Falam-Hakha Kar SAC Ralkap Le Tualchung Ralkap Kahdohnak Ah SAC Ralkap 18 Hrawng An Thi, Kan Ralkap Boruak A Chia SAC Ralhrang Nih Hraimnam Ngai An Hman Caah
=============================
Falam-Hakha Kar SAC Ralkap Le Tualchung Ralkap Kahdohnak Ah SAC Ralkap 15 Hrawng An Thi: Nihin July 8 ah Falam-Hakha lampi Ṭaal khuapawng ah SAC ralkap le tualchung hriamtlai phu kar kahdohnak a chuak i, cu kahdohnak ah cun SAC ralkap 15 hrawng an thi, tiah tualchung hriamtlai phu hna he naihniam in ummi nih an chim.
Kalaymyo in Laitlang lei ah a kalmi SAC ralkap motor run cu Chin tualchung hriamtlai phu CDF le CNA nih nihin July 8, chun suimilam 12:00 hrawng ah rak bawh in an kah hna i kaphnih kahdohnak a chuak. Tualchung hriamtlai phu hna nih bomb puahhnawh in le a thli in an kahdoh hna caah SAC ralkap lei a thimi an tam tiah tualchung hriamtlai phu hna he naihniam in ummi nih an chim. Cu kahdohnak Thanrawn khuate pawngah kahdohnak a chuah i SAC ralhrang lei nih hraimnam ngan an hman nak kong zong tual chung mi nih an chim.
SAC ralkap hna cu June 29 in Kalaymyo in Laitlang lei ah motor 27 he an kai i, CDF, CNA le CNDF nih July thla thok in an kah hna. Rallam a sialtu SAC ralkap hna cu minung thazaang 100 reng lo an si lai, tiah tualchung hriamtlai phu nih an ruahdamh.
Sagaing Ramṭhen Mawlaik Ah SAC Ralkap Bomb Puahhnawh An Tong 8 I An Thi: SAC ralkap motor 3 cu nizaan July 7 chunhnu ah Sagaing ramṭhen Mawlaik(မော်လိုက်) ah Mawlaik tualchung hriamtlai phu nih bomb an puahhnawh hna caah SAC ralkap 8 an thi tiah theih a si. Minung thazaang 100 hrawng nih zulhmi SAC ralkap motor 3 cu WaiDawngh(ဝဲဒေါင့်) thing ah-nak hmun lei an kal lio, lampi ah bomb puahhnawh an tong, tiah tualchung hriamtlai phu in chimphuannak nawlngeitu nih The 74 Media ah a chim.
“A hlankan in thawng kan theih caah an ratnak ding lampi ah bomb kan hmanh, kan hmanhmi bomb lung hnih nih a hliamh hna i, a thimi zat cu SAC ralkap lei he naihniam in a ummi sin in kan theih, 8 an thi i, hliamhma tuar zong an tam,” tiah a chim. SAC ralkap hna nih cun WaiKaTa(ဝဲကသာ) khua inn 2 cu an khangh, tiah a chim chap.
Sagaing ramṭhen Mawlaik(မော်လိုက်) peng ah SAC ralkap le tualchung hriamtlai phu kar atu le tu ti tluk in kahdohnak a chuak. A luancia May 15 zong ahkhan Ṭhawta(ထော်သာ) khuachung um SAC ralkap le pyusawhṭi hna cu tualchung hriamtlai phu nih an kah hna caah ralbawi pakhat le pyusawhṭi 2 an rak thi. Mawlaik(မော်လိုက်) peng cu Sagaing ramṭhen chung Chindwin tiva nitlaklei ah a ummi a si i, inn 10,000 reng lo le milu 55,000 hrawng an umnak pengkulh a si.
Ca Ah Phaisa Cawi A Duhmi Cu Covid-19 Raikhamsii Chunhnak Certificate Pek Nan Si Lai – SAC
Kachin ramkulh Puta-O(ပူတာအို) peng ah Lorianṭuantu hna nih cinthlaknak ca ah phaisa cawi an duh ahcun Covid-19 raikhamsii chunh cangnak certificate pek nan si lai, tiah SAC lei nih an chim, tiah tualchung mi sin in theih a si.
SAC nih Puta-O peng ah a ummi lorianṭuantu pawl ca ah fur i cin mi facang cinnak phaisa cu July 9 ah Puta-O stadium ah cawi khawh a si. Phaisa cawi a duh mi hna cu Covid raikhamsii voi 2 tiang chunh cang nak certificate zong pek chih an si lai, tiin an chim, tiah Kaungkathaung (ကောင်ကထောင်) sang ummi pa nih KNG media ah a chim.
Puta-O peng khua hna cu khuakhat ah ni 2 caam in aa changchang tein phaisa cawih an si lai i, July 9 in Kaungkathaung sang le Lungsut(လုံးစွတ်) sang ah thok colh a si lai tiah theih a si. SAC nih facang cinnak ca ah phaisa an cawih ning cu 1 acre ah 150,000 kyats in cawih a si. Cu phaisa cu 2023 February thla ah cham ṭhan ding a si lai, tiah theih a si.
Uknak Laak Hnu In Bomb Puahkehnak Ruangah Ngakchia 115 Nunnak A Liam Cang! Uknak Laak Hnu In Bomb Puahkehnak Ruangah Ngakchia 115 Nunnak A Liam Cang!: SAC ralkap nih uknak an laak hnu February 2021 in April 2022 tiang (thla 15 chung) ah vawlei chung phummi bomb telh in SAC ralkap hmanhmi bomb puahkehnak ruangah ngakchia nunnak liammi cu 115 tiang an phan i, hliamhma tuarmi zong an tam, tiah UNICEF Myanmar nih June 24 ah cathanh a chuah.
UNICEF Myanmar nih cathanh an chuah ning ah Myanmar ramchung ah vawlei chung phummi bomb le SAC ralkap hriamthil puahkehnak ruangah nunnak a liammi le hliamhma tuarmi hna dihlak i cheuthum cheukhat leng cu ngakchia an si, tiah an langhter. Chin nuhrin covo lei rianṭuantu phu chungtel in ṭuanvo ngeitu Salai Mang Hre Lian nih cun SAC ralkap nih nawlngeihnak an laak hnu in Chin ramkulh ah SAC ralkap nih an hmanhmi bomb hna cu tualchung mi caah tinhchihmi a lo, tiah media nih bia an halnak ah a chim.
SAC ralkap nih an hmanhmi bomb i lamhsualnak in tualchung mi tampi nunnak a liam cang i, hliamhma tuarmi zong an tam cang. Cu an hmanhmi bomb a puak lo mi cu ngakchia nih zei thei lo in an tawnghtham caah nunnak liammi zong an um len cang. A luancia August thlachung zong ah Thantlang khuachung ah bomb puahsualnak in ngakchia 4 an nunnak a liam i, 3 nih hliamhma an tuar tiah theih a si. Chin ramkulh chung Thantlang, Matupi le Mindat peng hna cu vawlei phummi bomb i lamhsualnak ruangah nunnak a liammi tam biknak hmun an si i hliamhma tuar an tam biknak hmun zong a si.
A luancia May thlachung ahkhan SAC ralkap lei nih, vawlei phummi bomb hna cu sakhan kan chiahnak hmunhma lawng ah, kanmah himnak ding ca ah ṭha tein kan hmanh tiah SAC ralkap chimphuannak nawlngeitu general Zaw Min Hṭun nih RFA ah a rak chim. Chaung-U ah SAC Ralkap Nih Zulhmi Motor Bomb Puahhnawh an Tong I Ralkap 10 An Thi!
July 8, 2022 thechinpost Kahdohnak Thawng 0
Chaung-U ah SAC Ralkap Nih Zulhmi Motor Bomb Puahhnawh an Tong I Ralkap 10 An Thi!: Chaung-U ah SAC ralkap nih zulhmi motor pakhat cu tualchung hriamtlai phufonh nih bomb puahhnawh in an doh hna, tiah Farmers Revolution Force FRF(CHU) nih nihin July 8 ah cathanh an chuah.
Nihin July 8, zinglei suimilam 9:00 hrawng ah Chaung-U in a chuakmi motor, SAC ralkap 15 hrawng nih an zulhmi cu bomb lung 15 puahhnawh an si i, SAC ralkap 10 hrawng an thi, tiah an thanh. Tualchung hriamtlai phufonh nih an hmanmi bomb cu a tha ṭhawng ngai mi bomb a si caah pe(ft’) 300 tiang hrawng a hnorsuan khawh i, cu motor zong cu faak ngai in a rawk tiah tualchung hriamtlai phu lei in hruaitu pakhat nih a chim.
SAC ralkap motor bomb a puahhnawhtu cu FRF (CHU) battalion le Myaung dohthlennak tuahtu phu MRA-Sagaing ramṭhen battalion 5 an si i, Zarmini MMU (Sagaing ramṭhen battalion 1) le Chaung-U Revolution Army (CRA-1) nih an bawmh hna, tiah theih a si.
Sagaing Ramṭhen Yee-U Peng Sita Khua Cu SAC Ralkap Nih Helicopter 4 In An Kah Hna!: Sagaing ramṭhen Yee-U peng Sita khua cu SAC ralkap nih helicopter 4 hmang in nihin July 8 zinglei ah an kahdoh hna caah, khuachung mi hna cu chuak kho lo in an i hreng, tiah tualchung mi nih an chim. Zinglei suimilam 11:00 hrawng ah Sita khua cu SAC ralkap nih helicopter 4 in an kahdoh hna i, chun suimilam 12:00 tiang an kah hna caah khuachung mi hna cu chuak kho lo in an um. SAC ralkap nih khuachung ah an luhhnawh hna lengah Phone line zong an phihpiak hna caah zei bantuk thil an ton zong theih khawh a si lo, tiah tualchung mi pakhat nih a chim.
Cun, Kayin ramkulh TanDawGyi BaYintNawng sakhan in ramṭhen zung ah meeting kai ding in a kalmi SAC ralkap motor cu People Defense Force Thandaung nih July 7, zaanlei suimilam 3:17 ah, lampi ah rak bawh in an kah hna caah SAC ralkap 6 an thi, tiah People Defense Force Thandaung nih cathanh an chuah.
Yangon University of Education Student Union Hruaitu Hlun Cu Kum 8 Thongtla Ding In Bia An Ceih!
July 8, 2022 thechinpost Ramchung Thawng 0
Yangon University of Education Student Union Hruaitu Hlun Cu Kum 8 Thongtla Ding In Bia An Ceih!: SAC ralkap nih an tlaih mi Yangon University of Education, Student Union hruaitu hlun Ko Soe Thura Kyaw(ကိုစိုးသူရကျော်) biazai tial thiam Thasian(သသျှား) cu June 27 ahkhan phungrelnak 52(a) le 505(a) in kum 8 thong tla ding in biaceih a si, tiah All Burma Federation of Student Union(ABFSU) nih an thanh.
Ko Soe Thura Kyaw cu SAC ralkap nih phungrelnak 52(a) ca ah kum 5 thongthlak le phungrelnak 505(a) ca ah kum 3, a dihlak kum 8 thong thlak ding in Mandalay Obu(အိုဘို) thonginn ah bia an ceih. Hi pinah hin Yangon ah biaceih ding mi case dang a ngei rih, tiah theih a si.
2021 September 24 ahkham SAC ralkap nih an rak tlaih i, amah hi Yangon University of Education Student Union hruaitu hlun a si pinah Basic Education General Strike Committee(BEGSC) chungtel zong a si fawn. SAC uk duh lo langternak zong ah a hruaitu langsar a si, tiah ABSFU nih an cathanh ah an langhter.
Cun, Yadanabo(ရတနာပုံ) University) ah a leng(distance) in a kai lio mi Ma Kyi Kyi Win(မကြည်ကြည်ဝင်း) cu SAC ralkap nih rianhrang ṭuan buin kum 3 thongtla ding in bia an ceih, tiah Yadanabo University Student Union nih an thanh. Ma Kyi Kyi Win hi CDM tuahtu nurse pakhat a si, tiah theih a si.
Russia president hlun Dmitry Medvedev nih U.S cu Russia bantuk in Ukraine kahdohnak caah Nuclear thazaang cu dan peek dingah nitlak lei ram hna nih an i zuamnak cu minung pawl caah tih a nung tuk mi a chuahter kho tiah a chim. Russia nih Ukraine kahdohnak kum 1962, Cuban Missile buaibainak a chuah hnu ah Russia le nitlak lei ram hna karah pehtlainak thalo buaibainak a chuah ter ii vawleipi mimnung hna nih Nuclear raltuknak a chuak sual lai timi hi phan cuahmah caan zong lio a si.
Leave a Reply