Putin Nih Finland Cu Naa Palh Sual Lai Hih A Ti
Finland lei nih NATO phu chungah luh dingah riantuannak a ngeih mi hi cu a dik lomi palhnak thil tuah a si ( Naa palh sual lai hih) tiah Russia President Putin nih a chim. Finland ram i hmunhimnak cu Russia lei nih tlerhkhawnak a um lo nak kong cu Finladng president Sauli Niinistö nih a chim ko nain Putin nih cun a cung lei bantuk in a chimnak hi a si.
Finland president nih a rauh hlan ah theihternak a tuah khawh hnga ding NATO phu chungah luh dingah phung ningin luhnak halnak a tuah hlan Russia president Putin le phone in pehhlai ceihhmainak an ngei tiah theih a si. Sweden ram zong nih Ukraien cu Russia nih a kahdoh hnu ah ,
Nitlak lei ram hna he ifonh dingah an mah i an itimhlamhnak cu theihternak a tuah tiah theih a si. Finland ram cu Russia he 1300 Klm (meng 8100) ramri aa pehtlai mi an si. NATO phu chungin luh dingah Finland a thazaang chuahnak he pehtlai in lehrulh ding tlerhkhawnak pawl cu Putin nih a chim loin Russia ramdang vuanci nih lehrulhnak kong a chim tiah theih a si. A tu zongah Russia nih Finland ram cu electric mei peek nak cu a phihkham tiah theih a si. Ref-BBC
Relchap, Ramleng ummi Tlangrua khuami hna nih CNF le CDF caah US Dollars $170,000.00 cu Vaurawng Zuunthil sin ah an pekchanh. ( Crd. Salai William HC ). Pehchap Thawngdang, Hmailei thil kong chimchung khawhnak phundang takmi a ngeih ruangah “Nostradamus of the Balkan” ti tiang zong an timi Baba Vanga ( a min taktak cu Vangelia Gushterova) nihcun kum 2022 chungah thil a cang dingmi kong kha arak phuang chung.
Khuaruahhar taktak a simi minung nihhin Brexit le 9/11 zong kha a rak chimchung bangin a cang taktak. Baba Vanga hi 1911 ah a chuak ii, kum 12 a si lio ah thlichia faktuk in a rak hrang caah a mit tiang zong arak caw. Amah nih a chim ning ahcun, mah hi caan ahhin Pathian nih hmailei thil cang dingmi chimchung khawhnak fimnak phundang tak a ka pek, tiah a chim. A chimchung mi thil tampi cu a chim bantuk tein an tling taktak.
Kum 2022 ah a chuak dingmi thil a chimchungmi cheukhat hna cu: (1)Khua Caan Chiatnak Ding Kong -2022, a chuak dingmi ahhin Asia ramchung hmun tampi ah le Austrilia ram cu Tilian nih a tlun hnawh lai. (2) Virus Tih Nung – Kum 2022 a chuak dingmi ahhin Covid-19 cu a zia deuh dingah kan ruah ii Vanga belte nihcun virus tihnung taktak a chuak lai tiah a ti. A chimning in cun, Siberia ah researchers team pawl nih virus tihnung taktak an hmuh lai tiah a chim.
Vawleicung minung paoh paoh nih theih lo awk tha lo mi pa cu facebook CEO Mark zuckerberg kum 38 a tlinak birth day a si. Kan Pupu Mark zuckerberg hi kum 1984 may ni 14 ah American ram New York khuapi ah a rak chuak mi pa asi A mah hi kum 2004 ah khan Harvard University ah sianginn a rak kai lio ah facebook hi ser hram a rak thawk tu pa a si. Mah lio caan ah hin kum 20 minung lawng a rak si. Forbes magazine nih a langhter nak ahcun kum 2022 march thla ah khan a rumnak hi 74.5 billion a si tiah a langhter. Kum hi tluk nghkkachia nih mah tluk lawmman i rum khawh cu khuaruahhar ngau cu a si.
Kan Pupu Facebook CEO Mark zuckerberg hi cu Laitlang khuate nih uar lo awk pei a rak tthat lo cu, a hleice in nu nausem neimi ca lebang ahcun a sunglawi khun, aruang cu a thil ser mi ruangah nau umh tiang an luat phah. Tar nu tarpa, nghakchia, mino tiang nih kan zoh cem mi cu kan pupu nih a ser mi facebook hi asi. Zing kan thawh ah kan zoh hmaisa cem mi cu facebook ti sihlaw kan palh lai ka zum lo. Mah caah a chuahni sunglawi ( Birth Day) hi cu lomhpi lo awk hrim a ttha lo. Mah caah a lomhpi nak caah Happy Birthday tiah commen pe cio hna u sih. Lomhpi phu cu a si ve ko.
Covid-19 pulrai ruang ah vawleicung sipuazi vialte a rak tlak ah khan cheukhat hna caahcun an phaisa arak kai chin lengmang ve. Mirum tampi cu vawleicung sipuazi atlak cuahmah lio ah phaisa (Income) tha taktak mi anrak um ve. Cu bantuk minung hna lak ahcun Facebook CEO Mark Zuckerberg zawng a rak itel ve. Vawleicung mirum hna lak ah Facebook CEO Mark Zuckerberg cu Berkshire Hathaway i President Warren Buffett le LV ah President a si mi Bernard Arnault hna cu thlahnih chung bak ah alonh dih hna tiah 2020 May 21 ah khan business insider le time of India hna nihcun an langhter.
Facebook CEO Mark Zuckerberg cu march thla lio ah khan cun dollare 57.5 billione in a rum mi a si ko nain nai thlahnih chung bak ah dollare 30 billion in a kai tthan tiah theih a si. Tuah hin Mark Zuckerberg rumnak cu dollare 87.8 billion aphan cang. Vawleicung mirum asi mi Arnault rumnak cu dollare 81.1 billon a si I, Buffett rumnak cu dollare 68.9 billion asi ve. April 29 i an langhter ning ahcun Facebook CEO Mark Zuckerberg rumnak cu tu an langhter mi nak hmanh khin a tam kho mi a si tiah an chim. Covid-19 ruang ah vawleicung sipuazi a tlak chin lengmang lio ah Facebook CEO Mark Zuckerberg cu nikhat hnu nikhat in a sipuazi a ttha chin lengmang.
Amazon CEO a si mi Jeff Bezos le Microsoft ngeitu Bill Gates hna cu pakhatnak le pahnih dirhmun an si. Mah hna pahnih hnung a zultu ahcun Facebook CEO Mark Zuckerberg a si. Minung tampi cu Covid-19 ruang ah eiawk dinawk ngei lo in kan um lio ah facebook CEO Mark Zuckerberg cu thlahnih chung ah dollare 30 billion in arum mipa a si.
Leave a Reply