Chin le Magwe ramri um Council ralhrang PDF nih an kah hna
==========
Chin Ramkulh le Magwe Ramthen ramri Kyaukhtu um Council ralhraang hriamnam ngan chiahnak sakhan cu kawl ti toih puai chung ah PDF nih bomb in an den hna tiah PDF sin in theih a si. Kyaukhtu peng chung um ralhrang hriamnam ngan chiahnak cu PDF nih kutser bomb le hriamnam ngan zun 10 in kan kah.
Cun palek sakhan zong zuun 20 in kan kah tiah PDF lutlai pakhat nih a chim. “Atu i kahnak ah Yaw ram chung um Saw khuapi mino hna dirhmi khuachung cawlcangtu hna nih Palek sakhan cu an kah i kaphnih karlak ah kahdohnak suimilaam pakhat chung hrawng a chuak. Suimilaam pakhat i kah hnu ah hnu kir a si.
SAC ralhrang lei in a thi mi le hliam a tuar mi an tam,” tiah PDF lutlai pakhat nih a chim. Hi kahdohnak ah ralhrang hiramnam ngan in PDF ralkap minung pakhat a ban ah hliam a tuar. Kahdohnak a chuah i hnu an kir hnu ah Council ralhrang Helicopter pakhat nih a kawl hna nain kuan le bomb cu a thlah lo tiah kan theih.
Dalaan Kong Ralchap ;Kalay Peng chungum Ralhrang sinah thawngpang petu U Than Aung cu an kah that. Kalay peng chung Yazagyo khua ah a um mi U Than Aung cu ralhrang sin ah thawngpang a pek ruangah April 16 zanlei sml 5:00 ah khan Natchaung lampi ah cycle a mongh nakah mize hngalhlomi phu nih meithal in an kah that.
U Than Aung cu An Kah nak hmunah a thi colh lo caah sizung ah an kal pi i, zaan sml 10:00 ah a thi tiah theih a si . Amah cu ralhrang ralkap nih nawlngeihnak an laak hnuah daiziar tein lamzahnak a um tik paoh ah hman a thlak hna hnu ah ralhrang sinah thawngpang a pe zong a si .
Cucaah ralhrang ralkap sinah thawngpang pe ti lo ding in khua chung mino hna nih a mah inn ah lengin bia an ruah nain a duh lo caahbuainka tiang a rak chuak bal .
Thongtla Kong Relcap ; Sagaing Ramthen Chungah Thongtlami 123 Chuahzalen An Si Nain Ramkhel Ruangah Thongtlatu An I Tel Lo!
Kawl miphun kum thar ni philhlonak caah tiin Sagaing ramthen chungum thonginn 9 chung i thongtlami 123, chuahzalen an si tiah thawng kan theih.
Mongywa thonginn in 11, Khantyi thonginn in 15, Shew Bo thonginn in mipa 10 le nu 1, an dihlak ah minung 11, Kalaymyo thonginn in mipa 25 le nu 7, an dihlak 32, Kathar thonginn in mipa 6 le nu 5 an dihlak minung 11, Tanan thonginn Tamu in mipa 9, Myo Thit Tamu thonginn in mipa 11, Bandula Tamu)thonginn in mipa 17, Ukphu Gan-Baung Tamu in mipa 6 hna cu chuahzalen an si tiah theih a si.
Cu chuahzalenmi hna ahcun ramkhel ruangah thongtlami an i tel lo tiah theih a si.Kawlram chung dihlak ah Kawlram thongtlami 1577 le ramdangmi 42 hna cu chuahzalennak kan pek hna tiah ralhrang nih cathanh an chuah.
Nawlnak Kong Relcap; Hmailei Ahcun Pyidawtha Khua Chungah Kahdohnak Chuahter Ti Lo Dingin Pyidawtha Khua Chung Pastor Fonhmi Phu Nih An Nawl!Kalay peng chung Pyidawtha khua chung pastor kip fonhmi phu nih hmailei ahcun khua chungah kahdohnak chuahter lo dingin an nawl tiah kan theih.Pyidawtha Churches Ministers Fellowship phu ah Rev. Pastor 14 nih April 15 ah khan tonbiaruahnak an ngeih hnuah biachahnak an tuah i, April 16 ah cathanh an chuah hi a si.
April (13) ah khan Pyidawtha khua chung le pawngkam ah ralhrang ralkap le tualchung hriamtlaitu hna karkah ah kahdohnak a chuah ruangah khuami nu pakhat nunnak a liam pinah a vapa zong hliam a tuar tiah kan theih.
Cu bantukin tonbiaruahnak le biachahnak an ngeihmi 9 chungin a biapi cemmi cu Pyidawtha khua chung lampi ah ahohmanh lamkham lo ding, hmailei ahcun Pyidawtha khua cu raldohnak hmunah tuah in kahdohnak tuah lo ding, raldohnak he pehtlaiin hmunhma laaknak zongah hmanti lo dingin upatnak he kan in nawl hna tiah cathanh an chuah.Pyidawtha kahdohnak ah People Defense Force 4 nunnak a liam pinah a dang 6 nih hliam an tuar tiah kan theih. Crd: Zalen
Leave a Reply