Min Aung Hliang , Tatmadaw Zong Nih Mi Lemsawi In Ramkhel Kan Tuah Lo!
Myanmar ram cu tuanbia in peh zulhin Tlangcung mi pawl he fonhin a thudir mi Myanmar ” Pyidaungsuu” kong he pehtlai in SAC ralhrang Min Aung Hlaing nih March thla 287, Nay Pyi Daw ah tuah mi a voi 77 nak Tatmadaw ni ah Min Aung Hlaing nih a chim.
Myanmar cu tuan bia ning in cun Siangpahrang hna nih khua, peng le tlang tbt, in siangpahrang nih uknak nawl pek a si i, Siangpahrang hna nih Myanmar ram hi Siangpahrang nih ukin hruai mi a rak si i, Siangpahrang uknak a hmang mi kan si ti zong in SAC ralhrang Min Aung Hlaing nih a chim.
Ko Luu Ni chan lio kuttang ah tlangcung hmunram le kawlrawn ah uknak, hruainak pa 2 then in aa uk mi kan si i luatnak kan hmuh hnu in chan a kal ning in Cozah hna nih Parliamentary democracy system, Socialist democracy system telin uknak, hruainak aphun phun in aa uk mi ram a si nak kong cu Min Aung Hliang nih a chim.
” Myanmar ram cu hmunzaka kip ah Geographical location, tlangcung miphun pawl he tuanbia ning in hmunkhat te ah a um ti, a thudir ti mi kan si i Vawlei uknak, ramri le uknak hruainak cu kan fehter i a fekmi tuanbia ruang ah a um mi Pyidaungsuu ram a si. Cu ruangah mipi nih thim mi Democracy Federal hruainak cu i zohchunh, hrambunh in Pyidaungsuu ram piin fek tein sersiam a herh” tiah SAC ralhrang Min Aung Hlaing nih a chim.
Cu ruangah Democracy le Federal hruainak cu hrambunh in Pyidaungsuu rampi sersiam khawh nak hnga ding caah a biapi tuk mi caan kar chungah langhter mi he aa khat in dikfel tein tuanvo lak in zalonak, mah le tlinco cio hnga ding timi Party kip nih Democracy thimnak cu tlamtling tein tuah khawh nak hnga ding caah le tlangcungmi zapi aiawh tu telhmi thimnak a si khawh nak hnga ding caah fak piin kan i zuam i tuanvo ka lak tiah Min Aung Hlaing nih a chim.
” Mah tiin tuanvo lak nak hi Tatmadaw lei zongin Ramkhel tuah si loin( Tatmadaw lei nih mi lemsawiin ramkhel kan tuah lo) ramkhel a si mi rampi sersiamnak cu langhternak a si caah Tlangcung mipi zapi le Myanmar rampi i miphun thatnak cawhleh caah Miphun ramkhel tuanvo cu titsa ngei tein tuanvo lak a si” tiin SAC ralhrang Min Aung Hlaing nih a chim .
Sccoty Accident Ruang Ah Nu Pakhat A Thi
Aizawl Khuapi Ah Sccoty Accident In Nu Pakhat A Nunnak A Liam! March 27, atu zaanlei sumilam 5 hrawng ah Mizoram Aizawl khuapi, Kulikawn veng ah Scooty pakhat cu Tanker(Tanky Phor motor) tang ah aa barh sual i, Scooty aa cit mi pahnih cu Motor nih a rial hna. Motor nih a rial mi Nu cu Civil Hospital, Aizawl phanhpi a si ah a nunnak a liam i, pa(an pasal) hi hliam faak ngai a pu, tiah theih a si.
Scooty khaltu hi Lalṭhasangzela Kum 28, Melriat(Aizawl khua pawng) khua mi a si i, a nupi Ngurmuanpuii kum 26 le an fa pakhat he, an chungkhar in Scooty ah an i cit hna, an hmai Motor cu lonh an timh lio ah motor tang tu ah cun an va i barh sual i, nu bik cu motor nih a rial colh, tiah mit hmutu pakhat nih a chim. An fate hi cu a him nain a pa belte hliam faak ngai a tuar caah thinphang ngai a si, tiah kan thawnglaknak nih cun a chim chap. Ref – TCP
Rel chap – Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.
A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.
January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.
Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.
Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.
Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.
Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum
Leave a Reply