Min Aaung Hlaing A Inn U.S Dollor 30 Million Man NUG Nih Zuar Hram A Thawk
Yangon, Inghlia lam ah a um mi Min Aung Hliang a inn cu NUG nih Dolloar 10 million in a zuar, Shares caah tingkhat tiah an tuah i, Shares pakhat ah dollor 100 in mipi cawk khawh a si nak kong cu NUG nih cathanh a chuah. The End of Dictatorship-EODm timi timhlamhank lei ah kal in, SAC ralhrang hruaitu Min Aung Hliang nih pung ning loin a laak mi, Yagon , Inghlia lam ah a um mi, Vawlei le inn sak mi cu timhcia in zuar khawh nak hnga ding caah,
Minung 97% nih kan caawk lai tiah timhlamnak an ngei i, cawk dingah chim mi phaisa cu MMK 34 Billion, US Dollor 17 Milloin hrawng a si tiah theih a si. SAC ralhrang Min Aung Hlaing nih phun ning loin a laak mi mah vawlei cu 1.86 acres hrawng a si i, US Dollar in 30 Million man a si nak kong, Min Aung Hliang Inn cu zuar tik ah cheu thum ah cheukhat cu US Dollor 10 Million in phiat piak an si lai i, Shares pakhat ah U.S Dollor in 100 tiah hmaithlak a si tiin theih a si.
Relchap, Pago ramtthen, Taungyu pengkomh, Thantapin(ထန်းတပင်) peng Zayatgyi(ဇရပ်ကြီး) khua palek uk bawi Myo Win Thun @ Bo Ping(ဗိုလ်ပိန်) cu nihin May 5 zing Sml 10 tluk ah lakphak dawr a thut lio ah mizei ti hngalh lomi hriamtlai pawl nih an kahthah tiah thawng theih a si. ” Lakphak dawr ah zuun 6 in an kah, Hi ka ah hi a hlan ah a rak ttuan bal i a tu a rat thannak kumkhat fai lawng a si rih. Zei bantuk phu nih an kah cu theih a si lo, Palek le ralkap an rak phan colh i lam vialte an phih dih, CCTV zong an chek, tiah tualchung mi pakhat nih Yangon Khit Thit media ah a chim.
Palek bawi Myo Win Thun nih hin dohthlennak he aa pehtlai lo mi mino 6 a ruang um lo piin a tlaih hna tiah theih a si. Sakhan hmu(စခန်းမှူး) Bo Ping kahthah a ton hnu ah palek le ralkap pawl nih Zayatgyi khua chung ah meithal puah pah in an rak lut i chek hlatnak an tuah caah khuami mino pa pawl cu a zaam hna tiah theih a si. ” Ralkap pawl an phan i meithal an puah thawng a thang taktak, a tu ah cun khuachung a king tuk. Ning ttih a hruai, ruah lo piin tlaih an si nak hnga lo mino pa pawl cu a zaam dih,” tiah tualchung mi nih a chim chap.
SAC Sawmnak Cu Kachin Independence Organization (KIO) Nih A Cohlang lo, 1. 2022 April 22 ah, Min Aung Hlaing bia a chimnak cu Myanmar Radio and Television (MRTV) ah kan hmuh ve., 2. 2022 May 2 ah, tlangcung hriamtlai hna i, an hruaitu hna he ton biaruahnak le ceihmainak kong sawmnak ca cu Lieutenant General(ဒုတိယဗိုလ်ချုပ်ကြီး) Min Naung nih, a kan kuat i kan hmuh ko. 3.Ramkhel buainak cu meithal si loin ramkhel ceihmainak in a phi kawl a hau.
4. Sawmnak ca chungah, (a) Sawm ding a si ve ko nain an sawm hna lomi kan hmuh., (b)Rampi kong cu “cabuai cungah ceihmai in a phi kan kawl lai” nan timi hi nan duhnak kan hmu kho lo., 5. Cucaah sawm ding a si ve komi nan sawm tik hna lawngah, rampi kong ceihmai ding cu tlukruang tein ceihmainak caan ṭha a um tikah, kan i tel te lai, tiah Kachin Independence Organization (KIO) nih cathanh an chuah.
Leave a Reply