Boruak Thurhnawm Ruangah Delhi Ummi Mipi Hna Cu Kum 10 In An Chan A Tawi Kho!

Boruak Thurhnawm Ruangah Delhi Ummi Mipi Hna Cu Kum 10 In An Chan A Tawi Kho!: Vawlei cungah boruak a thurhnawmnak bik hmun a simi Delhi khuapi ummi minung hna cu Kum 10 in an chan a tawi kho, tiah US ramchung um researcher phu pakhat nih a thanh. Chaklei India ah a ummi minung Nuai(million) 510 asiloah India ramchung ummi chungin 40% hna cu air pollution ruangah Kum 7 le cheu in an chan a tawi khomi dirhmun ah an phan, tiah Institute of Energy Policy, Chicago sianghleiruun nih an langhter.

Dothlatnak an tuah ningin India rammi hna an nundam caan cu atu i boruak thianghlim lo nih Kum 5 in an chan a tawiter khawh, tiah an langhter chih. Rammi nuai thong khat le zathum (1.3 billions) leng cu WHO nih boruak thurhnawmnak hmun in a him deuhnak hmun ah an um, tiah a langhter.

India ramchung ah hin boruak thurhnawm ruangah kumfatin tein minung a nuai (miliion) in an nunnak a liam. A bikin khuasik caan ah India ramchung khuapi meikhu le boruak thurhnawm chahnak hmun ahcun boruak tahnak PM 2.5 level a phan i, cuap a phih caah zawtnak dangdang a chuahter, tiah thiamsang hna nih an langhter. Cred : The Chin Post