SAC Ralhrang Sinah Thawngpang Petu Phungki Pa An Thah
SAC ralhrang thawngpang a pe, zuu a dangh hna caah meithal in tinh hratin mansawh in thah a si. Phungki a si nain mipi sawhsawh bantukin a um. Nu he zong an um, mipi cungah harsatnak a pek, phungki zulhphung in a nung lo caah kan thah tiah a chim.
Amah phungkipa nih thawngpang a pek hna ruangah CDM tuahtu pakhat le khuami minung (10) zong tlaih an tong pinah nupi he khua a sami a si caah ahohmanh nih an fuhpanh tuk lo tiah cathanh an chuahmi ahcun an langhter. Cu phungkipa thah a ton hnu sml 9:00 hrawng zongah Myit Tha peng chung Ta Laing Kung khuami ukbawi zong thawngpang an kan pek ningin kan thah tiah an langhter. Credit: The Federal Times
Hakha ah SAC Ralhrang Helicopter a Tla
Cawbuk khuami upa pakhat nih, “Gangaw lam orhlei kam ramlak ah khan a tlaknak cu a si. A tlak lio ngaingai cu kei ka hmu lo nain helicopter a tlaknak meikhu pawl tu cu Cawbuk zong in atu hi kan hmuh khawh ko,” tiah a chim. Helicopter a tlaknak hmun lei ah SAC ralhrang pawl an kal. Credit: The Chin Journal
Relchih: Tinam Khua Inn 9 SAC Ralhrang nih an Khangh, Khuami 700 Hrawng an Zaam
Hakha he meng 36 a hlatnak hmun ah a ummi Tinam khua ah SAC ralhrang 100 hrawng zaan an riak i, inn 9 an khangh ta tiah ramlak ah a zaam vemi Tinam pastor nih The Chin Journal ah a chim. “Ralkap 100 hrawng an si lai dah. Kan khua Baptist biakinn le Believer biakinn ah an riak i, inn an bauhmi le an firmi zong a um len ko. Lamtuk lei an lanh lai ah inn an khangh ta i inn 9 an ciam,” tiah a chim.
Inn a kaangmi hi bomb nih a tlakmi theng si loin an khangh hramhrammi a si ko, tiah a chim a chap. “Bomb tlak ruang ah a kaangmi cu a si lai lo. Khuachung an um hnu, khua in an chuah lai ah a kaangmi a si i, an khangh hramhrammi si dawh a si ko,” tiah a chim.
Lamtuk khua pawng ah miphun ralkap le ralhrang karlak kahdohnak fak ngaiin a chuak i SAC ralhrang lei in a thimi le hliam a pumi an um len tiah kan theih nain mithi/hliampu a zat fiang in theih a si lo. Tinam khua ah inn 105 a um i, an khua ning in milu 700 hrawng cu bu 6 hrawng ah an i tthen hna i ramlak ah an zaam dih hna. SAC ralhrang pawl Lamtuk khua lei ah an kal caah Lamtuk khuami pawl zong nih an khua an chuahtak, tiah thawngpang kan theih. Credit: The Chin Journal
Russia Le Ukraine Tonnak An Ngeih Than Lai
Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.
Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim
Russia Le Ukraine Tonnak An Ngeih Than Lai
Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.
Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim
Leave a Reply