Breaking, Kan Mah Chinmi Le Chinmi Harnak Kan I Pek Mi Hi A Poi Kho Tuk E

ZRA Phu Nih Khuami Pakhat Cu An Velh!
Chin ramkulh Tidim peng Ngalbual khua ah March 12 zanlei sangah an rak lut hna i, minung pakhat an kawl nain an hmuh lo caah Ko Mung kum 27 cu an velh tiah theih a si.
Ngalbual khua cu Manipur tiva ral khatte lei ah ummi a si i, Tidim khuapi he meng (20) tluk aa hlat i, India ram he aa naih deuh.
ZRA phu minung (20) tluk cu khua chungah an hung lut i, mino pakhat i inn chungah lut hratin an kawl nain an hmuh lo caah Ko Mung lehlam an velh. Zeiruangahdah an kawl timi zong theih a si lo tiah khuami pakhat nih a chim tiin Zalen nih a tial.

Kalaymyo Taung Phi Lar Ahmat (13) Sianginn Ah Bomb (2) A Puak!

Kalaymyo Taung Phi Lar sang အထကခွဲ (a hlan auh ning ahmat 13) sianginn ah nihin chung sml 1:00 hrawnghrang ah bomb (2) a puak tiah khuami nih an chim. Bomb puahnak thawngin sianginn thar i innka te (ပြတင်းပေါက်) a kuai tiin Zalen nih a tial.

ASEAN Special Palai He Ton Biaruah Ding Kahdohnak Daihter Ding Cah SAC Ralhrang Nih Tlangcung Hriamtlai Phu Caa A Kuat

March thla ni 20 ah Myanmar a rak phan hnga ding Myanmar kongkau he pehtlai in ASEAN Special palai a si mi Cambodia a pahnih nak vuanci le ramkhel vuanci a si mi Prak Sokhonn le kahdoh daihter, tlang cung hriamtlai phu kar ah ton biaruah nak tuah ding ah SAC ralhrang lei nih tlangcung mi ca an kuat hna tiah theih a si.

Kahdoh daihnak min athu mi tlangcung hriamtlai phu i ram daihnak nak lam hruai mi phu (PPST) in sam mi a si tiah sawmnak caa ahmu mi phu nih a chim. Kawlram chungah kahdoh daih tlangcung hriamtlai phu 10 an um.

” ASEAN Special Palai he ton biaruah ding ah sawm mi a si” tiah sawmnak ca ahmu tu phu khat sin in theih a si. Myanmar ram ah a voikhat nak bik in a rak phan hnga ding ASEAN palai zong nih Myanmar ram chung ah a um mi phu fonh dih lak he ton biaruah nak ngeih dingah in timhlamh nak a ngei.

SAC ralhrang lei nih NLD tel in ramkhel party phu pawl he tonnak nawl kan pek hna lai tiah an chim i thawng chungah a um mi le, Sahrang tiah ruahmi pawl he ton nak nawk kan pek hna lai tiah SAC ralhrang lei nih an chim.

Kawlram Chung Pumpi Mrach Thla Ni 12-18 Tiang 24hrs Mei A Mit Lai Tiah SAC Ralhrang Nih Cathanh A Chuah

Myanmar ram pumpi March thla ni 12-18 tiang zarkhat chung 24hrs mei amit lai tiah SAC ralhrang nih cathanh a chuah. Mei lein vuanci zung nih mei tha 1455 MKW chuah a si nak kong, hmuh khap a si mi mei tha thar pa 2 in mei chuah khawhnak,

Vawlei tang pipe lam lei pahtlainak cu march thla ni 12 in 18 tiang tuanvo lak nak a si lai nak kong, mei chuah nak dinh ter nak a si lai nak kong, cu ruangah mei serchuah nak cu March thla ni 12 in 18 tiang,

Zarhkhat chung kawlram chung pumpi 24hrs mei a mit lai tiah SAC ralhrang nih cathanh a chuah.A tu ah Biluu Chaung mei zungin a chuak mi mei peknak tower tung an hrawh caah MKW 200 hrawng in mei pek khawh a si lo nak kong,

LNC man a kai tuk i ram chung ram leng Zinan man sining a dik lo i, zinan cawk nak a har tuk lio ah LNC zung pawl i mei pek nak MKW 750 hrawang in dinter chung a si nak kong . Mah ruang ah pekchuah mi nak in hman in a tam deuh caah,

Meitha thingnak le meitha zawrter dingin tuanvo lak lio a si nak kong. A tu ah tower tung pawl cu aran nak in remh lio a si i, Kyohpyo ah siseh, adang hmunhma ah si seh MKW 150 in pekkhawh dingin  i zuam lio a si nak kong. Mei a tu le tu in a mih mi hi  tower tung  hrawh peng ruangah a si tiin Mei lei in vuanci nih a chim.

Be the first to comment

Leave a Reply

Your email address will not be published.


*