Breaking, Kan Hakha Khualipi Ah Pu Ngun Sang Aung (Puppet) A kutneh!

Kawl Ralhrang Nih Hakha No 4 Sianginn An Hrawh,

=====================

Nizaan zanlei ah Hakha, Dawrthar sangah a ummi No.4 sianginn cu Kawl ralhrang nih an luhhnawh i an hrawh tiah theih a si. CRd-The Independent Post Hakha, 11 Chiapa 2022 : Lai ramkulh khualipi Hakha, Auto sang ah a ummi No 4 sianghleirun cu ralhrang nih 10 Chiapa ah an luhhnawh i an hrawh, sianghleirun pawngah lente aa celhmi ngakchia kumtlinglo zong ralhrang nih an tlaih hna.

Ralhrang nih an hrawhmi cu Duainu tiah min pekmi inn dothnih, a țangdot thlalang 5 aa kuai, sianguk office thudan le cabuai, ca rialnak seh ( duplicator) pakhat, CCTV Camera 2 zong an hrawh. Cun Tita tiah min pekmi inn dotkhat, thlalang 34 a kuai, cun a pawng sianginn dot pakhat cacawnnak inn thlalang 52 an kuai, Dongva tiah min pekmi cacawnnak thlalang 76 a kuai, Phuji tiah min pekmi cacawnnak thlalang 18 a kuai. Ralhrang Media nih cun PDF nih an hrawh tiah an thanh nain, Hakha ah PDF an um lo. Ralhrang nih an tuahmi thil paoh paoh cu thiamco duh ah le mizapi lung vavuai hna seh tiah mizapi ralkap sual an phawt tawn.

SAC ralkap Nih Sai Naing Lay Khua Hriamngan In An Kah, Khuami 1 Thi, 6 Hliam An Tuar, Sagaing ramțhen, Shwebo pengkomh, Watlat peng, SaiNaingLay ( စိုင်နိုင်‌ေလး)khua chungah , Nizan July 10 ah SAC ralkap nih kahdohnak zeihmanh a um lo nain hriamngan he hriamhme he an kah ruangah khuami pakhat a nunnak a liam i paruk hliam an tuar tiah khuami hna sin in theih a si.

” Hriamngan in an kan kah hramhram, a nunnak a liammi khuami pakhat cu nizan ah kan vui cang. Hliam a tuarmi 6 chungah hin an nunnak caah thinphang in a ummi 2 an um rih ” tiah khuami hna nih an chim. July 3 zongah Watlat peng Min khua kahdohnak ah Local PDF 5, Pah – Kah- Phah – 3, khuami 2 an nunnak a liam i 4 hliam an tuar. An nunnak a liammi hna chungin 4 cu hriamnm chiahter in an tlaih hna i an kahthah hna tiah mizapi vengtu ralkap phu hna nih an langhter.

Kalay Ah SAC Ralkap Nih Chinmi Pa Pakhat An Kah Thah, Kalay, Chan Me Aung Si(ချမ်းမြေ့အောင်စည်) sang um Mung Sun Khai(kum 29) cu July 9 zanlei ah ke thum ngei cycle a khalh lioah SAC ralkap nih an kah thah, tiah theih a si. July 9 zanlei ah Mung Sun Khai cu a hawile cycle in a thlah hna lioah SAC ralkap nih a hnulei in an kah. Sii-inn ah an kalpi i, July 10 zing sml 3:00 ah a nunnak liam, tiah theih a si.

Mung Sun Khai cu an inn in aa naihnak ah a ummi a hawile inn ah a fanu le a hawile pahnih he kan kal lioah SAC ralkap nih an kah hi a si, tiah Mung Sun Khai he a kalṭi mi pakhat nih a chim. An hawipa pakhat cu a ke ah meithal kuan nih a khen, tiah theih a si. Mung Sun Khai ruak cu a chuahkehnak Tedim peng HaiCin khua ah nihin July 11 ah an vui. Mung Sun Khai cu Fa pathum ngei a si, tiah theih a si.

ShweKo Peng Ah A Ra Mi SAC Ralkap Khah- Mah – Yiah 415 Cu MyoHla KPDF Nih An Kah, Kachin ramkulh , Shweko peng, Kyaukkyi khua in a chuakmi SAC ralkap Khah- Mah- Yiah 415 in rallam hruaitu Bu – Hmu Thein Myint Aung hruaimi cu an kahdoh hna i SAC ralkap 4 an thi tiah MyoHla KPDF nih an thanh.

Nihin July 11 zinglei Suimilam 1:45 hrawngah tiva zulh in Min Kyiang khua in Kyaukkyi khua lei ah SAC ralkap thazaang 48 in a kai tiah an chim. Cu hnu ah MyoHla KPDF Battalion 1 in Bu Moe Kyu hruaimi rallam nih an bawh hna i an kah hna SAC ralkap 4 an thi, hliamtuar zong an tam tiah an langhter.

Shweko peng, Kyaukkyi khua in SAC ralkap lei țang pawl an ngeihmi mawtaw zong bomb puahhnawh an si. Hi hnu hmailei zongah SAC ralkap lei țang hna cu kan doh peng lai tiah KPDF nih ralrin pek nak an langhter.

Salinkyi Palik Camp Cu Hriamngan In An Kah Caah SAC Ralkap 3 Nak Tlawm Lo An Thi, Tam Ngai An I Hliam, Sagaing ramṭhen, Salinkyi palik camp cu PDF Guerrilla phu(တွေ့ရာင်္ချိုင်းဓါးမဆိုင်းပြောက်ကျားတပ်ဖွဲ့) nih July 11 zinglei sml 2:00 ah hriamngan in an kah caah SAC ralkap 3 nak tlawm lo an thi, tam ngai hliamhma an pu, tiah PDF Guerrilla sin in theih a si.

“Hriamngan in voi thum kan kah hna caah ralkap 3 bak tlawm lo an thi i, tam ngai hliamhma an pu. Inn zong an rawk ngaingai,” tiah PDF Guerrilla phu in Bo Suan Thu Maung nih a chim. Cu kahdohnak ah PDF Guerrilla phu Companny 1,2,4 hna i bawm in hriamngan 120 mm le 80 mm in an kah hna, tiah theih a si.

“SAC ralkap nih Drone in an kan kah ve ko nain aa hliammi le a thimi kan um lo. Kanmah lei in hriamngan lung 9 in kan kah khawh hna,” tiah PDF Guerrilla ralkap hna nih an chim. Cu pinah SAC ralkap le Pyosawhti pawl hi a hram in kan bongh ding hna lai, tiah PDF Guerrilla phu sin in theih a si.

SAC Ralkap Tilawng Cu Myo Hla PDF Nih An Kah Hna Caah Ralkap 4 An Thi, Kachin ramkulh, ShweKu peng Min Cawng Kung khua in KyaukKyi(ကျောက်ကြီး) khua lei ah Ayeyarwaddy tiva thluan in an kalmi SAC ralkap aa citmi tilawng cu nihin July 11 zinglei ah Myo Hla PDF nih kan kah hna caah SAC ralkap 4 an thi, hliamhma pumi an tam, tiah Myo Hla PDF nih cathanh an chuah.

Tilawng cu Kha Ma Ya 415 in ralbawi Thein Myint Aung nih a hruai hna i, Myo Hla KPDG Commpany 1 in Bo Moe Kyu nih a hruaimi phu nih an kah hna, tiah theih a si. Cu pinah ShweKu peng KyaukKyi khua in SAC ralkap pawl a bawmtu tilawng cu Myo Hla KPDF nih bomb in kan puahhnawh hna, tiah KPDF nih cathanh an chuah.

Tlaih A Tongmi Muslim Pa 8 Cu AA Nih An Thlah Cang Hna, AA nih BuThiTaung(ဘူးသီးတောင်) peng ah an rak tlaihmi hna Muslim pa 8 cu July 9 ah an thlah cang hna, tiah theih a si. A luancia kum 2021 le 2022 ah AA nih BuThiTaung peng ah Muslim pa 8 kan rak tlaihmi hna i, July 9 ah kan thlah ṭhan cang hna, tiah AA nih an langhter.

Cu pinah Islam Biaknak puai hngalhnak ah BuThiTaung peng Muslim khua 22 in pa le nu 450 sinah thil puan kan pek hna, tiah AA chimphuannak nawlngeitu Khine Tu Khah nih a chim. “Islam Biaknak Puai hngalhnak ah Rakhine-Muslim karah i zumhnak a fehnak hnga tiah kan thlah hna hi a si,” tiah a chimchap.

Muslim pa 8 hna cu July 9 ah AA nawlngeitu hna nih BuThiTaung peng hmun pakhat ah an chungkhar hna sinah an pek hna, tiah theih a si. An tlaihmi hna Muslim pa 8 hi zei tik ah an rak tlaih hna timi le zeiruang ah dah an tlaih hna ti cu AA nih chimphuannak an ngei lo.

A luancia June thla lioah AA nih thawng fianternak an tuah lioah Rakhine ramchung ah an tlaihmi hna le zeizat dah an tlaih hnanak kong cu halnak tuah a si ko nain, fiang tein chimphuannak an rak ngei lo.