Breaking; Hakha thawngpang cu a vun lar kho taktak!!

Hakha Palik Ruak Vui lio ah Kah a Tong, Palik 2 Hliam an Pu!!
=====================
Nihin September 27 zaanlei ah Hakha, Cawbuk thlaanmual ah palik pa ruak vui ding in an kalpi lio ah miphun ralkap nih an rak kah hna i, palik pahnih hliamhma fak ngai an pu tiah thawngpang kan theih.

May be an image of indoor

Nihin zinglei ah khan Hakhathar kahdohnak a chuak i SAC palik pahnih hliamhma an pu. Hliamhma a pumi pahnih lak ah U Aung Aung Lwin timi pa a thi.

May be an image of indoor

U Aung Aung Lwin ruak cu nihin zaanlei sml. 5:00 hrawng ah Cawbuk thlaan ah vui ding in an kalpi. U Aung Aung Lwin ruak vui ding in a kalpi lio ah miphun ralkap nih an rak kah tthan hna hi a si. SAC palik pahnih hliamhma fak ngaiin an pu. Hliamhma a pumi pahnih hi Hakha District palik bawi le Hakha peng/myone palik bawi an si tiah a theitu nih an chim.

May be an image of indoor

Cawbuk thlaan ah a ruak an vuimi U Aung Aung Lwin hi Roman Catholic Khrihfabu chungtel a si i, Khrihfa phungphai ning in ruaksuannak le ruakvuinak zong an tuah. Crd-The Chin Journal

May be an image of indoor

Relchap,CDF Thantlang, Battalion 4, Zahnak Nih Thlakhat Chungah Sehchoh Kuung 17000 An Hrawh, CDF Thantlang, Battalion 4, Zahnak nih thlakhat chungah Sehchoh kuung 17000 an hrawh tiah theih a si.Hi sechoh hrawhnak cu August 20 ni in thok a si i September 23 tiang kalpi nak chungah kuung 17000 hrawh a si.

“Sechoh cinmi le zuahmi a um rih ahcun mah tein hrawh dih ding, a thar in cin hrimhrim lo ding le cawk le zuarnak tuah lo ding, cu zulhphung a zul lomi cu tazacuai nan si lai” tiin sechoh he pehtlaiin CDF TT, Battalion 4, Zahnak nih mipi theih dingah thawngthanhnak a tuah tiah theih a si. Sechoh le rithaisii dangdang a um lonak hnga dingah CDF Thantlang nih biatak tein a kalpi cuahmah tiah theih a si. Crd-The Chin Post

US Vice President Kamala Harris Korea Demilitarized zone A Tlawng Lai! US Vice President Kamala Harris cu North Korea le South Korea ramri Demilitarized zone cu september 29 ah a tlawng lai, tiah South Korea tuanvo ngeitu hna nih an chim. Vice President Kamala Harris cu september 27 ni ah S.Korea Prime Minister Han Duck-soo he Japan ah an i ton hnuin atu bantukin Korea Demilitarized zone tlawm a timh hi a si. Kamala Harris nih hruaimi US palai hna cu Japam Prime Minister hlun Shinzo Abe ruak thlahnak a tel dih khawh in Korea Demilitarized zone ah cun a kal lai.

Korea ramhnih kar raltuknak a dih hnu kum 70 a rauh hnu ah N.Korea tlerh khawnhnak a tong cuahmahmi S.Korea le US ralkap hna tha peknak ah a kalmi a si, tiah US tuanvo ngeitu hna nih an chim. Kamala Harris cu Demilitarized zone a kal hnu in US ralkap hna he tonnak a ngei lai i S.Korea humhimnak ah US biakamnak cu a pehzulh lai, tiah theih a si. Crd-The Chin Post

US Intelligence Hlun Edward Snowden Cu Russia Mi Sinak An Pek! US National Security Agency(NSA) biathli pawl cu mipi theih ah a rak phuangtu Intelligence hlun Edward Snowden cu Russia rammi sinak an pek, tiah theih a si.

Russia rammi sinak pekmi kong cu President Putin nih september 26 ah a minthut in a thanh. Kum 49 a simi Edward Snowden cu 2014 lio ah, US mithong tampi caah rian a tuanmi National Security Agency nih an thiltuahmi le an biathli pawl cu mipi theih a phuan hnu ah Russia ram ah a rak zaam.

US nih Edward Snowden cu a tuahmi sualnak ruang ah tazacuai ding in US ah van kua than ding in Russia cu kum tampi a hal nain Russia nih cun a kua duh lo. 2020 ah a nupi Lindsay Mills le a fa zong Russia rammi sinnak an rak sok ve. Edward Snowden nih US National Security Agency biathli a phuanmi cu a dik lo mi thiltuah a sinain rampi leirawi tu a silo tiah, Russia President Putin nih cun 2017 ah a rak chim bel. Crd-The Chin Post

CDF-Matupi Brigadier Nih Non CDM Pawl Ralrin A Pek Hna, Chin ramkulh, Matupi peng CDF-Matupi hmunram chungah Non-CDM um lo ding in September 22-25 tiang khuate lei ah CDF-Matupi Brigadier le a kuttang ralkap pawl cu an tlawng i, khuami hna he biaruahnak an ngei, tiah CDF-Matupi nih cathanh an chuah.

Brigadier nih Non-CDM pawl cu SAC ralkap an rianhma a kal khawhnak dingah bawmtu an si i, CDF-Matupi nih a uk penmi hmunram chungah Non-CDM tam deuh cu sianginn cachim an si. Atu thok in SAC kuttang rianhma a kal lo dingah CDM tuah ding in ralrin peknak bia a chim, tiah theih a si. Cu pinah Brigadier nih Non-CDM pawl cu SAC kuttang ah rian nan áš­uan rih a si ahcun CDF-Matupi nih ralrinnak an pek cangmi hna ning in a fak bik dantatnak kan in pek hna lai, tiah a chim. Crd-The Chin Post

Chin ramkulh, Hakha Cawbuk sang CCU lampial, Saint John sianginn pawng hrawng ah kahdohnak a chuak , Chin ramkulh, Hakha Cawbuk sang CCU lampial, Saint John sianginn pawng hrawng ah kahdohnak a chuak, tiah theih a si. Hakha ummi pakhat nih, “Nihin September 27 zanlei sml 1:45 hrawng ah Hakha Cawbuk sang CCU lampial pawng hrawng ah Chin ralkap nih SAC ralkap an kah hna.

Meithal thawng a thang tuk i kan lau tuk. Khoika in dah an kah hna ti zong hngalh khawh a si lo,” tiah The Chin Post ah a chim.
Nihin zing Hakha thar lamruk tonnak ah Chin ralkap nih SAC ralkap an thahmi ruak cu cawbuk thlan hmun ah an vui i a si kho men.

Cucaah Chin ralkap nih an kah hna i a si kho men, tiah tualchung mi nih an chim. Cawbuk sang kahdohnak a daih in SAC ralkap motor pathum cu Cawbuk sang lei ah an kal, tiah mithmutu hna nih an chim. Cawbuk sang kahdohnak ah SAC ralkap lei in a thimi le aa hliammi an um le um lo theih a si rih lo. Crd-The Chin Post

Nihin Zing Hakha Thar Kahdohnak Ah SAC Ralkap Chungtel A Thimi An Um, Inn Cheukhat Meithal Kuan Nih A Khen, Nihin September 27 zinglei ah Hakha thar lamruk tonnak um SAC ralkap check gate cu CDF nih an kah, tiah theih a si. Tual chung mi pakhat nih, “Hakha thar lamruk tonnak check gate cu Chin hriamtlai nih nihin September 27 zing ah an kah hna. Kahdohnak cu zing sml 8:00 hrawng ah a dai,” tiah The Chin Post ah a chim.

Cu kahdohnak ah pawngkam inn cheukhat cu meithal kuan nih a khen len hna caah an rawk. SAC ralkap chungtel pakhat a thi i, pakhat hliamhma a pu, tiah tualchung mi hna sinin theih a si. A luacia August 30 zing sml 6:30 hrawng ah Hakha thar lamruk tonnak ah kahdohnak a rak chuak i,

SAC ralkap nih hriamngan an kah ruangah Nahau tlang um Hranhring khuami, Pu Lai Hram inn a khen caah naupawi lio nu pakhat telh in minung 4 hliamhma an rak pu. Pu Lai Hram te cu rawl an ei lioah an kudawng cung in hriamngan kuan cu a tla i hriamngan kuan pelpawi nih a khen hna caah SAC ralkap nih Hakha sii-inn ah an rak kalpi hna. Crd-The Chin Post

Be the first to comment

Leave a Reply

Your email address will not be published.


*