi zat hi 2021 February in 2022 June 27 tiang khawmhsuat mi cazin in langhter mi a si. Pako ramṭhen (nichuah lei), Kyaukkyi peng khua 12 in minung 5,400 leng nih mah umnak hmun kaltak in ralzaam dirhmun an phan. June thla lai in Tanintharyi ramṭhen LawngLung peng in minung 3,000 leng cu a himnak ramlak ah an zaam hna, tiah UNOCHA nihcun an langhter.
Kaya ramkulh ah ralzaam dirhmun a phanmi minung 4,000 leng cu Loikaw le Demoso pengchung an umnak hmunhma cio ah an kir ṭhan cang hna, tiah an langhter fawn. Myanmar ramchung huap in mah umnak kaltak in ralzaam dirhmun an phanmi dihlak cu sing 10 leng an si cang, tiah theih a si. Cu chung ah cun Sagaing ramṭhen le Magwe ramṭhen cu a tambik an si.
Tazaungyan Ah Myanmar Mi 25 Tlaih An Tong!: Myanmar-Thailand ramri Myawaday(မြဝတီ) in Thailand ram lei ah phung ning lo in a lut mi Myanmar mi 25 cu July 7 zing ah tlaih an tong, tiah Thai Media nih an langhter.
Myanmar mi Thailand ah rianṭuan ding in a lut mi hna cu Tawhsaungyan (တော့ဆောင်းယမ်း) peng lam hmunkhat, Chunburi(ချွန်ဘူရီ) le Pathung(ပထုံ) pengkomh ah Thai rianngeitu hna nih an tlaih hna hi a si. Myanmar mi hna le mawṭaw khaltu 2 le agent 1 zong tlaih chih an si i, Tazaungyan pelek sakhan ah an kuat hna i phung ning tein hmalaknak tuah an si lai, tiah theih a si.
Leave a Reply